1 Samuel 2:10 - Bible in Tzeltal de Oxchuc y Tenejapa

¹⁰ Te Cajwaltic ya me swuy te scontro; c'alal ta ch'ulchan ya yac'bey coel tel chawuc ta stojolic. Te Cajwaltic ya me yalbey bi yilel yat'el te mach'atic ayic ta swolol te balumilale; ya me yac'bey xan yip te muc' ajwalil tsabil yu'une, ya me yac' muc'ubuc xan te yip yu'ele —xi' te Ana.

Bible in Tzeltal Bachajón

¹⁰ Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.

1 Samuel 2:10 ပူးပေါင်းရင်းမြစ်များ

2 Samuel 22:14

“Te Cajwaltic, te Toyol ta jyalele, c'alal ta ch'ulchan tulan c'opoj, pajal soc sc'op chawuc.

2 Samuel 7:13

Ja' me ya spasbon jun templo; soc ya me cac'bey yat'el ta muc' ajwalil sbajt'el q'uinal.

2 Samuel 7:8

Soc albeya xan te cabat David, te jo'on Ajwalilon te Spisil ya xju' cu'une ya calbey: “Jo'on la jloq'uesat tel ta corral yu'un chijetic, jo'on la jloq'uesat ta smaquel chijetic, swenta yu'un ya x'ochat ta jwentainwanej yu'un te lum Israel cu'une.

Job 40:9

¿Yu'un bal mero tulanat, jich bal atulanil te bit'il jo'one? ¿Jich bal ac'op ya xc'opojat te bit'il sc'op te chawuque? ¿Pajal bal soc te bit'il ya xc'opojon te jo'one?

Salmos 132:17

Tey me ya cac' pulinuc xan a te yip David. Tsumbilix c'ajc' cu'un c'oem, ja' yu'un te muc' ajwalil tsabil cu'une.

Salmos 148:14

Ja' yac'ojbey yip te lum yu'une. Albeyaic yutsilal ta apisilic te jun awo'tanic ta stojol, ta spisil te israeletic, te ja' lum yu'un te nopol ay ta sts'eele. ¡Bin nax yutsil te Cajwaltique!

Salmos 2:2

Te muc' ajwaliletic soc te yantic ajwaliletic ta balumilal ya stoy sbaic, jun nax ya yac' sbaic ta xchajbanel sc'oplal te Cajwaltic soc te muc' ajwalil te tsabilix yu'une.

Salmos 2:6

“La caq'uix ta mandalteswanej te muc' ajwalil cu'une, ta bay ch'ul wits Sión cu'un”, xi' me.

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

Salmos 20:6

Xch'uunej co'tantic te Cajwaltic ya yac' ta tsalaw te ajwalil stsaoje; ya me xtsacbot sc'op c'alal ta ch'ulchan ta bay yawil stuquel, muc' me ya yac' ta tsalaw soc te yu'ele.

Salmos 20:7

Ja' yip yo'tanic ta sc'opic te scarretaic yu'un guerra, ay yantic te ja' yip yo'tanic ta sc'opic te scaballoique; yan te jo'otic, ja' yip co'tantic te Cajwaltic te Dios cu'untique.

Salmos 21:1

Cajwal, bin nax yo'tan te muc' ajwalil, melel awac'ojbey yip; bin nax yo'tan melel awac'oj ta tsalaw.

Salmos 28:8

Te Cajwal ja' me yipic te lum yu'une; ja' ya scoltay, soc ja' ya xc'opoj yu'un te muc' ajwalil stsaoje.

Salmos 45:7

Ja' ya smulan awo'tan te bila lec ta pasele; ja' ilaybil awu'un te bila ma lecuque. Ja' yu'un stsaojat Dios, ja' la stsaat te Dios awu'une; yac'ojbat bayal yutsil q'uinal awaiy, c'ax jich awich'oj a te bit'il yantic.

Salmos 89:17

Ta mero melel ja'at te yipinejat te lum soc te yich'ojbat te at'ujbilale; te quiptic ya x'esmaj ta swenta te yutsil awo'tane.

Salmos 89:24

Ya me smuc'ulin yo'tan te xc'uxul co'tan soc te bit'il jun co'tan ta stojole; jo'on me ta jwenta te ya x'esmaj xan te yipe.

Salmos 89:25

Jc'axel me ya cac'bey swentain soc yip spamal te lumq'uinal, ja' te jajch'em ta Mar Mediterráneo c'alal ta muc'ja' Éufrates.

Salmos 96:13

ta stojol te Cajwaltic te ya xtale. Yac, ya me xtal mandalajuc ta balumilal; ya xmandalaj ta stojol te lumetic ta q'uinal. Toj te mandaltesel yu'un soc puro ta smelelil.

