1 Samuel 11:2 - Bible in Tzeltal de Oxchuc y Tenejapa

² Te amon-winic Nahas jich la yal: —Ya jpas trato soc ja'ex, pero teme ya ach'uunic te bi ya cale: Ya me jloq'uesbeyex awa'el-sitic ta apisilic, swenta yu'un jich me ya cac' ta q'uexlal spisil israeletic —xi'.

Bible in Tzeltal Bachajón

² Te Nahas te amon-winic, hich la yalbe: Ya jchap jc'optic teme ya jloq'uesbeyex awa'el sitic ta apisilic, te hich ya xc'oht q'uexlal ta stojol spisil Israel, xchi.

1 Samuel 11:2 ပူးပေါင်းရင်းမြစ်များ

Génesis 34:14

Jich yu'un la yalbeyic: —Ma xju' ya cac'bat te bit'il ma ba awich'oj circuncisión te ja'ate, yu'un ma lecuc ya caiytic te jo'otique.

2 Reyes 18:31

ma me x'awich'beyic ta wenta. Te muc' ajwalil yu'un Asiria la sticunon te ya calbeyex te yacuc alaman awo'tanic ta stojol, soc te spasemal awo'tanic ya awac' abaic ta sc'abe, swenta yu'un jich me juju-jtul ya alo'beyic sit a te ts'usub awu'unic soc te higuera awu'unic, soc te ya awuch'ic ta juju-jtul te ya'lel te jutbil ch'en swenta yawil ja' awu'unique.

Salmos 44:13

La ac'atp'unix ta sjachjibal lab-o'tanil; te jpat-jxujc'tic ya yil-o'tantayotic soc ya xq'uexlaltesotic.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Proverbios 12:10

Te mach'a toj yo'tan, ya sna' te ay yo'bolil sba te xchamsbalame; yan te mach'a amen yo'tane, ma'yuc bi ya sna'bey yo'bolil sba.

Jeremías 39:7

Te Nabucodonosor la yal mandal ta t'usel sit te Sedequías, soc la xchuquic bael ta cadena, la yiq'uic bael ta Babilonia.

Números 16:14

Te ja'ate ma'yuc bay awic'ojotiquix bael ta q'uinal ta bay ya x'oquin leche soc chab c'oem, ni ma'yuc bay awac'ojbotiquix jq'uinaltic soc jts'usubiltic. Ja' xanix ya ac'an te ya jch'uuntic iq'uel bael awu'un jichuc ma'sitetic. Ma xju', ma jc'antic ya xbootic ta atojol —xiic.

Jueces 16:21

Jich yu'un te filisteoetic la stsaquic soc la sloq'uesbeyic te site, la yiq'uic bael ta Gaza. Tey la sc'olic ta cadena te pasbil ta bronce, la yaq'uic ta at'el ta muc'ul molino ta yutil cárcel.

1 Samuel 11:10

Jich la smaquic ta c'op te Nahas: —Pajel ya me cac' jbajtic ta ac'ab, swenta yu'un ya me apas te bila ya sc'an awo'tan ya apasbotique —la yutic.

1 Samuel 12:12

Pero te ja'exe, te c'alal la awaiyic te ya xtal yac'beyex guerra te Nahas te muc' ajwalil yu'un amonetic, la ac'anbonic muc' ajwalil yu'un ya swentainex, manchuc me ja' muc' ajwalil awu'unic stuquel te Cajwaltic te Dios cu'untique.

1 Samuel 17:26

Jich te David la sjojc'obey te mach'atic ayic ta sts'eele: —¿Bila ya yac'beyic te winic ya smil te filisteo, te jich ya xlaj sc'oplal ta labanel te soldado-israeletique? ¿Mach'a ya scuy sba a te filisteo te ma ba xch'uunej te cuxul Diose te jich tal stijulabey jajch'el slab yo'tanic te soldadoetic yu'un te cuxul Diose? —xi'.