1 Samuel 18:1 - Bible in Tzeltal de Oxchuc y Tenejapa

¹ Te c'alal laj yo'tan ta c'op Saúl soc te David, te Jonatán mero jun xch'ulel la yaiy sba soc David, jich c'ux la yaiy ta yo'tan te bit'il c'ux ya yaiy sba stuquele.

Bible in Tzeltal Bachajón

¹ C'alal laj yo'tan ta c'op soc Saúl te David, te Jonatán mero jun sch'uhlel la ya'iy sba soc David, c'ux la ya'iy ta yo'tan hich te bin ut'il c'ux ya ya'iy sba.

1 Samuel 18:1 ပူးပေါင်းရင်းမြစ်များ

Proverbios 18:24

Ay nix jpat-jxujc'tic te ya xch'ay yutsil yo'tanic ta jtojoltique; ja'uc me to, ay jpat-jxujc'tic te bayal yutsil yo'tanic ta jtojoltic, c'ax jich a te bit'il mach'a jun jme'-jtatic soque.

1 Samuel 20:17

Pero te bit'il bayal c'ux ta yo'tan, jich te Jonatán la yalbey yaiy xan yan buelta te bi xchapojique, melel bayal c'ux ta yo'tan la yaiy David te Jonatán.

2 Samuel 1:26

“Ay jwocol ta mel-o'tan awu'un, Jonatán, hermano cu'un, bayal c'uxon ta awo'tan la caiy. C'axem jich la caiy a te xc'uxul awo'tan te bit'il xc'uxul yo'tan antsetic.

1 Samuel 18:3

Jich te Jonatán soc David, jc'axel la xchapic te c'ux ya yaiy sba ta yo'tanic sbajt'el q'uinal, melel te Jonatán mero jun yo'tan la yaiy sba soc ta mero melel te David.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

Génesis 44:30

“Jich yu'un teme c'oon xan ta bay te jtate, teme ma ba joinej c'oel ya yil te quijts'ine, te bit'il ja' xanix muc'uben q'uinal ya yaiy yu'un te bit'il cuxule,

Deuteronomio 13:6

“Manchuc me mero abanquil o awijts'in, aquerem-nich'anuc, awantsil-nich'anuc, o awinam te mero c'ux ta awo'tane, o ja' te mach'a mero jun awo'tan aba soc, teme ya sujat bael ta smuquen-ch'uunel yantic diosetique, te ma x'ana'beyic sba soc te ni ja'uquic te ame'-atatic la sna'beyic sba, ma me ja'uc xapasbeyic te bila ya sc'an yo'tanic stuquelique.

1 Crónicas 12:17

Te David loc' bael ta stael, jich la yalbey: —¿Ja' bal talex yu'un te lamal awo'tanic ta jtojole, soc te tal acoltayonique? Teme jich te awo'tanique, spisil co'tan ya quiq'uex te jun ya cac' jbajtique. Yan teme yu'un tal alo'layonic, te ya awac'onic ta sc'ab te jcontrotaque, te ma'yuc bi chujc'ul mulil jpasoje, te Dios yu'un te antiguo jme'-jtatic ya me yil soc ya me yac'beyex castigo —xi' te David.

1 Samuel 19:2

c'o smuquen-albey: —Te jtat Saúl yac ta xchapel te ya smilate. Pajel ta sab tsajtaya me aba, nac'a jilel aba.

Jueces 20:11

Spisil israeletic jun nax la yac' sbaic ta yac'beyel guerra te lume, jich c'oem te bit'il jtul nax winic.

Salmos 86:11

Cajwal cu'un, ac'bon quil te be awu'une, swenta yu'un jun me co'tan ya jt'un. Ac'bon quich'at ta muc' soc te co'tane.

1 Samuel 14:45

Pero te yajwal lum jich la yal: —¿Bi yu'un ya x'och ta lajel ta milel te Jonatán, te ja' la yac'otic ta buen tsalaw te jo'otic te israelotique? Ma'uc, ma xju' ya xlaj. Ja' testigo te Cajwaltic, ma xju' ya xyal ta lum ni jp'ijuc stsotsil sjol, melel te bi la spas te naxe, ja' la spas ta swenta yu'el te Diose —xiic. Jich la scoltayic ta milel Jonatán te yajwal lume.

1 Samuel 19:1

Te Saúl la spas ta mandal te snich'an, ja' te Jonatán, soc ta spisil te abatetic yu'un te yacuc smilic te David. Pero te Jonatán te bayal c'ux ta yo'tan David,

1 Samuel 20:8

Lec ay jiche, pasbon te bila ya calbate, wocoluc. Melel jo'on te awabaton te jamal calojtic ta stojol Cajwaltic te c'ux ya caiy jbajtique. Yan teme jo'on ay jmule, milawon ja'at, ma puersauc ya awic'on bael ta stojol te atate —xi' te David.

1 Samuel 22:8

melel ma'yuc mach'a la yalbon teme xchapoj sc'op te jnich'an soc te snich'an Isaí. Ma'yuc jtuluquex te ay jc'oplal ta awo'tanique. Ma'yuc mach'a la yalbon caiy teme ja' nix te jnich'an te yac ta aq'uel yip yo'tan yu'un te ya scontroinon te jcuch-at'ejibal ta guerra cu'une, swenta yu'un ya xchajban sba smaclibelon, jich te bit'il yac ta spasel ta ora in to —xi'.

1 Samuel 23:18

Jich ora la xchap sc'opic ta xchebalic, ja' la yaq'uic ta testigo te Cajwaltique. Te Jonatán sujt' bael ta sna, yan te David jil ta Hores.