1 Samuel 12:9 - Bible in Tzeltal de Oxchuc y Tenejapa

⁹ Pero patil la yijq'uitayic te Cajwaltic te Dios cu'untique, ja' yu'un ac'otic ta sc'ab Sísara, te swentainej te soldadoetic yu'un Jabín te muc' ajwalil yu'un Hazor, soc ta sc'ab filisteoetic, soc ta sc'ab muc' ajwalil ta Moab. Ja'ic la stsac sbaic ta guerra soc.

Bible in Tzeltal Bachajón

⁹ Pero ch'ay ta yo'tanic te Jehová te Dios yu'unic, hich la yac'ticlambe ta sc'ab Sísara, te jtsobaw yu'un te soldadohetic yu'un Hazor, soc ta sc'ab filisteohetic soc ta sc'ab te ajwalil yu'un Moab, te a'botic guerra yu'un.

1 Samuel 12:9 ပူးပေါင်းရင်းမြစ်များ

2 Samuel 7:11

te c'alal la jtsa juecetic, yu'un ya swentainbon te lum Israel cu'une. Jo'on me ya cac'at ta libre ta sc'ab ta spisil te acontrotaque. Soc ya calbat te ya cac'bat patil alnich'anetic awu'une.

Salmos 106:21

La xch'ay ta yo'tanic te Diose, te jcoltaywanej yu'unique, te mero c'ax muc' te bitic la spas ta lum Egipto.

Isaías 63:10

Ja'uc me to, la stoy sbaic ta scontroinel te Cajwaltique, soc la yac'bey smel yo'tan te ch'ul espíritu yu'une. Jich yu'un te Cajwaltic la scontroin, jich ac'botic guerra yu'un.

Jeremías 2:32

Te antse ¿ya bal xju' xch'ay ta yo'tan te xch'alil te ya yac' sba ta mulanel a? Ja'uc me to, te lum cu'une, mero c'ax bayalix c'aal te ch'ayon ta yo'tane.

Deuteronomio 32:18

Israel, ch'ay me ta awo'tan te Atate, ch'ay me ta awo'tan te Jcanantaywanej awu'une; ma ba la ana'ix te mach'a la yac'bat acuxlejale.

Deuteronomio 32:30

¿Bi yu'un te jtul nax mach'a la yac' anuc jmil ta jtule? ¿Bi swentail te cheb nax la sticun ta anel lajunmil ta jtul? Ja' nax yu'un te Cajwaltic, te ja' Jcanantaywanej yu'unic, la sc'an la yac'bey ta sc'ab yu'un te controe.

Jueces 10:7

Ja' swentail te ilin Cajwaltic ta stojolic, jich la yac'bey ta sc'abic te filisteoetic soc te amonetique.

Jueces 13:1

Ja'uc me to, te israeletic la spasic xan te bi ma lecuc ta sit Cajwaltic, ja' swentail te la yac' ta sc'ab filisteoetic cha'winic (40) ja'wil.

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Jueces 3:12

Te israeletic cha'jajch'ic ta spasel bi amen ta sit te Cajwaltique. Ja' yu'un te Cajwaltic la yac'bey yip Eglón te muc' ajwalil yu'un Moab, cajal yip yu'un a te Israel.

Jueces 3:31

Te yan jtsobwanej, ja' te Samgar te snich'an Anat. La smil lajunwinic xcha'bajc' (600) filisteoetic ta sni' staq'uinal stijibal joc'lum-wacaxetic, aguijada sbiil. Te Samgar jich la scoltay te Israele.

Jueces 4:2

Jich yu'un te Cajwaltic la yac'bey ta sc'ab Jabín, ajwalil-cananeo ay ta lum Hazor. Te mach'a ay ta jtsobwanej ta swenta te soldadoetic yu'un Jabín, Sísara sbiil, nainem ta Haroset-goim.

1 Samuel 12:15

Yan teme ma ba ya ach'uunbeyic smandal, teme ya ac'axintaybey smandal, ya me yac'beyex castigo te ja'exe, soc ya me yac'bey castigo te muc' ajwalil awu'unique.