1 Samuel 10:7 - Bible in Tzeltal de Oxchuc y Tenejapa

⁷ Te c'alal jich c'otix ta pasel ta atojol spisil a te bitic la calbatixe, pasa spisil te bila ya sc'an awo'tan ya apase, ja' me ya scoltayat te Diose.

Bible in Tzeltal Bachajón

⁷ Te c'alal c'ohemix ta pasel ta atojol a te señahiletic ini, pasa te bin ya sc'an awo'tan, yu'un sjoquinejat te Diose.

1 Samuel 10:7 ပူးပေါင်းရင်းမြစ်များ

Génesis 21:20

Te querem joinot yu'un Dios spisil ora. Muc'ub xan, nain ta jochol taquin q'uinal. La snop smilel chambalam ta t'im.

2 Samuel 7:3

La sjac' te Natán: —Lec ay, pasa te bitic anopoj ya apase, ya me scoltayat te Cajwaltique —xi'.

Job 31:25

Ma'yuc bi ora ja' bin nax co'tan yu'un te ya x'esmaj te jc'ulejale, soc ma ja'uc ay ta co'tan te bayal ya jpas ganar.

Éxodo 4:8

Jich yu'un la yal te Cajwaltique: —Teme ma xch'uunic a te sbabial seña, tey niwan ya xch'uuniquix a.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Lucas 2:12

Ja' seña ya xc'o awilic: te alale potsbil ta pac' soc wayal ta yawil swe'el chambalam —xi' te ch'ul abate.

San Juan 6:14

Te c'alal la yilic te ants-winiquetic te seña yu'el Jesús te la spase, jich la yalic yu'un: —Ja'ix ta melel te j'alwanej yu'un Dios te caiyojtic stojol te ya xtal ta balumilale —xiic.

Deuteronomio 20:1

“Teme ya xloq'uex ta spasel guerra soc te acontroique, teme ya awilic ay bayal caballoetic soc carretaetic yu'un guerra yich'ojic, soc teme ja' mero bayal te soldadoetic yu'unique, teme c'axem jichic a te bit'il ja'ex, ma me x'axi'ic, melel te ja'exe ja' sjoinejex te Cajwaltic te Dios cu'untique. Ja' te la sloq'uesex tel ta sq'uinal Egipto.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Jueces 6:12

Te ch'ul abat yu'un Cajwaltic la yac' sba ta ilel ta stojol Gedeón, jich la yalbey: —Sjoinejat te Cajwaltique, te tulan winicat soc te ma xiwate —xi'.

Jueces 9:33

Ta sab te c'alal yac ta loq'uel tel te c'aale, ac'beya guerra te lume. Te c'alal ya xloc' tel soc swinictac Gaal ta yac'belat guerra, pasbeya ta stojol te bila ya sc'an awo'tan soc te soldadoetic awu'une”, xi' bael sc'op.

1 Samuel 2:34

Tey me ya ana' a te bila ya xc'ot ta pasel ta swenta anich'nab, ja' te Ofni soc Finees: ta xchebalic ya me xlajic ta jun nax c'aal.

1 Samuel 20:13

Yan teme amen bi snopoj ya spasbat te jtate, ac'a me yac'bon buen tulan castigo te Cajwaltic teme ma ba ya calbate, soc teme ma ba ya jcoltayat swenta jun awo'tan ya xcolat baele. Ja' ac'a scoltayat te Cajwaltic, jich te bit'il coltayot yu'un te jtate.

1 Samuel 3:19

Te Samuel muc'ub, ja' la sjoin jujun c'aal te Cajwaltique. Spisil c'ot ta pasel yu'un, ma'yuc ch'ay baluc te sc'ope.