1 Samuel 13:5 - Bible in Tzeltal de Oxchuc y Tenejapa

⁵ Jich te filisteoetic la stsob sbaic, swenta yu'un ya me yac'bey sbaic guerra soc te israeletique. Ay lajuneb xcha'winic ta jmil (30,000) carretaetic yu'un guerra te tasbil ta caballoetic, wacmil (6,000) soldadoetic cajajtic ta caballo, soc mero bayalic yantic soldadoetic te ya xbeen ta yacanic te mero bayalic, jich yipalic te bit'il sji'al mar. Tojic bael ta lum Micmas, c'o spas scampamentoic ta stojol sloq'uib c'aal yu'un Bet-avén.

Bible in Tzeltal Bachajón

⁵ Hich te filisteohetic la stsob sbahic ta ya'beyel guerra te Israel: oxpic soc ho'lajunbahc' (30,000) carretahetic yu'un guerra, ho'lajunbahc' (6,000) ta tuhl winiquetic cajajtic ta caballo, soc hich yipal soldadohetic te bin ut'il shi'al sti'il mar. Mohic talel soc la spasic scampamentohic ta Micmas, ta stojol banti ya xloc' tal c'ahc'al yu'un Bet-avén.

1 Samuel 13:5 ပူးပေါင်းရင်းမြစ်များ

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

2 Samuel 17:11

Yo'tic jo'on ya calbat, ac'a stsob tel sbaic ta atojol spisil te israeletic ta spamal sq'uinalic, c'alal ta Dan soc c'alal ta Beerseba, melel mero bayalic ta jtul jichuc ji' te ay ta ti'mar. Te ja'at nix ya xba awac' ta guerra.

1 Reyes 20:27

Jich nix te israeletic la yajtayic te soldadoetic yu'unique. La yac'beyic bi ya xtuun yu'unic, bajt'ic ta stael te siriaetique. C'o yac' scampamentoic ta stojol te banti ayic te siriaetic. Te israeletic pajal yilelic soc cha'tsojp tentsunetic, yan te siriaetic spisil smacojic te q'uinale.

2 Crónicas 1:9

Jich yu'un yo'tic, Cajwal Dios, c'otesa ta pasel te bila la awalbey te jtat David, melel la awac'on ta muc' ajwalil ta stojol te lum te mero ma xju'ix ta ajtayel jichuc ts'ubil lume.

Isaías 10:28

ya xjul ta Ajat, ya xc'ax ta Migrón, ya yijq'uitay jilel ijc'atsil ta Micmas,

Isaías 48:19

Te ats'umbale ma me p'isbiluc yajtalul te jichuque, ma xju'ix ta ajtayel jich bit'il sji'al mar. Jo'on ma'yuc bi ora la sc'an co'tan te ya jinat te jichuque; ni ma la sc'an co'tan te ya quijq'uitayate, te ya jch'ay jsit ta atojole —xi' te Cajwaltique.

Jeremías 15:8

C'axem to xan me'ba antsetic la quijq'uitay a, te jich yipal te bit'il sji'al mar. Ta mero olil c'aal a te la cac' tel lajel ta stojol te me'iletic soc te yalataque; ora nax la cac' tel mel-o'tan soc xiwel ta stojolic.

Oseas 10:5

Ya xnijq'uic yu'un xiwel te yajwal Samaria; ya x'oq'uic yu'un te ya xch'ay bael te sloc'omba alal toro ta Bet-avén. Ja' ta swenta te ay ta mel-o'tan te lum soc te sacerdoteetique, melel te yutsilal, ya xch'ay ta jc'axel.

Oseas 4:15

“Teme ya apas mulwej ja'at, Israel; ja'uc me to, te manchuc ya sle smul stuquel te Judá. Ma me xbaex ta Gilgal te ja'exe, ni ma me xmoat bael ta Bet-avén, ni ma me x'ata ta alel te cuxul Diose.

Oseas 5:8

Oq'uesinaic xulubil yu'un guerra ta Gabaa, soc oq'uesinaic oq'ues ta Ramá. Ac'beya señail guerra ta Bet-avén. Ac'beya socuc sjolic te mach'atic ta Benjamín.

Romanos 9:27

Jich uuc te Isaiase, la yalbey sc'oplal te israeletique: “Manchuc teme jich yipal sts'umbal Israel te bit'il sji'al te mare, ja'uc me to, scomenal xanix te ya xcolique.

Josué 11:4

Spisil te muc' ajwaliletic talic soc spisil te soldadoetic yu'unique, mero bayal caballoetic soc carretaetic yu'un guerra. Bayal ta jyalel te soldadoetic, mero ma xju'ix ta ajtayel, jich bit'il juju-jp'ij sit ji' ta sti'il te mare.

Josué 18:12

Te smojonil te q'uinal jajch' tel ta stojol norte ta muc'ja' Jordán, toj bajt' ta stojol norte yu'un Jericó. Bajt' xan ta witstiquil ta stojol smalib c'aal, loc' ta jochol taquin q'uinal yu'un Bet-avén.

Josué 7:2

Te Josué ay la sticun bael winiquetic ta Jericó te bajt'ic ta Hai te ay ta stojol sloq'uib c'aal yu'un Betel, te nopol yiloj sba soc te Bet-avén. Yich'ojic mandal te ba stsajtayic te q'uinale. Jich a bajt'ic, ba stsajtayic tel.

Jueces 7:12

Te madianetic, te amalequetic soc te yantic winiquetic talemic ta stojol sloq'uib c'aal, spucoj sbaic ta stenlej xatal q'uinal jichuc c'ulubetic. Ay bayal camelloetic yu'unic, mero jich yipalic te bit'il sji'al mar.

1 Samuel 13:11

pero albot yu'un te Samuel: —¿Bistuc te jich la apase? —xi' sc'oplal. La sjac' te Saúl: —La quil te yaquix ta pujq'uel bael te winiquetic, soc te bit'il ma ba yacat ta julel ta yorail te bi c'aalil calojtique. Soc la quil xan te bit'il stsobojix sbaic ta lum Micmas te filisteoetic,

1 Samuel 13:2

la stsa oxmil (3,000) soldadoetic ta sq'uinal Israel. Cha'mil (2,000) jil soc ta lum Micmas soc ta switsul Betel. Te yan jmil (1,000) xane jil soc Jonatán ta lum Gabaa ta sq'uinal sts'umbal Benjamín. Te jayeb xan jil te winiquetic, la sticunlan sujt'el ta snaic te Saule.

1 Samuel 14:23

La yac'bey bael guerra c'alal ta Bet-avén. Jich te Cajwaltic la scoltay ta sc'ab filisteoetic te israeletique.

1 Samuel 14:52

Te jayeb c'aal cuxul ta balumilal te Saúl, mero tulan te guerra ta stojol te filisteoetique. Ja' yu'un te la yic' ochel ta soldadoil spisil buen tulan winiquetic te ma xiwique.

1 Samuel 17:1

Te filisteoetic la stsob te soldadoetic yu'un, swenta yu'un ya yaq'uic guerra. La stsob sbaic ta lum Soco te ay ta sq'uinal Judá. La spas scampamentoic ta Efes-damim, ta yolil te lum Soco soc lum Azeca.

1 Samuel 7:13

Te filisteoetic mero tsalbilic jilel, jich ma ba la yochintaybeyic xan te sq'uinal israeletique. Te jayeb c'aal cuxul te Samuel, spisil ora controinbil yu'un Cajwaltic te filisteoetique.