1 Samuel 11:7 - Bible in Tzeltal de Oxchuc y Tenejapa

⁷ Jich la stsac cheb wacaxetic, la sesen. La yac'bey ta sc'ab jpuc-c'opetic, jich pujc' yu'un ta spamal sq'uinal israel te sesenbil wacaxetic. Soc jich la yalic te jpuc-c'opetique: —Jich me ya yich' pasel swacaxic te mach'atic ma ba ya yac' sbaic ta stojol Saúl soc Samuel, soc teme ma ba ya st'unique —xiic ta yalel. Och xiwel ta yo'tanic ta spisil te israeletic, la syom sbaic ta jun nax, ta spisilic bajt'ic ta stojol te Saúl soc te Samuele.

Bible in Tzeltal Bachajón

⁷ Hich la stsac cheb j'a'tel-wacaxetic, la sesen soc la spucticlan bahel ta spahmal sq'uinal Israel ta scuenta jpuc-c'opetic, hich la yal: Hich me ya yich' pasbeyel te j'a'tel-wacaxetic yu'un te mach'atic ma ba ya xloc' tal st'unic te Saúl soc te Samuel, xchi. Te xiwel yu'un Jehová c'oht ta stojol te pueblo, loq'uic tal hich te bin ut'il jtuhl winic.

1 Samuel 11:7 ပူးပေါင်းရင်းမြစ်များ

Génesis 35:5

Jajch'ic ta beel. Te jaychajp lum ta banti ayique, ma ba nutsotic yu'un, melel ac'bot xiwel ta yo'tanic yu'un Dios, jich ma ba nutsotic.

2 Crónicas 14:14

Soc la yac'bey guerra spisilic te lumetic ta sjoyobal Gerar, spisilic bayal och xiwel ta yo'tanic ta stojol te Cajwaltique. Te soldadoetic yu'un Judá la spojbeyic bayal sbiluc, yu'un ay bayal sc'ulejalic te lumetique.

2 Crónicas 17:10

Spisil te ajwaliletic yu'un te nacionetic te ayic ta sjoyobal sq'uinal Judá, la xi'ic te Cajwaltic, jich ma'yuc mach'a jelaw te la yac'bey guerra te Josafat.

2 Crónicas 19:7

Ja' yu'un, ich'aic ta muc' te Cajwaltic, soc tsajtaya me abaic yu'un te bila ya apasique, melel te Cajwaltic Dios cu'untic ma me smulan te bay ma lequil chajbaneluque, soc te bay tsabil nax awu'une, soc teme ya awaiy chajbanwanej ta swenta taq'uin —xi' te Josafat.

Isaías 8:13

Te Cajwaltic te Spisil ya xju' yu'un ja' me mero ch'ul ajwalil stuquel, ja' me ay ta xi'el. Ayuc me xiwel ta awo'tanic ta stojol stuquel.

Jueces 19:29

C'alal c'ot, la stsac tel cuchillo, la sbojbey sbaq'uetal te yantse, lajchayeb loc' yu'un a. La spuc bael ta spamal sq'uinal Israel.

Jueces 20:1

Ta spisil te israeletic ta Dan c'alal ta Beerseba soc ta Galaad, la stsob sbaic ta Mizpa ta stojol te Cajwaltic, jun nax la yac' sbaic, jich c'otic te bit'il jtul nax winic.