1 Samuel 13:4 - Bible in Tzeltal de Oxchuc y Tenejapa

⁴ Spisil israeletic la yaiyic te bit'il te Saúl la slajin te jchajp soldado-filisteoetic, te ja' swentail te mero jajch'em slab yo'tanic ta stojol hebreoetic te filisteoetique. Ja' yu'un te soldadoetic la stsob sbaic soc Saúl ta Gilgal.

Bible in Tzeltal Bachajón

⁴ Spisil Israel la ya'iyic te la yich' halel: Te Saúl la ya'be guerra te jchahp soldado yu'un te filisteohetic, te xchihe, soc te ilobtic sba ilotix te Israel yu'un te filisteohetique. Ha yu'un la stsob sbahic te pueblo ta stojol Saúl ta Gilgal.

1 Samuel 13:4 ပူးပေါင်းရင်းမြစ်များ

Génesis 34:30

Te Jacob la yalbey te Simeón soc te Leví: —Ja'ex ta awentaic te bit'il ya me slab-o'tantayoniquix spisil te cananeoetic soc te ferezeoetic te nainemic li' ta q'uinal to. Te bit'il ma ba tsobolon te jo'one, ya me stsob sbaic tel xtal smilonic, jich ya xlajon soc spisil mach'a ay cu'un —xi'.

Génesis 46:34

ya me awalbeyic: “Te jo'otique ja' cat'elinejtic xch'ijtesel chambalametic ta calaliltic to soc jme'-jtatic”, ya me awutic, swenta yu'un ja' me ya yac'beyex aq'uinalinic te Gosén, melel te egipcioetique ma slac' sbaic soc te jcanan-chijetique —xi' te José.

2 Samuel 10:6

Te amonetic la sna'ic te bolob yo'tan ta stojolic te David. Ba yic' sjoinic jtab ta jmil (20,000) soldado-siriaetic ta Bet-rehob soc ta Soba, soc te muc' ajwalil ta Maaca la yac' jmil (1,000) swinictac, soc ac'botic lajchaymil (12,000) winiquetic yu'un Is-tob.

Éxodo 5:21

Jich la yalbeyic: —Te Cajwaltic ya me yil te bila yacalex ta spasele, ac'a yac'beyex castigo. Melel ja'ex amulic te bit'il ma'yuquix jc'oplaltic ta yo'tan faraón soc te sjo'tac ta ajwalile. Ja'ex la awac'beyic yat'ejib ta sc'abic c'oem yu'un ya smilotic a —la yutic.

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Josué 5:9

Jich yu'un te Cajwaltic la yalbey te Josué: —Ta swenta te circuncisión tey me la jch'aybeyex a te q'uexlal la ata ta Egipto —xi' te Cajwaltique. Ja' swentail te Gilgal sbiil yo'tic ta bay c'ot ta pasele.

1 Samuel 10:8

Neelajan bael ta Gilgal, patil ya me xboon. Tey me ya xc'o jta jbajtic a, swenta yu'un ya me cac'bey chic'bil smajt'an soc milbil smajt'an Dios swenta seña te lamal-o'tanile. Ya me amaliyon juqueb c'aal tey a ja' to teme c'oone, soc teme la calbat te bila ya sc'an ya apase —xi' te Samuele.

1 Samuel 27:12

Te Aquis jun yo'tan ta stojol, jich la yal ta yo'tan: “Te David jc'axel ilaybil yac ta c'oel yu'un te slumal Israel. Ya me cabatin spisil ora”, xi' yu'un.