1 Samuel 17:52 - Bible in Tzeltal de Oxchuc y Tenejapa

⁵² Jich te israeletic soc te mach'atic talemic ta Judá, tulan awunic ta swenta guerra ta spisilic. Jajch'ic ta snutsel, la snutsic bael c'alal ta yochibal lum Gat soc Ecrón. Bayuc nax chawajtic jilel te sbaq'uetalic te soldado-filisteoetique.

Bible in Tzeltal Bachajón

⁵² Ora hahchic te winiquetic yu'un Israel soc Judá, tulan awonic soc la snutsic bahel te filisteohetic c'alal ta Gat soc c'alal ta yochibal Ecrón. Te filisteohetic pujajtic hilel ta sbehlal Saaraim c'alal ta Gat soc Ecrón.

1 Samuel 17:52 ပူးပေါင်းရင်းမြစ်များ

2 Samuel 23:10

Stuquel ma ba la sq'uej sba te banti teq'uel, la smil bayal filisteoetic ja' to c'alal lub sc'ab, tey ma la sc'anix jamel a te sc'abe, tey smoch'oj jilel a te spuñale. Ja' me c'aal to te Cajwaltic la sta mero muc'ul tsalaw. Te soldadoetic la st'unic te Eleazar, swenta yu'un ja' ba yu'uninbeyic sbiluc te lajem filisteoetique.

1 Reyes 20:21

Jich te muc' ajwalil yu'un Israel ba sten bael te siriaetique. La yu'uninbey te caballoetic soc te carretaetic yu'un guerra. Mero buen tsalbil c'ot yu'unic te siriaetique.

Josué 15:11

Bajt' xan ta moel ta stojol norte yu'un Ecrón, la yac' buelta ta lum Sicrón, c'ax bael ta wits Baala, c'ot ta lum Jabneel, tey c'ot ta comel ta Mar Mediterráneo.

Jueces 7:23

Jich la yich' iq'uel tel te sts'umbal Neftalí, te sts'umbal Aser soc te sts'umbal Manasés, swenta yu'un ya me snutsic bael te madianetique.

1 Samuel 17:53

Te c'alal sujt'ic tel ta snutsel te filisteoetic te israeletique, och yich'beyic te sbiluc jil ta scampamentoique.

1 Samuel 5:10

Ja' yu'un te filisteoetic la sticunic ta Ecrón te scajonil trato yu'un Dios. Pero c'alal c'ot tey a, spisil te yajwal Ecrón jajch'ic ta aw: —La yich'botiquix tel te scajonil trato te Dios yu'un Israel, swenta yu'un ya smilotic ta jpisiltic —xiic ta aw.

1 Samuel 5:8

Jich la sticunic ta iq'uel tel te ajwalil-filisteoetic swenta yu'un ya me stsob sbaic soc. La sjojc'obeyic, jich la yalic: —¿Bi ya jpastic soc te scajonil trato te Dios yu'un Israel? —xiic. —Ich'aic bael ta lum Gat —xiic. Te filisteoetic la yich'ic bael tey a.