1 Samuel 11:1 - Bible in Tzeltal de Oxchuc y Tenejapa

¹ Nahas, muc' ajwalil yu'un Amón, bajt' ta Jabes-yu'un-Galaad, c'o xchajban te soldadoetic yu'une swenta yu'un ya me yac'beyic guerra te lum Jabes. Pero te yajwal te lum Jabes jich la yalbeyic: —Jpastic trato, jich me ya cac' jbajtic ta ac'ab —xiic.

Bible in Tzeltal Bachajón

¹ Patil te Nahas te amon-winic, baht ya'be guerra te Jabes yu'un Galaad. Spisil mach'atic ayic ta Jabes hich la yalbeyic te Nahas: Ya jchap jc'optic, hich ya cac' jbahcotic ta a'batinel awu'un, xchihic.

1 Samuel 11:1 ပူးပေါင်းရင်းမြစ်များ

Génesis 26:28

Jich la sjaq'uic: —Yu'un quilojtic te bit'il ajoinej te Diose. Jich yu'un la caltic: “Conic, jpastic trato soc”, xootic tel,

2 Samuel 10:1

C'alal c'ax bael jtebuc c'aal, laj te Nahas, muc' ajwalil yu'un te amonetique; ja' jil ta swenta sjelol te snich'ane, ja' te Hanún.

2 Samuel 10:2

Te David jich la yal ta yo'tan: “Ja' lec teme jich nix lec co'tan ta stojol te Hanún snich'an Nahas te bit'il lec yo'tan ta jtojol te anima state”, xi'. Jich la sticun abatetic, swenta yu'un ya me yalbey te Hanún te pajal smeloj yo'tan soc yu'un te laj state. Pero te c'alal c'otic te abatetic yu'un David ta sq'uinal amonetique,

2 Samuel 17:27

C'alal te David c'ot ta Mahanaim, loc' tel ta tael yu'un Sobi snich'an Nahas te jajch'em ta lum Rabá ta Amón, soc Maquir snich'an Amiel te jajch'em ta lum Lodebar, soc Barzilai te jajch'em ta Rogelim ta Galaad.

2 Samuel 2:5

jich la sticun ta alel: “Ac'a yac'beyex bendición te Cajwaltic te la ac'uxtayic te Saúl te ajwalil cu'untic te bit'il la amuquique.

1 Reyes 20:34

Jich la yal te Ben-adad: —Ya me jsujt'esbat te lumetic la spojbey jtat te atate, soc ya me xju' ya awaiy manbajel chonbajel ta Damasco, jich te bit'il la spas ta Samaria te jtate —xi'. La sjac' te Acab: —Te jo'on ya me jcoltayat bael jiche —xi'. Jich la spas trato soc te Acab te Ben-adad, jich la sticun sujt'el.

1 Crónicas 10:11

C'alal la yaiyic stojol spisil te yajwal lum Jabes-yu'un-Galaad te bi la spasbeyic Saúl te filisteoetic,

1 Crónicas 10:12

la xchap sbaic spisil te winiquetic te ma xiwique, ba yich'beyic tel sbaq'uetal Saúl soc snich'nab c'alal ta lum Jabes. Tey la smucbeyic sbaq'uetalic a ta yet'al jijte'. Ay juqueb c'aal la scom swe'elic yu'un mel-o'tan.

Job 41:4

¿Ya bal xju' awu'un te ya awac' yalbat te ya yac' sba ta mosoil ta jc'axel awu'un te jayeb c'aal cuxule?

Éxodo 23:32

“Ma me xapas trato soc, ni ma me bi xanopic yu'un te diosetic yu'unique.

Isaías 36:16

ma me xach'uunic. Te muc' ajwalil yu'un Asiria la yalbon tel mandal te ya calbeyex te yacuc bic'tajanic ta stojole, soc te jun awo'tanic ya awac' abaic ta stojole, jich me ta juju-jtul jun awo'tanic ya awe'elinic te sit ats'usubic soc te higuera awu'unic, soc te ya awuch'ic te ja' te ay ta apozoique.

Jeremías 40:11

Jich nix te judioetic te ayic ta Moab, Amón, Edom soc te yantic nacionetique, la yaiyic stojol te la sc'an yo'tan te muc' ajwalil yu'un Babilonia te ay judioetic te la yac' xan jilel ta sq'uinalic, soc te ja' ac'ot jilel ta ajwalil yu'unic te Gedaliase.

Jeremías 40:14

jich la yalbeyic: —¿Ya bal ana' te Baalis te muc' ajwalil yu'un Amón te sticunej tel Ismael te snich'an Netanías, yu'un ya smilat? —xiic. Ja'uc me to, te Gedalías ma la xch'uun.

Ezequiel 17:13

La yic' jtul te sts'umbal ajwalile, ay trato la xchap soc, la yac' puersa te jc'axel ya yal ta jamal te mero jun yo'tan ta stojole. La yic' bael te winiquetic bayal sp'ijilic ta slum-sq'uinalique.

Deuteronomio 23:3

“Te amonetic soc te moabetic, ma'yuc bi ora ya xju' ya stsob sbaic soc Israel ta stojol Cajwaltic, ni ja'uc ta slajuncajal yal-snich'an.

Jueces 10:7

Ja' swentail te ilin Cajwaltic ta stojolic, jich la yac'bey ta sc'abic te filisteoetic soc te amonetique.

Jueces 11:4

C'ax bael c'aal, te amonetic la yac'beyic guerra te Israel.

Jueces 21:8

¿Ay bal israeletic te ma ba stejc'anej sba ta stojol Cajwaltic ta Mizpa? —xiic. La sna'ic te ja' ma ba bajt'ic ni jtuluc ta tsoblej te lum Jabes-yu'un-Galaad.

1 Samuel 12:12

Pero te ja'exe, te c'alal la awaiyic te ya xtal yac'beyex guerra te Nahas te muc' ajwalil yu'un amonetic, la ac'anbonic muc' ajwalil yu'un ya swentainex, manchuc me ja' muc' ajwalil awu'unic stuquel te Cajwaltic te Dios cu'untique.

1 Samuel 14:47

Jich te Saúl ay ta ajwalil c'ot ta spamal te sq'uinal israeletique. La yac'bey guerra ta spisil ta bayuc te scontro, ja'ic te Moab, Amón, Edom soc te muc' ajwalil ta Soba, soc nix te filisteoetique. Ta bayuc bajt' te Saúl la yaiy tsalaw.