1 Samuel 2:34 - Bible in Tzeltal de Oxchuc y Tenejapa

³⁴ Tey me ya ana' a te bila ya xc'ot ta pasel ta swenta anich'nab, ja' te Ofni soc Finees: ta xchebalic ya me xlajic ta jun nax c'aal.

Bible in Tzeltal Bachajón

³⁴ Ha me seña awu'un ini te bin ya xc'oht ta pasel ta stojol te cha'tuhl anich'nab, ha te Ofni soc Finees: ta schebalic ya me xlajic ta junax c'ahc'al.

1 Samuel 2:34 ပူးပေါင်းရင်းမြစ်များ

1 Reyes 13:3

Ja' nix sc'aalelal a te j'alwanej la spasbey seña yu'el Dios. Jich la yal: —Ja' seña yu'el Dios yaloj in to: Te scajtijib ta chiq'uel majt'anile ts'ubiltic me ya xbajt', soc te tan ay ta sba ya me xpujc' bael —xi'.

1 Reyes 14:12

“Te ja'at, ants, jajch'an, baan ta ana. C'alal ya atec' ochel te lume, ya me xlaj te alalquereme.

San Lucas 2:12

Ja' seña ya xc'o awilic: te alale potsbil ta pac' soc wayal ta yawil swe'el chambalam —xi' te ch'ul abate.

1 Samuel 10:7

Te c'alal jich c'otix ta pasel ta atojol spisil a te bitic la calbatixe, pasa spisil te bila ya sc'an awo'tan ya apase, ja' me ya scoltayat te Diose.

1 Samuel 2:33

Pero ya me xjil jtul ats'umbal cu'un ta bay nopol scajtijib te jmajt'ane. Pero swenta yu'un ya xtup' asit yu'un oq'uel soc ya amel awo'tan yu'un, spisil ats'umbal te ya to x'ayinic, ch'iel winiquetic to me a te ya xlajique.

1 Samuel 3:12

Ya me xc'ot sc'aalelal, te puersa ya cac' c'otuc ta pasel te bi caloj ta stojol Elí ta swenta te mach'atic ay yu'une.

1 Samuel 4:11

Soc la spojic bael te scajonil trato yu'un Dios, soc laj ta milel yu'unic xchebal te snich'nab Elí, ja' te Ofni soc Finees.

1 Samuel 4:17

La sjac' te winique: —Te joytic ta israele, loq'uiquix ta anel ta stojol te filisteoetique. Soc mero bayal te milele. Tey lajix xchebal a te anich'nabe, ja' te Ofni soc Finees. Soc nix te scajonil trato yu'un Dios, ochix ta sc'abic te filisteoetique —xi'.

1 Samuel 4:21

Icabod sbiil la yac'bey te alale, melel la yal: “Israel lajix yutsil sc'oplal, melel bajt' ta pojel te scajonil trato yu'un Dios”, xi'. Jich la sta ta alel te scajonil trato yu'un Dios, soc nix te laj te yalib-mamal, soc laj te smamlale.