1 Samuel 15:8 - Bible in Tzeltal de Oxchuc y Tenejapa

⁸ La stsaquic bael ta chuquel te Agag, te ja' muc' ajwalil yu'unique. La smilbey ta puñal spisil te soldadoetic yu'une.

Bible in Tzeltal Bachajón

⁸ Cuxul la stsac te Agag ajwalil yu'un Amalec, pero la smil ta espada spisil te pueblo.

1 Samuel 15:8 ပူးပေါင်းရင်းမြစ်များ

2 Samuel 8:12

ja'ic te Edom, Moab, Amón, filisteoetic, soc te amalequetic, soc te la spojbey ta guerra Hadad-ezer te snich'an Rehob, te muc' ajwalil ta Soba.

1 Reyes 20:30

Te jteb xan soldadoetic jilic, bajt'ic ta anel ta lum Afec. Pero te juqueb xan xcha'winic ta jmil (27,000) soldadoetic colic loq'uel ta c'abale, tenotic yu'un te c'alal jin coel te sts'ajc'ul te lum Afec. Te Ben-adad loc' ta anel, c'ot c'alal ta lum, och snac' sba ta nanatic.

1 Crónicas 4:43

La slajinic te jayeb xan jilemic te amalequitaetique. Jich ainemic tey a c'alal ora yo'tic.

Ester 3:1

C'ax c'aal ta patil, te muc' ajwalil Asuero la stoyesbey yat'el te Amán, te snich'an Hamedata, patil alnich'an yu'un Agag. La yac'bey yat'el ta sbabial jwolwanej yu'un te nacione.

Levítico 27:29

Soc ja' nix jich ma xju' ya xcha'manot xan sujt'el te mach'a chapalix yu'un te ya xlaje, puersa me jich ya xlaj a.

Números 24:7

Te Israel c'ax bayal ja' yu'un ta swenta uch'el soc smalel ta ja' te yawal-sts'unube. C'ax jich ya xmandalaj te muc' ajwalil yu'unic a te bit'il Agag; te yip ta muc' ajwalil c'ax muc' stuquel.

Josué 10:39

La smilic ta puñal te muc' ajwalil yu'unic, soc te ants-winiquetic ta lumetic te nopol yiloj sbaic soque. Ma'yuc jtuluc cuxul jilel te ants-winiquetic ta Debir. Spisil la slajinic jilel jich bit'il la spasbeyic te Hebrón, te Libna soc te muc' ajwaliletic yu'unique.

Josué 11:12

Ja' nix jich la spasbey spisil te lumetic te xchapoj sc'opic soque. La stsaquic soc la smilbeyic te muc' ajwaliletic yu'unique, jc'axel la sjinic jilel, jich bit'il la yal jilel mandal Moisés te yabat Cajwaltique.

Josué 8:23

Ja' nax cuxul la yijq'uitayic te ajwalil yu'un lum Hai. La xchuquic, la yiq'uic bael ta stojol Josué.

1 Samuel 15:20

La sjac' te Saúl: —La jch'uunbey te smandal Cajwaltic, la jpasix te bi at'el la yac'bon ta jwenta spasele: la quic' tel ta chuquel te Agag te muc' ajwalil yu'un amalequetic, soc la jlajin ta spisil.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

1 Samuel 22:19

Patil och bael ta Nob, te ja' lum yu'un te sacerdoteetique. C'o smil ta puñal spisil winiquetic, antsetic, alaletic soc mero ayinel to alaletic; soc la smil wacaxetic, burroetic soc chijetic.

1 Samuel 30:1

Ta yoxebal c'aal te David soc te swinictac c'otic ta Siclag. C'alal c'otic, la yilic te yich'ojix ochintayel yu'un amalequetic te Neguev. Soc la yuts'inic te yajwal lum Siclag, la sjinic jilel, la yac'bey jilel sc'aal.