1 Samuel 10:6 - Bible in Tzeltal de Oxchuc y Tenejapa

⁶ Te espíritu yu'un te Cajwaltic ya me xnoj ta awo'tan. Jich me ya yac'at ta c'op te Diose, jich te bit'il yacal spasbel te j'alwanejetique. Jich me ya sjelbat awo'tan.

Bible in Tzeltal Bachajón

⁶ Hich te espíritu yu'un Jehová ya me yu'untayat soc yu'el, hich yac ajoquinlan ta aw ta sc'op-jalwanej, soc ya xc'atp'ujat ta yan winic c'ohem.

1 Samuel 10:6 ပူးပေါင်းရင်းမြစ်များ

Números 11:17

Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

Números 11:25

Jich yu'un te Cajwaltic coj tel ta tocal, c'opoj soc Moisés. Ora la sloq'uesbey olil te espíritu te ay ta yo'tan te Moisés, la yac'bey te lajuneb xchanwinic (70) mamaletique. Te espíritu ain ta yo'tanic, jajch'ic ta c'op jichuc j'alwanejetic. Ma'yuquix bay la xcha'pas ta yan buelta.

Números 11:26

Ay cheb winiquetic, te jtule Eldad, te yane Medad, yich'ojic tsael soc te lajuneb xchanwinique (70). Ja'uc me to, ma ba bajt'ic ta Nailpac', jilic ta scampamentoic ta yolil te israeletique. Ja'uc me to, ain ta yo'tanic uuc te espíritue, jajch'ic ta c'op ta bay scampamentoic jich bit'il te j'alwanejetique.

Números 11:29

Te Moisés la sjac': —Ma me xacuy te ya xpejc'aj jc'oplal yu'une. Ja' lec te yacuc yac'bey espíritu spisil lum te Cajwaltic, spisil me j'alwanejetic te jichuque —xi' te Moisese.

San Mateo 7:22

Ta slajibal c'aal ay me tsobol ya yalbonic: “Cajwal, Cajwal, ¿yu'un bal ma ba la caiytic j'alwanej ta swenta abiil? Soc ta swenta abiil la jloq'uestic pucujetic, soc ta swenta abiil, la jpastic bayal jchajp at'eliletic”, xiic me ta jtojol.

Jueces 14:6

Te espíritu yu'un Cajwaltic wentainot ta jyalel yu'un te Sansón, ta sc'ab nax la smil, la sjecbey yoc sc'ab te león-choje, jich bit'il te mach'a ya sjecbey yoc sc'ab ch'in tentsun. Ja'uc me to, ma la yalbey sme'-stat te bi c'ot ta pasel yu'une.

Jueces 15:14

C'alal a c'otic ta Lehi, te filisteoetic loq'uic bael ta stael, bin nax yo'tanic ta yawtayel. Pero te Sansón tulan tal ta wentainel ta espíritu yu'un te Cajwaltique. Tuch' te lazoetic te chucajtic sc'ab a, jich nax c'ot yu'un te bit'il jlijc' sbuc'lel c'ajq'uem lino.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

1 Samuel 10:10

Patil c'alal c'ot ta Gabaa te Saúl soc te abat yu'une, la sta sba soc te jchajp j'alwanejetic yacalic ta aq'uel ta c'op yu'un te Diose. Te espíritu yu'un Dios noj ta yo'tan te Saúl, jich och ta aq'uel ta c'op yu'un Dios, jich nix te bit'il yantique.

1 Samuel 10:9

Pero ja' nax te c'alal la yijq'uitay sba soc Samuel te Saule, ora nax jelbot yo'tan yu'un te Diose. Ja' nix jun sc'aalelal c'ot ta pasel spisil te bitic albot yu'un Samuel.

1 Samuel 11:6

C'alal la yaiy te Saúl, ora noj ta yo'tan te yip yu'el te Diose, ilin yo'tan yu'un te c'ope.

1 Samuel 16:13

Jich ora la stsac te xulubil nojel ta aceite te Samuele. Q'uelel sitic a te sbanquiltac, la smalbey aceite ta sjol. Jich tsabil c'ot ta muc' ajwalil te querem David. Jich ora tal ta stojol yip yu'el te Cajwaltique. Te Samuel la sc'opon jilel te mach'atic tey ayic a, bajt' xan ta Ramá.

1 Samuel 19:20

la sticun bael swinictac yu'un ya xchuquic tel. C'alal c'otic te swinictac Saúl, la yilic jchajp j'alwanejetic yacalic ta aq'uel ta c'op yu'un Dios, ja' neel ta ic'aw te Samuele. Ja' nix jich, ora nax noj ta yo'tanic te yip yu'el Dios te swinictac Saúl, ochic ta aq'uel ta c'op yu'un Dios.