1 Samuel 16:4 - Bible in Tzeltal de Oxchuc y Tenejapa

⁴ Jich la spas te Samuel te bit'il albot yu'un te Cajwaltique. C'alal c'ot ta Belén te Samuele, te mamaletic yich'oj yat'elic yu'un te lum, yacalic ta nijq'uel yu'un xiwel ta yo'tanic a loq'uic ta yilel. Jich la yalbeyic: —¿Swenta bal lamal-o'tanil te talate? —la yutic.

Bible in Tzeltal Bachajón

⁴ Hich la spas te Samuel te bin ut'il halbot yu'un Jehová. C'alal c'oht ta Belén, te mamaletic yu'un te pueblo loq'uic tal ta stahel soc xiwel, hich la yalic: ¿Scuenta bal lamal-o'tanil te talate? xchihic.

1 Samuel 16:4 ပူးပေါင်းရင်းမြစ်များ

Génesis 35:19

Jich laj te Raquel. La smuquic ta bay sbelal Efrata, ja' te Belén.

Génesis 48:7

Melel te c'alal loc'on tel ta Padan-aram, laj ta be ta sq'uinal Canaán te Raquel, ja' te ame'e, nopol sc'an jtaix bael a te Efrata. Jich yu'un la jmuc jilel ta sbelal Efrata, te Belén sbiil ta ora to —xi' te Jacob.

2 Samuel 6:9

Jich ora te David bayal xiw yo'tan ta stojol te Cajwaltique. Jich la yal: —Yo'tic ma ba ya quich'ix bael te cajón yu'un Cajwaltic —xi'.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.

1 Reyes 2:13

Te Adonías, te yal Haguit, ba yil te Betsabé, ja' te sme' Salomón. Jojc'obot yu'un: —¿Lamal bal awo'tan yacalat ta talel? —la yut. —Lamal —xi' ta sjaq'uel te Adonías.

2 Reyes 9:22

C'alal te Joram la yil te Jehú, jich la sjojc'obey: —¿Swenta bal lamal q'uinal te talate, Jehú? —la yut. La sjac' te Jehú, jich la yal: —¿Bit'il ay lamal q'uinal te yac'oj puersa te ame' Jezabel ta swenta xch'uunel lotil diosetic soc te ay bila ya sna' spasel ta swenta te pucuje? —xi'.

Oseas 11:10

Ja'ic me ya st'unic te Cajwaltic, te ya x'awun jichuc león-choj. Tulan me ya x'awun, jich te mach'atic ay yu'une yac me ta nijq'uel ya xtalic ta stojol smalib c'aal.

Oseas 6:5

Jich yu'un la quejch'entes c'oem ta swenta te j'alwanejetique; ta swenta te jc'ope, la jmil c'oemic a.

San Lucas 2:4

Jich te José loc' tel ta lum Nazaret ta bay sq'uinal Galilea. Bajt' ta lum Belén te ay ta sq'uinal Judea. Yu'un ja' slumal te namey q'uinal muc' ajwalil David, soc ja' sts'umbal David te Joseje.

San Lucas 5:8

C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

San Lucas 8:37

Spisil te ants-winiquetic te ayic ta sq'uinal Gadara, jajch' yalbeyic wocol te Jesús te yacuc loc'uc bael ta sq'uinalique, yu'un bayal xiwic yu'un. Jich och ta barco te Jesuse, sujt' bael.

1 Samuel 21:1

Te David toj bael ta Nob ta yilel te sacerdote Ahimelec. Pero te Ahimelec yac ta buen xiwel a loc' ta yilel, jich la yalbey te David: —¿Bi yu'un te atuquel yacat ta beel, te ma'yuc mach'a ajoinej ta beele? —xi'.