1 Samuel 12:3 - Bible in Tzeltal de Oxchuc y Tenejapa

³ Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

Bible in Tzeltal Bachajón

³ Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

1 Samuel 12:3 ပူးပေါင်းရင်းမြစ်များ

2 Samuel 22:22

Melel ja' jt'unojbey sbe te Cajwaltic; ma'yuc bi ora la jle jmul ta stojol te Dios cu'une.

Nehemías 5:11

Wocoluc me jiche, sutbeyaic me yo'tic nix te sq'uinalique, te sts'usubilique, te olivoiltic yu'unique soc te snaique, soc lajinbeyaic sc'oplal te sbetic awu'unique, teme taq'uin, trigo, vino o aceite —la cut.

Salmos 15:5

ja' te mach'a ya yac' ta majanel staq'uin te ma sc'anbey sjole; ja' te mach'a ma stsac smajt'an-taq'uin yu'un te mach'a tojol nax ay ta uts'inele. Te mach'a jich ya spase, ma me ayuc bi ora ya sta swocol yu'un.

Éxodo 20:17

“Ma me xbic'taj awo'tan yu'un sna te apat-axujq'ue: Ma me xbic'taj awo'tan yu'un yinam, yabat, scriada, swacax, sburro soc te bitic ay yu'une —xi' te Diose.

Éxodo 22:4

“Teme cuxul tabot te yeleq'ue, chican teme wacax, burro, o chij, cheb buelta me ya sujt'esbey sjelol.

Éxodo 23:8

“Ma me xach'uun stsaquel taq'uin ta swenta xchajbanel aiyej, ya me xc'atp'ujat ta ma'sit yu'un c'oem. Jich ya xch'ay c'uxtayel ta swenta te mach'a toj yat'ele.

Proverbios 15:27

Te mach'a ya yac' sba ta bic'tal-o'tanil, ja' ya sjin a te snae; yan te mach'a ma stsac te majt'anil taq'uin yu'un mulile, ja' ya xcuxin stuquel.

Levítico 6:4

jich yu'un ya me xjil ta swenta te mulile. Ya me sujt'es te bi la yelc'an, o teme ay mach'a la suj ta yaq'uel ta puersa, o teme la slo'lay, o teme ja' te biluc ch'ayemix a la sta,

Levítico 6:5

biluc a te la yal ta jamal ta lote. Ya me sujt'esbey ta stojol spisil te yajwal, soc ya me yac' jun ta yo'ebal swenta sjol, te bi ora ya yac' te milbil majt'anil yu'un te smule.

Números 16:15

Jich yu'un te Moisés bayal ilin, jich la yalbey te Cajwaltique: —¡Ma me x'atsacbey te majt'anil yu'unique! Ma'yuc bay jpojojbey ni jcojt'uc sburro, ni ma'yuc bila amen jpasojbey jtuluc —xi'.

San Mateo 22:21

La yalic: —Ja' te Cesare —xiic. Jesús la yalbey yaiyic: —Te bila ja' yu'un te Cesare, ac'beyaic me jiche, soc te bila ja' yu'un te Diose, ac'beyaic me uuc —xi' te Jesuse.

San Lucas 19:8

Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

Hechos 20:33

Ma'yuc mach'a la jbic'tal-o'tantaybey plata yu'un soc oro yu'un soc te sc'u'-spaq'ue.

2 Corintios 12:14

Ta ora to chapalonix te ya xtal quilex ta yoxebal bueltae. Ma me cac'beyex awocolic yu'un te bila ya xtuun cu'une, melel ma ja'uc yacon ta sleel te bila ay awu'unique, ja' ya jc'anex atuquelic te ja'exe. Melel te me'il-tatiletique, ja' ay ta swentaic te ya sle taq'uin ya xtuun yu'un te yal-snich'anique. Ma ja'uc te alnich'anetic te ya sle taq'uin ya xtuun yu'un te sme'-statique.

