1 Samuel 2:30 - Bible in Tzeltal de Oxchuc y Tenejapa

³⁰ Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Bible in Tzeltal Bachajón

³⁰ Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

1 Samuel 2:30 ပူးပေါင်းရင်းမြစ်များ

1 Reyes 11:11

Ja' yu'un jich albot yu'un Cajwaltic te Salomón: —Te bit'il jich la apasixe, te ma ba c'ot ta pasel awu'un te trato soc te yantic mandaliletic cu'un te la calbat apase, yo'tic ya jpojbat te awat'el ta muc' ajwalil, ya me cac'bey jtul mach'a ay ta abatinel awu'un.

1 Reyes 2:27

Jich la sloq'ues ta sacerdoteil ta stojol Cajwaltic te Abiatar te Salomón. Jich c'ot ta pasel a te bi la yal Cajwaltic ta Silo, ja' te sc'oplal te mach'atic ay yu'un te Elí.

1 Crónicas 17:18

¿Bi xan yan ya calbat yu'un te ich'el ta muc' te la awac'bon te awabatone? Melel ya ana'bon jba jo'on te abaton awu'une.

2 Crónicas 15:2

jich loc' bael, ba sta sba ta c'op soc Asa swenta yu'un ya yalbey: —Aiybon awaiyic stojol jc'op, ja'at Asa, soc ta apisilic ta Judá soc ta Benjamín. Te ja'ex sjoinejex te Cajwaltic, teme jun awo'tan ya awac' abaic ta stojole. Teme ya aleique, ya me ataic; yan teme ya awijq'uitayic ta awo'tanic, jich nix me ya yijq'uitayex ta yo'tan.

2 Crónicas 26:18

Jich la yalbeyic ta sit te muc' ajwalil: —Muc' ajwalil Uzías, ma awentauc xchiq'uel pom ta stojol te Cajwaltique. Ja' me ay ta swentaic te sacerdoteetic te sts'umbalic te namey q'uinal Aarón, te ja' ch'ultesbilic stuquelic, te jich ya spasique. Ja'at muc' ajwalil, loc'an tel ta ch'ul templo, melel ma me lecuc ta jc'axel te bila ya apas ta stojol te Cajwaltique. Ma me xacuy te ya yac'bat awutsilal yu'une —la yutic.

Salmos 18:20

Te Cajwal la yac'bonix jmajt'an te bit'il lec ayon soc te co'tane.

Salmos 18:26

Lec awo'tan ta stojol te mach'a lec yo'tane; tulan ya awac' aba ta stojol te mach'a ay maña ta yo'tan.

Salmos 50:23

Te mach'a ya yal wocol ta jtojol, ja' ya yac'on ta ich'el ta muc', ja' me jmajt'an yu'un te ya sc'ajintayone. Jo'on te Diosone, ya me jcoltay te mach'a toj ya yac' sba ta jtojole”, xi' te Cajwaltique.

Salmos 73:20

Te ja'at Cajwal, te bi ora ya xjajch'at jich bit'il mach'a ya xjajch' ta wayel, ya me awilaybey te bila ma smeleliluc scuyoj sbaic ae.

Salmos 91:14

Ya yal te Cajwaltic: “Jo'on ya jcoltay loq'uel spisil a, ma'yuc bi ya xtaot yu'un, melel c'uxon ta yo'tan soc ya sna'bon jba.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

Éxodo 28:43

Jich yu'un te Aarón soc te snich'nab ya me slapic bael ta Nailpac' te bay ya quich' c'oponele, o ja' te c'alal ya xnoptsajic tel ta bay scajtijib ta chiq'uel te jmajt'ane, soc te c'alal ay at'el ta ch'ul awilal swenta yu'un ma me staic falta, teme repente ya xlajic yu'un. Ja' me jmandal ta sbajt'el q'uinal ta stojolic soc te sts'umbale.

Éxodo 29:9

Te Aarón soc snich'nab ya me achucbey xch'ujt'ic, soc ya me awac'bey sbejch'il pac' ta sjolic. Jich me ya awac'bey yich' yat'elic ta sacerdoteil. Ja' me jmandal sbajt'el q'uinal.

Proverbios 12:8

Ay ta alel yutsil sc'oplal te mach'a ay sp'ijil sjole; yan te mach'a bol yo'tane, ilaybil stuquel.

Proverbios 4:8

C'uxuc me ta awo'tan, jich me ya stoytesat a; loch'a me ta awo'tan, jich me ya yac'at ta ich'el ta muc'.

