1 Samuel 16:2 - Bible in Tzeltal de Oxchuc y Tenejapa

² La sjac' te Samuele: —¿Pero bi ya cut ya xboon? Teme ay bit'il ya yaiy te Saúl, ya smilon yu'un —xi'. Jich albot yu'un te Cajwaltic: —Tsaca jcojt' ch'in wacax. “Talon ta yaq'uel milbil smajt'an Cajwaltic”, xaat me.

Bible in Tzeltal Bachajón

² La yal te Samuel: ¿Bin ut'il ya xbohon? Teme ya ya'iy te Saúl, ya smilon yu'un, xchi. La sjac' te Jehová: Ic'a bahel jcoht tut wacax, hich yac awal: Talemon ta ya'beyel milbil smahtan Jehová, xchihat.

1 Samuel 16:2 ပူးပေါင်းရင်းမြစ်များ

Éxodo 3:11

Te Moisés la yalbey te Diose: —¿Mach'aon ta ac'op a, Cajwal, te ya xboon ta stojol faraón te ya jloq'ues tel ta Egipto te jlumale? —xi'.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

San Lucas 1:34

Te María jich la yalbey te ch'ul abate: —¿Bit'il ay a te jich ya awalbone? Melel ma to ayuc jmamlal —xi'.

1 Samuel 16:3

Patil ya me awic' tel te Isaí ta sti'el te ch'in wacax, jo'on ya calbat te bi ya apase. Ja' me ya amalbey aceite ta sjol yu'un ya x'och ta muc' ajwalil te mach'a ya calbate —xi' sc'oplal.

1 Samuel 20:29

melel te mach'atic ay yu'une ya yac'beyic milbil smajt'an Dios ta slumal, soc albot laj tulan mandal yu'un sbanquil te yacuc xbajt'e. Soc la yalbon teme ya cac'bey permiso, ya laj xba yil tel spat-xujc', ora laj ya sujt' tel. Ja' yu'un ma ba talem snajc'anbel sba ta we'el soc ja'at te muc' ajwalilate —xi'.

1 Samuel 9:12

Albotic yu'un: —Tey xanix ay bael to. Ya sc'an ya asuj abaic, melel julel to ta lum, yu'un yorail te ya yich' aq'uel milbil smajt'an Dios ta toyol ch'uunjibal.