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

1 Tesalonicenses 2:10

Te ja'exe testigoex cu'un soc ja' testigo uuc te Diose, te bit'il ch'ultesbil co'tan soc toj nax ainon ta atojolic ja'ex te ch'uunjelexe. Ma'yuc bay la jta jmul ta atojolic.

1 Tesalonicenses 2:5

Melel ana'ojic stojol te ma la jmonex ta lo'layel ta t'ujbil c'op. Soc ma la jle te bila ya xju' ya jlo'laybeyex ataq'uinic ae. Ja' testigo cu'un te Diose.

1 Pedro 5:2

Canantayaic te chijetic yu'un Dios te ay ta awentaique. At'ejanic ta spasemal awo'tanic, melel jich ya sc'an yo'tan te Diose. Ma me sujbiluquex ta spasel, soc ma me ta scajuc nax taq'uin te ya x'at'ejexe. Ja' ya sc'an te binuc nax me awo'tanic ta spasele.

1 Samuel 10:1

Te Samuel la stsac jun ch'in oxom aceite, la smalbey ta sjol te Saule. Te c'alal yac ta smalbeyel ta sjol a, jich la yal: —Yo'tic la awich'ix aseña yu'un Cajwaltic, swenta yu'un ya me awich'ix awat'el ta ajwalil ta stojol te lum Israel yu'une. Ja'at me ya awentainotic, soc ya me acoltayotic ta sc'ab te jcontrotic te ay ta sjoylejal. Jich me ya ana' te la yalatix ta jamal te Cajwaltic te ya x'ochat ta ajwalil ta stojol te lum yu'une:

1 Samuel 12:4

La yalic te israeletic: —Ma'yuc la awac' jwocoltic, ma'yuc la awuts'inotic. Ma'yuc banti ma lecuc la achajbanotic ta swenta sbic'tal awo'tan yu'un taq'uin —xiic.

1 Samuel 12:5

La yal xan te Samuele: —Te Cajwaltic soc te muc' ajwalil stsaoje, ja' testigoetic te ma'yuc bi la atabonic jmul a —xi'. —Jich nix a —xiic xan.

1 Samuel 2:35

Ya me jtsa yan sacerdote te jun yo'tan ta jtojol te ja' ya spas te bila ya jmulan soc te bila ya sc'an te co'tane. Ya me cac'bey sts'umbal ta cajalcaj bael, ya me cac' at'ejuc ta stojol spisil ora te muc' ajwalil te jo'on ya jtsae.

1 Samuel 24:11

“Soc ila awil, cajwal, te sti'il ac'u' quich'oj ta jc'abe, te yu'unuc ya jc'an ya jmilat, la jmilatix te jichuque. Tey me x'ana' a te ma'yuc bi amen jnopoj ta co'tan ta atojol, soc ma ba jnopoj te ya jmuquen-milate. Ma'yuc jtaoj jmul ta atojol. Yan te ja'ate yac alebelon yu'un ya amilon.

1 Samuel 24:6

Jich la yalbey te swinictac: —Ja' me ac'a scomon te Cajwaltic ta sjachel jc'ab ta stojol te cajwale, ja' te muc' ajwalile. Melel ja' ac'bot yich' yat'el yu'un te Cajwaltic, ja' yu'un ja' muc' ajwalil stuquel —xi'.

1 Samuel 24:7

Jich ju' yu'un scombel swinictac te David, jich ma'yuc bi la spasbeyic te Saúl. Jun yo'tan loc' bael ta nailch'en, jajch' xan ta beel.

1 Samuel 26:11

Ja' me ac'a scomon te Cajwaltic te manchuc ya calbey smilel te muc' ajwalil te ja' stsaoj stuquele. Ja' yu'un tsaca te lanza te ay ta nopol sjol soc te sjarrail ya'al, la' me sujt'ucotic bael —xi' te David.

1 Samuel 26:9

Pero la sjac' te David: —Ma'uc, ma xamil. Te mach'a ya smil te muc' ajwalil tsabil yu'un te Cajwaltic, puersa me ya yich' castigo.