1 Samuel 2:12 - Bible in Tzeltal de Oxchuc y Tenejapa

¹² Te snich'nab Elí mero amen yo'tanic, ma ba la yich'ic ta muc' te Cajwaltique,

Bible in Tzeltal Bachajón

¹² Te snich'nab Elí mero chopol yo'tanic, ma ba la sna'beyic sba te Jehová.

1 Samuel 2:12 ပူးပေါင်းရင်းမြစ်များ

1 Reyes 21:10

Soc leaic cheb lotil testigoetic, ya me anajc'anbey ta stojol, albeyaic ac'a slebeyic smul. Ac'a yalic te la yixtac'optay Dios soc la yixtac'optay te muc' ajwalil. Patil ic'aic loq'uel, milaic ta ch'ojel ta ton”, xi' te ts'ibubile.

1 Reyes 21:13

C'ot cheb lotil testigoetic, la slebeyic smul te Nabot ta stojol te lume. La yalic ta jamal ta lot te la yixtac'optay Dios soc te la yixtac'optay te muc' ajwalil te Nabot. Jich la sloq'uesic bael ta ti'lum, tey c'o smilic ta ch'ojel ta ton a.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Jeremías 22:16

C'opoj yu'un te bila ay ta swenta te me'baetic soc te tenbilic ta uts'inele, jich lec a c'ot ta loq'uel. Jich ya yac' ta na'el te mach'a ya sna'bon jbae. Jo'on Ajwalilon, jich ya cal.

Jeremías 9:3

Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.

Jeremías 9:6

Te Cajwaltic jich ya yal: —Yantic nax te uts'inele, yantic nax te lote. Te lum cu'un ma sc'an sna'bonic jba.

Ezequiel 22:26

Te sacerdoteetic yu'un te lumq'uinal, ya yixlanbonic te p'ijubtesel cu'une. Ya sjinbonic sc'oplal te bila ch'ultesbil ya cale; pajal sc'oplal c'oem yu'unic te bila ch'ultesbil soc te bila ma ch'ultesbiluque. Soc ma ba ya yac'bey snop yantic bit'il ay ta na'el te bila lec sc'oplal soc te bila boloben sc'oplale. Ma xyac' yo'tanic ta sna'el soc ta yich'el ta muc' te sc'aalelal cux-o'tanil cu'une, soc la sboltesbonic jc'oplal ta yolilic.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 8:55

Ja'uc me to, ma x'ana'beyic sba. Yan te jo'one, ya jna'bey sba. Te yacuc cal te ma jna'bey sbae pajal jpas-lototic ta jpisiltic te jichuque. Ja'uc me to, ya jna'bey sba ta mero melel. Soc ja' ya quich' ta muc' te bila ya yale.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

2 Corintios 6:15

¿Jun bal yo'tan sba soc Cristo te Satanase? ¿Ya bal snujp'in sba soc te mach'a xch'uunej Dios te mach'a ma xch'uunejuque?

Deuteronomio 13:13

winiquetic tey a te xc'axintaybeyejic smandal te Diose, soc te ya yac'beyex jowejuc awo'tanic, te ya sujex ta xch'uunel yantic diosetic te ma x'ana'beyic sbae,

Deuteronomio 13:14

ya me sc'an te ya ajojc'oyic ta lec te c'ope. Teme melel te bila yac ta alele, teme ay c'oem ta pasel ta awolilic te bila ilaybile,

Jueces 19:22

C'alal bin nax yo'tanic a, ay winiquetic amen yo'tanic te ayic ta lum, tal sjoytayic te na, jajch'ic ta stijel te ti'naile. La yalbeyic te mamal, ja' te yajwal na: —Loq'uesa tel te winic te awula'e. Ya jc'an ya join jbajtic ta wayel soc —xiic.

Jueces 2:10

Lajic ta spisil te israeletic te ayiquix ta q'uinal a te c'alal cuxul to a te Josué. Ja' yu'un te mach'atic ayinic xan ta patil, ma la sna'beyiquix sba te Cajwaltic, soc spisil te bitic la spas ta xc'uxtayel te Israele.

1 Samuel 10:27

Pero te mach'atic amen yo'tanic, te spisil nax bi ya xloc' ta yeique, jich la yalic: —Eha. ¿Ja' bal ya scoltayotic? —xiic. Ma'yuc swentail ta yo'tanic, ma ba la yich'ic ta muc', pero te Saúl jich yilel te ma ba la yaiye.

1 Samuel 25:17

Pero te amamlale jc'axel amen yo'tan, ja' yu'un ma sc'an yaiy stojol te bila ya calbeytique. Yo'tic nopa awaiy, ila awil teme ay bi ya xju' awu'un spasele, melel ora in to puersa ay bi amen ya xc'ot ta pasel ta swenta te cajwal soc spisil mach'atic ay yu'un —xi' c'oel.

1 Samuel 3:13

La calbeyix yaiy te ya cac'bey castigo sbajt'el q'uinal te mach'atic ay yu'une ta scaj te bitic amen spasojic, te sna'ojixe. Melel te snich'nabe la sboltesbonic jc'oplal. Te Elí ma ba la scom te snich'nabe.

1 Samuel 3:7

Te Samuel ma to sna'bey sba te Cajwaltic, ma to ayuc banti c'oponbil yu'un a.