Proverbios 8:17

Jo'on c'ux ta co'tan te mach'a c'uxon ta yo'tane, te mach'atic ya sleonic ya me staonic.

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Jeremías 29:32

Ja' yu'un te jo'on Ajwalilon, ya cal te ya cac'bey castigo te Semaías soc te sts'umbale. Ya me xtup' ta jyalel te sts'umbal ta yolil te lum cu'une. Ma me ayuc yutsil q'uinal ya yaiyic, jich bit'il ya cac'bey te lum cu'une, melel ta swenta sc'op la scontroinon. Jo'on Ajwalilon, jich ya cal”, uta me —xi' te Cajwaltique.

Jeremías 49:15

Ya me cac' te ch'in lum ya xc'oat yu'un te lumetique; mero c'ax ilaybil me ya xc'oat yu'un te winiquetique.

Ezequiel 34:10

Jo'on te Ajwalilon ya xc'opojon ta atojolique: Yo'tic in to, jcanan-chijetic ya calbeyex ta jamal: Ma lecuc co'tan awu'unic. Yo'tic ya jc'anbeyex sujt'el ta stsojbol te chijetic cu'une. Yo'tic ya jloq'uesex ta awat'elic ta jcanan-chij. Melel te jcanan-chijexe, ja' nax ya acanantay abaic. Ya me jpojbeyex loq'uel ta ac'abic te chijetic cu'une, swenta yu'un jich ma'yuquix bi ora ya ati'bonic a’, xi' me”, uta me —xi' te Cajwaltique.

Daniel 4:34

La yal xan te Nabucodonosore: “C'alal ts'acaj te castigo ta jtojole, jo'on te Nabucodonosor la quil moel te ch'ulchane. Te c'alal la quil moele, la caiy te lecubon te bit'il boloben te jole. Jich la calbey yutsil sc'oplal te Dios mero toyole, jich la calbey ta xch'ul-tojol te Mach'a cuxul ta swenta sbajt'el q'uinale: ‘Sbajt'el q'uinal ay yip te yu'ele; sbajt'el q'uinal ay ta ajwalinel yu'un spisil ta cajalcaj mach'atic ya xc'axic ta q'uinal.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Malaquías 2:3

Soc la to yal xan: —Ya me jpojbeyex te awat'elic, soc ya me jtujq'uiybeyex ta asitic te stsa' chambalametic te ya awiq'uic tel ta milele. Pajal ya xbaex ta ch'ojel soc te stsa' chambalametique.

Números 11:20

Ya me sti'ic ti'bal sjunal u, ja' to me c'alal ya xmal loq'uel ta sni'ic, soc ja' to c'alal ya yilay yo'tanic, melel la yil-o'tantayonic te Ajwalilon te ayon ta yolilique. La yoq'uetay sbaic soc yalojic ta jtojol: “¿Bistuc loc'otic tel ta Egipto?” xiic —xi' te Cajwaltique.

Números 35:34

“Ma me xaboltesbeyic sc'oplal te q'uinal ta bay ya x'ainex soc te bay ya x'ainon uuque, melel jo'on te Ajwalilon te ya x'ainon ta awolilic ja'ex te israelexe —xi' te Cajwaltique.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

San Juan 5:44

¿Bit'il c'an ach'uunonic? Melel ja' nax ay sc'oplal ta awo'tanic te ich'el ta muc' yu'un te yantique. Ma ja'uc ya aleic te bit'il ya x'ac'otat ta ich'el ta muc' yu'un te Diose.

San Juan 8:49

La yal te Jesuse: —Ma'yuc te pucuj ta co'tane. Ja' nax ya cac' ta ich'el ta muc' te Jtate. Yan te ja'exe, ma'yuc jc'oplal ta awo'tanic.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

1 Pedro 1:7

Melel te bit'il ay xch'uunjel awo'tanique, ay yiljibal awo'tanic yu'un. Jich c'oem te bit'il oro te bayal yutsilal te ya yich' ultesel ta c'ajc' yu'un ya yich' ilel teme ma'yuc scape. Te xch'uunjel-o'tanil te ya spasot ta pruebae, c'ax jich ay sc'oplal stuquel te bit'il ay sc'oplal te oro te puersa ya xlaje. Teme chican te ay xch'uunjel awo'tanique te pasbil ta pruebae, lec me sc'oplal ya xc'ot, soc ay me yutsil, soc bayal me sc'oplal ya xc'ot te c'alal ya xchicnaj tel te Jesucristoe.

Jueces 9:10

“Jich yu'un te te'etic la yalbeyic te higuera, te ja'uc ya x'och ta muc' ajwalil yu'unique.