1 Samuel 2:3 - Bible in Tzeltal de Oxchuc y Tenejapa

³ Ma me ayuc mach'a xc'opoj soc stoybail, ma me ayuc mach'a ya stoy sba ta jc'axel soc te sc'ope, melel te Cajwaltic, ja' Dios te spisil ya sna' stuquele, ja' te ya stsatay spisil te bitic ya spas te ants-winiquetique.

Bible in Tzeltal Bachajón

³ Ma me xc'opojex soc atoybahilic, ma me xloc' toyba-c'op ta awe'ic, como te Jehová ha te Dios te ya sna' spisil, soc ay ta scuenta stsahtayel te bintic ya yich' pasele.

1 Samuel 2:3 ပူးပေါင်းရင်းမြစ်များ

Job 31:6

Dios ac'a slicbon calal c'oem ta báscula, jich me ya sna' a te ma'yuc te jmule.

Salmos 147:5

Mero muc' te Dios cu'untic, soc muc' te yu'ele; te sp'ijil ma p'isbiluc soc ma'yuc slajibal.

Salmos 17:10

Toybailetic, cajal nax yac'oj sbaic soc te sc'opique;

Salmos 31:18

Ch'abuc ta c'op te mach'a ay sp'ijilic ta spasel lote, ja' te ya slaban soc ya yilay, soc ya sbolc'optay te mach'a toj yo'tane.

Salmos 44:21

Te jichuque la awilotic, melel te ja'ate ana'oj spisil te bila muquen yich'oj chapel.

Salmos 75:5

ma me lom toyoluc sc'oplal awu'unic te bi ay yip ya xju' awu'unic spasele, soc ma me ja'uc te jc'axel ma xq'uexawex ta c'ope”, ya me cutic.

Salmos 94:4

Spisil te mach'atic amen yat'elic, j'ixta-c'opetic soc jtoybaetic, cajal yac'oj sbaic.

Proverbios 16:2

Te ants-winiquetic lec c'oem ta yo'tanic spisil te bi ya spasique; ja'uc me to, te Cajwaltic ya sna'bey yo'tan stuquel.

Proverbios 24:12

Manchuc me ya awal te ma la awaiy stojole, pero te mach'a ya sna' bi ay ta co'tantic, ya sna' stuquel. Melel ya me sna' stuquel te mach'a ya yilate, ja' te mach'a ya yac'bey stojol sc'ab ta juju-jtul chican bi yilel te yat'ele, ja' me ya yilat stuquel.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Isaías 26:7

Te be yu'un te mach'atic toj yo'tanique toj nax ay; ja'at, Cajwal, ya apamanbey te sbe.

Isaías 37:23

¿Mach'a la abolc'optay soc te la awixtac'optaye? ¿Mach'a a te toy ac'op ta stojole, soc te la atoy asit yu'un te toyolat la awaiy yu'une? Ja' la apas ta stojol te Ch'ul Dios yu'un Israel.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Ezequiel 35:13

La ajam awe, la awixtac'optayon, la awal bayal amen c'op ta jtojol. Jo'on la caiy spisil.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Daniel 5:27

TEKEL te xie, ja'at te muc' ajwalilate, la awich'ix jp'isel awalal ta balanza, pero mero ma'yuc bayal awalal loc'at, xi' c'oem.

Malaquías 3:13

Te Cajwaltic ya yal: —Te ja'exe ay bitic mero tulan awalojbonic ta jtojol. Soc ya ajojc'oyic: “¿Bila a te calojtique?” xaex.

Hebreos 4:12

Melel cuxul te sc'op Diose, soc bayal yip ya x'at'ej. C'ax jich ya xlajinwan a te bit'il puñal te cha'jejch' ay yee. Najt' ya x'och c'alal ta banti ay te co'tantique soc te jch'uleltique, tey to c'alal a ta banti ay te xchinamil jbaqueltique. Ya xchicnantes ta jamal spisil te bila jnopoj ta co'tantique soc te bila baem co'tantic ta sna'el juju-jtule.

Josué 22:22

—Te Cajwaltic Dios te cajal yu'un spisil te yantic diosetique, ya me sna' te ma swentauc toybail te la jpastic te scajtijib majt'anil, soc te ma yu'unuc ya jloq'ues jbajtic ta stojole. Ya me sna' stuquel, soc ya me yac'beyex ana'ic stojol te ja'exe. Yan teme ma jichuc te bit'il ya caltique, ya xju' te ma ba ya apasbotic perdón yu'un te jcuxlejaltique.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

Jueces 9:38

La sjac' te Zebule: —C'opojan xan yo'tic ta buen toybajel. Te ja'at te la awal: “Bistuc te muc' scuyoj sba te Abimelec te ya xbootic ta mozoil yu'un”, te xaate. Li' ay te soldadoetic te ma'yuc sc'oplal ta awo'tane. Baan me yo'tic, loc'an bael ta guerra soc —xi' xan te Zebul.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.