1 Samuel 13:6 - Bible in Tzeltal de Oxchuc y Tenejapa

⁶ Te israeletic jajch'ic ta buen wocol yu'un te c'alal tenotic yu'un te filisteoetique. La snac' sbaic ta ch'entiquil, ta lom ch'entiquil, ta nailch'entiquil, ta beja' ch'entiquil soc ta pozoetic.

Bible in Tzeltal Bachajón

⁶ Te c'alal la yilic te winiquetic yu'un Israel te ma xhu' yu'unic (como mero tembilic te pueblo), la snac' sbahic ta ch'en, ta pimil q'uinal, ta sc'uhb muc'ul tontiquil, ta be-ha' ch'entiquil soc ta hotbil yawil.

1 Samuel 13:6 ပူးပေါင်းရင်းမြစ်များ

2 Samuel 24:14

Te David la sutbey sc'op te Gad: —Mero tenbilon ya caiy. Yo'tic, ja' lec teme ja' ya x'ochotic ta sc'ab te Cajwaltic, te bit'il mero bayal ya sna' yo'bolil jbajtic stuquele, ma ja'uc ya x'ochotic ta sc'ab te winiquetique —xi'.

Isaías 42:22

Pero ja' te lum, ya x'elc'anbot soc ya xpojbot loq'uel sbiluc, ta spisilic ac'otiquix ta chuquel, ac'otiquix ta mero yutil chucjibal. Ya xtsacotic ta jyalel, ma'yuc mach'a ya x'ac'otic ta libre yu'un; ya xmacotic ta chucjibal, ja'uc me to, ma'yuc mach'a ya xloq'uesotic yu'un —xi' te Cajwaltique.

Jeremías 41:9

Te pozo te bay la xch'ojbey coel sbaq'uetal winiquetic te la smile, ja' nix te la yal mandal ta pasel te namey q'uinal muc' ajwalil Asa; ja' yorail a te la scoltay sba ta stojol te muc' ajwalil Baasa yu'un Israel. Mero muc'ul pozo ta jyalel; ja'uc me to, noj yu'un sbaq'uetalic te winiquetic la smil te Ismaele.

Ezequiel 33:27

“Soc jich xawalbey xan: “Jich ya yal te Cajwaltique: ‘Te jo'on te cuxulone, ya cal ta jamal: Ta spisil te mach'atic nainemic tey ta jinem lumetique, ya me yich'ic milel. Te mach'atic nainemic ta sq'uinalique, ya me cac' ta ti'el ta jti'awal chambalametic. Soc te mach'atic nainemic ta tonetic soc ta nailch'entiquile, ya me cac' lajuquic yu'un chamel.

Filipenses 1:23

Ta xchebal ma xju' cu'un ya caiy te ya jtsae. Jich co'tan te ya xlajonixe swenta jich ya xba joinix te Cristoe, yu'un ja' mero lec ya caiy te jichuc ya xc'otixe.

Hebreos 11:38

In winiquetic to, ma'yuc yantic ta balumilal te jich ay yutsil yo'tanique. Chican nax te banti beenic ta jochol q'uinal, soc ta bay witstiquil, soc ta bay tsalal ch'entiquil, soc ta nailch'enetic.

Josué 8:20

Te winiquetic yu'un te lum Hai, te c'alal la sujt'es sba yilic, xtometix moel xch'ailel te lum c'alal ta toyol te la yilique. Ma'yuc bay ya xju' ya xloq'uic ta anel ni jtebuc, melel te israeletic te anic bael yilel ta sbelal jochol taquin q'uinal, sujt'ic tel, och yac'bey sbaic guerra soc.

Jueces 10:9

Te amonetic c'axic tel ta Jordán, ja' ba yac'beyic guerra te sts'umbal Judá, te sts'umbal Benjamín soc te sts'umbal Efraín. Ay bayal swocolic te israeletic yu'un te amonetique.

Jueces 20:41

Te israeletic la sut sbaic bael ta ora. Te benjaminetic xiwic yu'un te ay bi muc' talix ta stojolique.

Jueces 6:2

Te madianetic la yac'beyic c'axuc swocol te israeletic, squechcon nax ta toyel jajch'el te swocolique. Te bit'il och bayal xiwel ta yo'tanic te israeletic yu'un te madianetic, la spasic yanjibic ta witstiquil, ta nailch'entiquil, soc ta bay chujc'ul q'uinal ta bay wocol ya xtaotiquixe.

1 Samuel 13:15

Ora loc' bael ta Gilgal te Samuel, bajt'. Te jayeb xan te soldadoetic bajt'ic soc Saúl ta guerra, jajch'ic ta Gilgal, c'otic ta Gabaa ta sq'uinal Benjamín. Tey c'o yajtay a te soldadoetic yu'un, lajunwinic xcha'bajc' (600) te winiquetic sjoineje.

1 Samuel 14:11

Jich la spasic. La yac' sbaic ta ilel yu'un te soldado-filisteoetique. C'alal ilawanic, jich la yalic: —Ila awilic yacalix ta loq'uel tel te hebreoetic snac'oj sbaic ta ch'entiquile —xiic.

1 Samuel 14:22

Te c'alal la yaiyic te israeletic baemic ta anel ta switsul sq'uinal Efraín te yacaliquix ta anel te filisteoetic, ora ba snutsic.

1 Samuel 23:19

Pero te mach'atic ainemic ta Zif, bajt'ic ta Gabaa ta sc'oponel Saúl, jich c'o yalbeyic: —Te David snac'oj sba ta jq'uinaltic ta anjibal ch'entiquil te ay ta wits Haquila ta Hores, ta sur yu'un te jochol taquin q'uinale.

1 Samuel 24:3

Te c'alal yac ta beel bael, c'ot ta corraletic yu'un chijetic. Ta snopolil bael ay nailch'en te banti snac'oj sba ta mero yutil te David soc te swinictaque. Te Saúl och bael ta tsa'anel tey a.

1 Samuel 31:7

C'alal la yilic te israeletic ainemic ta jejch' spamlej soc ta stojol sloq'uib c'aal yu'un Jordán te aniquix te soldado-israeletic soc te lajix Saúl soc te snich'nabe, la yijq'uitayic jilel te slumalic, loq'uic ta anel. Te filisteoetic c'otic tey a, tey jilic ta nainel a.

1 Samuel 7:7

Te c'alal la yaiyic te filisteoetic te stsoboj sbaic ta Mizpa te israeletic, te ajwalil-filisteoetic ora ba staic ta guerra. Te c'alal la yaiyic te israeletic, xiw yo'tanic yu'un.