1 Samuel 15:6 - Bible in Tzeltal de Oxchuc y Tenejapa

⁶ Jich la yalbey te quenitaetic: —Q'ueja abaic. Loc'anic bael ta yolil te amalequetic, swenta yu'un ma me pajaluc ya awich'ic lajinel soc, melel lec awo'tanic ta stojol israeletic te c'alal yacalic talel ta Egipto a —la yut. Jich te quenitaetic loq'uic bael ta yolil te amalequetique.

Bible in Tzeltal Bachajón

⁶ Hich la yalbe te queneohetic: Bahanic, jitsa abahic, loc'anic bahel ta yohlil te mach'atic ayic ta Amalec scuenta yu'un ma pajaluc ya jlajinex soc; como la ac'uxultayic spisil te snich'nab Israel te c'alal mohic tal ta Egipto, xchi. Hich loq'uic bahel te queneohetic ta yohlil te snich'nab Amalec.

1 Samuel 15:6 ပူးပေါင်းရင်းမြစ်များ

Génesis 15:19

ja' te q'uinal sq'uinalinejic te ceneoetic, cenezeoetic, cadmoneoetic,

Génesis 18:25

Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.

1 Crónicas 2:55

soc te chajbalchajp te soferitaetic te ayic ta lum Jabes a, ja' bi ja' te tirateoetic, simeateoetic soc te sucateoetique. Ja'ic te quenitaetic te chicnajic tel ta sts'umbal Hamat, te stat te Bet-recab.

Éxodo 18:19

Aiybon awaiy stojol te consejo ya calbate. Ja' me ya scoltayat ta spasel te Diose. Ja'at me ya atejc'an aba ta c'op ta stojol Dios ta swenta te lume. Jich yu'un ja'at ya awac'bey ta sc'ab Dios te c'opetic yu'unique.

Proverbios 9:6

Ijq'uitayaic te ma x'ana'ic stsajtayel abaique, jich me ya xcuxinex; jich me xbeenex te bit'il mach'atic ay sp'ijil sjole”, la yut.

Números 16:34

C'alal chicnaj yawic, spisil te israeletic te ayic ta sjoyobal, loq'uic ta animal, soc jich la yalic bael: —¡Ma me sbic'otic bael te lumq'uinale! —xiic.

Hechos 2:40

Te Pedro la to yalbey xan yaiyic ta lec te sc'op Diose, soc la stac'uy. Jich la yalbey yaiyic: —Ac'a abaic ta coltayel. Ma me xbaex ta ch'ayel soc te mach'atic cuxulic ta q'uinal ta ora to te amen yo'tanique —xi'.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

2 Timoteo 1:16

Ja'uc me to, ac'a me yich' c'uxtayel yu'un Cajwaltic te mach'a ay yu'un te Onesíforo, te melel bayal buelta xtaluc smuc'tesbon co'tan, soc ma ba q'uexaw yu'un te bit'il ayon ta chuquel ta cadenae.

Apocalipsis 18:14

Jich me ya yalbeyic te muc'ul lume: “Ma'yuquix awu'un spisil te sit awal-ts'unubil te mulanbil awu'un. Lajix yutsil spisil te ac'ulejal soc te bila bayal yutsilal te ay awu'une. Jc'axel me ma'yuc bi ya ataix”, xi' sc'oplal.

Jueces 1:16

Te sts'umbal Hobab te quenita-winic, te snialmamal Moisés, loq'uic bael ta lum Palmaetic, sjoinej bael te sts'umbal Judá. Bajt'ic ta bay te jochol taquin q'uinal yu'un Judá te ay ta stojol sur yu'un lum Arad. La sjoin sbaic ta nainel soc te yajwal q'uinal tey a.

Jueces 4:11

Ta jijte' ta Zaanaim, te nopol yiloj sba soc lum Cedes, tey yac'oj scampamento te Heber te quenita-winic, te la sloq'ues sba tel ta stojolic te yantic quenitaetic te sts'umbalinejic tel te Hobab te snialmamal Moisés.

Jueces 5:24

“¡Bin nax yutsil te Jael ta yolil te yantic antsetique, ja' te Jael, yinam Heber te quenita-winique! ¡Bin nax yutsil stuquelta yolil te antsetic te ayic ta snailpaq'uique!

1 Samuel 15:5

Patil te Saúl jajch' bael, bajt' ta lum yu'un Amalec. C'o yac' sbaic ta xujc' uc'um.

1 Samuel 27:10

Ya xjojc'obotic yu'un: —¿Banti c'oex ta spojel biluquetic te naxe? —xi'. Jac'bot yu'un te David: —Ta sur yu'un Judá —xi' jun buelta. —Ta sur yu'un Jerameel —xi' yan buelta. —Ta sur yu'un sq'uinal quenitaetic —xi' xan.

1 Samuel 30:29

soc Racal, soc nix te mach'atic ayic ta lumetic ta Jerameel,