1 Samuel 15:1 - Bible in Tzeltal de Oxchuc y Tenejapa

¹ Te Samuel jich la yalbey te Saúl: —Te Cajwaltic namey la sticunon yu'un ya cac'bat aceite ta ajol swenta seña te tsabil ya xc'oat, yu'un ya awich' awat'el ta muc' ajwalil ta Israel, ja' te lum yu'une. Yo'tic aiya me awaiy te bi ya yalbat te Cajwaltique.

Bible in Tzeltal Bachajón

¹ Ta patil, te Samuel hich la yalbe te Saúl: Ho'on te ticombilon yu'un Jehová yu'un ya jmalbat aceite ta ajol yu'un ya x'ochat ta ajwalil ta Israel te pueblo yu'une; ha yu'un a'iya awa'iy te bin ya yal te Jehová.

1 Samuel 15:1 ပူးပေါင်းရင်းမြစ်များ

2 Reyes 7:1

La sjac' te Eliseo: —Aiybeya awaiy te sc'op te Cajwaltique. Jich la yal: “Pajel ta jichilan ora, ta yochibal lum Samaria ya me xju' ta manel juqueb litro harina ta jsejp nax plata, soc jsejp nax plata ya xju' ta manel jo'lajuneb litro cebada”, xi' te Cajwaltique —xi'.

1 Samuel 10:1

Te Samuel la stsac jun ch'in oxom aceite, la smalbey ta sjol te Saule. Te c'alal yac ta smalbeyel ta sjol a, jich la yal: —Yo'tic la awich'ix aseña yu'un Cajwaltic, swenta yu'un ya me awich'ix awat'el ta ajwalil ta stojol te lum Israel yu'une. Ja'at me ya awentainotic, soc ya me acoltayotic ta sc'ab te jcontrotic te ay ta sjoylejal. Jich me ya ana' te la yalatix ta jamal te Cajwaltic te ya x'ochat ta ajwalil ta stojol te lum yu'une:

1 Samuel 12:14

Yo'tic, ja'ex me ya awich'ic ta muc' te Cajwaltic, ya me ach'uunic stuquel. Ya me ach'uunbeyic smandal, ma me xac'axintaybeyic; tojuc me x'ainex ja'ex, soc nix te muc' ajwalil awu'unique. Lecuc me ya x'ainex, pasbeyaic me sc'anjel yo'tan te Cajwaltic te Dios cu'untique. Jich me lec ya xc'oex.

1 Samuel 13:13

Albot yu'un te Samuel: —Ma x'ana' q'uinal, Saúl, ma ba lec te bi la apase. Te lajuc ach'uun te bi mandalil la yalbat te Cajwaltic, ja'at me atalel muc' ajwalilat ya xc'oat yu'un soc ats'umbal ta stojol Israel te jichuque.

1 Samuel 9:15

Te c'alal pajel xanix ya xc'ot a te Saúl, te Cajwaltic ay bi la yac'bey sna' te Samuel:

1 Samuel 9:16

—Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.