1 Samuel 15:2 - Bible in Tzeltal de Oxchuc y Tenejapa

² Jich ya yal te Cajwaltic te Spisil ya xju' yu'une: “Ya cac'bey castigo te amalequetic, swenta spacol te bi la spasbey te israeletic, ja' te la smac ta be te c'alal yacalic ta talel ta Egipto.

Bible in Tzeltal Bachajón

² Hich ya yal te Jehová te scuentahinej spisil: Ya ca'be castigo te Amalec yu'un te bin la spasbe te Israel, ha te la smaquic ta be te c'alal yacalic ta talel ta Egipto a.

1 Samuel 15:2 ပူးပေါင်းရင်းမြစ်များ

Génesis 36:12

Ay xan yan ants la yic' te Elifaz, te Timna sbiil, te Amalec sbiil te yal-snich'an soque. Ja' yal-snich'nab te Ada, ja' te yinam Esaú.

Salmos 83:7

Gebal, Amón soc Amalec, filisteoetic, soc te mach'atic nainemic ta lum Tiro.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Oseas 7:2

Ma sna'ic stojol te ya quich'bey ta wenta te bila amen ya spasique. Ta ora yo'tic joytayotiquix yu'un te yat'elic, te ay nix ta jsit spisil ora.

Amós 8:7

La yal ta jamal te Cajwaltic, la sta ta alel a te bila stoyoj sba yu'un te sts'umbal Jacob: —Mero ma xch'ay ta co'tan te bila spasojique —xi'.

Números 24:20

Ta patil te Balaam yac ta yilel la yaiy te sts'umbal Amalec, la yalbey sc'oplal te bila ya xc'ot ta pasel ta stojol: —Te Amalec ja' te jchajp lum te muc' sc'oplale, ja'uc me to jc'axel ya xlaj ta jinel ta spisil —xi'.