Salmos 98:9

ta stojol te Cajwaltic. Melel ya xtal ta mandalteswanej ta spamal balumilal; ya xmandalaj ta swenta stojil-o'tanil, soc mero pajal ya xc'uxtaywan.

Éxodo 15:6

Ja'at Cajwal, la awac' ta ilel smuc'ul awu'el, ta swenta te yip swa'el ac'ab, laj te jcontrotique.

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Eclesiastés 12:14

Dios me ya yich'botic ta wenta spisil te cat'eltique, manchuc me lec o ma lecuc, manchuc me muquen la jpastic.

Isaías 32:1

Ay me jtul muc' ajwalil ta patil te toj ya xmandalaj, soc yantic biq'uit ajwaliletic te toj ya xchajbanwanique.

Isaías 45:24

Jich me ya yalic: “Ja' nax te Cajwaltic te ay ta swenta tsalaw soc te ay yu'el stuquele”, xiic me. Spisilic mach'atic ya yac' slab yo'tanic ta jtojol, ya me xq'uexawic yu'un.

Ezequiel 29:21

“Ja' me yorail ya cac' esmajuc yip te lum Israele. Ja'at Ezequiel, ya me xju' ya awalbey yaiyic ta jamal. Jich me ya sna'ic a te jo'on Ajwalilon —xi'.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Lucas 1:69

La sticunbotic Jcoltaywanej te bayal yu'ele, te ja' sts'umbal David te abat yu'une.

San Lucas 19:27

Yan te mach'atic scontroinejone te ma la sc'anic te ya x'ochon ta muc' ajwalil ta swentaique, ic'bonic tel ta jtojol. C'ocbeyaic loq'uel sjol”, xi' te muc' ajwalile —xi' ta yalel te Jesuse.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Hechos 4:27

“Jich nix la spas a te Herodese soc te Poncio Pilatoe. La stsob sbaic li'to ta lum soc te jyanlum winiquetique soc uuc te jlumaltique. La scontroinic te Ach'ul-nich'ane te ja' te Cristo awu'une.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

Jueces 5:31

“Cajwal, jichuc me ac'a yich' jinel ta spisil te acontro, ja' ac'a xojobajuc te mach'atic c'uxat ta yo'tanic jich bit'il te c'aal ta spisil xojobil”, xiic ta c'ayoj te Débora soc Barac. Ta patil lamaj ta jc'axel te c'op ta bay te q'uinale, ja' to c'alal loc' cha'winic (40) ja'wil.

1 Samuel 12:13

Pero li' ay te muc' ajwalil te tsabil awu'unique, te Cajwaltic la yac'beyex te muc' ajwalil la ac'anbeyique.

1 Samuel 12:17

Yo'tic yorail set' trigo, ma yorailuc ja'alel q'uinal, jna'ojtic ta jpisiltic. Pero ya me jc'opon te Cajwaltic, ya me yac' tel buen tulan chawuquil ja'al, swenta yu'un jich me ya ana'ic xan, soc jich me ya awilic a te ma ba lequex ta sit Cajwaltic, yu'un te la ac'anic muc' ajwalil awu'unique —xi' te Samuele.

1 Samuel 12:18

Jajch' ta sc'oponel Cajwaltic te Samuele. Ora la yac' tel buen tulan chawuquil ja'al te Cajwaltique. Jich jajch'ic ta buen xiwel te israeletic ta stojol te Cajwaltic soc ta stojol te Samuele.

1 Samuel 12:3

Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

1 Samuel 15:28

Jich c'opoj ta stojol Saúl te Samuel: —Ja' nix jich la yich'ix jatsel loq'uel ta atojol c'oem yu'un Cajwaltic te awat'el ta muc' ajwalil ta Israel. La spojbat swenta yu'un ya yac'bey ta swenta yan ajoy ta israel te ja' lec stuquele, te ma jichuc te bit'il ja'ate.

1 Samuel 16:1

Te Cajwaltic jich la yalbey te Samuele: —¿Jayeb xan c'aal te yacat ta mel-o'tan yu'un te bi c'oem ta swenta te Saule? Ma jc'anix te ja' ochem ta muc' ajwalil ta Israel. Baan nojesa ta aceite te xulubil awu'une. Ya jc'an te yacuc xbaat ta sna Isaí ta Belén, yu'un la jtsabeyix jtul snich'an te ja' ya x'och ta muc' ajwalile —xi'.

1 Samuel 7:10

Te c'alal yac ta yaq'uel a te chic'bil smajt'an Dios te Samuel, te filisteoetic yacalic ta noptsajel bael ta stojol te israeletique. Pero te Cajwaltic la yac'bey coel tel buen tulan chawuc ta stojol swenta xiwteselic, jich la yaiyic tsalaw te israeletique.