1 Samuel 2:18 - Bible in Tzeltal de Oxchuc y Tenejapa

¹⁸ Pero te ch'in querem Samuel jun yo'tan yac'oj sba ta abatinel yu'un te Cajwaltic, sc'u'inej efod pasbil ta lino-pac'.

Bible in Tzeltal Bachajón

¹⁸ Te querem Samuel yac yac'bel sba ta a'batinel ta stojol Jehová, sc'u'inej efod pasbil ta lino-pac'.

1 Samuel 2:18 ပူးပေါင်းရင်းမြစ်များ

2 Samuel 6:14

Te David slapoj efod pasbil ta lino-pac', soc yac ta beel ta ajc'ot ta spisil yip.

1 Crónicas 15:27

Te David slapoj bael snajt'il c'u' te pasbil ta lino fino. Jich slapoj spisilic te levitaetic te sq'uechojic bael te cajón, te jc'ayojetic soc te Quenanías te ya xtojteswan yu'un te sq'uechele. Te David ay yan bi slapoj bael, ja' jun efod te pasbil ta lino.

Éxodo 28:4

Te c'u'il-pac'al ya yich' pasele, jich ay: sbolsa ay ta stan, efod, snajt'il c'u', te jlam xan snajt'il c'u' ta yutil te ch'albil ta ts'isele, te najt'il pac' ya xpix ta sjol te ya yich' pasel ta lino, soc te xchujq'uil xch'ujt'e. Pasaic jiche te ch'ul paq'uetic yu'un te abanquil Aarón soc te snich'nabe, swenta yu'un jich me sacerdoteetic cu'un te ya x'at'ejic ta jtojol.

Levítico 8:7

Patil te Aarón la yac'bey slap te najt'il c'u'ile, la yac'bey xchujq'uil xch'ujt' soc la yac'bey slap te xchebal snajt'il c'u'e; ta sba la yac'bey te efod, soc ja' nix la xchucbey ta lec a te xchujq'uil efod.

1 Samuel 14:3

Te mach'a ay ta swenta slapel te efod, ja' te Ahías te snich'an Ahitob, snich'jun Icabod, snich'an Finees. Ja' smam te anima Elí te at'ej ta sacerdote yu'un Cajwaltic ta Silo. Ma'yuc mach'a sna'oj teme baem te Jonatán;

1 Samuel 2:11

Patil sujt' bael ta sna ta Ramá te Elcana, pero te alalquerem jilix ta at'el ta stojol Dios, ja' abatinot yu'un te sacerdote Elí.

1 Samuel 2:28

Soc la jtsa loq'uel ta yolil spisil sts'umbal Israel te mach'atic ya x'ochic ta sacerdoteil cu'un, swenta yu'un ya me yac'bonic chic'bil jmajt'an ta scajtijib cu'un, soc ya me xchic'bonic pom, soc ya me slapic tel efod ta jtojol. Soc xan, te antiguo ats'umbalic la cac'bey te majt'aniletic te ya yac' ta chiq'uel te israeletic ta swenta quich'el ta muq'ue.

1 Samuel 22:18

Ja' yu'un te muc' ajwalil la spas ta mandal te Doeg te edom-winic: —Mila ja'at —la yut. Te Doeg spisil yip och ta smilel te sacerdoteetique. Laj ta milel yu'un jo'eb yo'winic (85) winiquetic te slapojic efod pasbil ta lino-pac'.

1 Samuel 3:1

Te querem Samuel yac ta at'el ta stojol te Cajwaltic, ja' yac ta pasel ta mandal yu'un te Elí. Ja' yorail a te ma'yuc mach'a ajc'al ts'in ya xc'oponot yu'un Dios te ay bi ya x'ac'ot ta yalele, soc ma'yuc bayal te bitic ya yac' ta ilel te Diose.