1 Samuel 10:3 - Bible in Tzeltal de Oxchuc y Tenejapa

³ Soc ya me xc'ubat bael. C'alal ya xc'oat ta jijte' yu'un Tabor, ya me xjul tel ta atojol oxeb winiquetic te yacalic ta moel bael ta Betel ta xch'uunel Dios. Te jtule yic'oj oxeb tentsunetic, te xchebale yich'oj oxeb pan, te yoxebale yich'oj jun nujc'ul vino.

Bible in Tzeltal Bachajón

³ Ya xbehenat xan bahel, te c'alal ya xc'ohat ta jihte' yu'un Tabor, ya me xtal stahat oxeb winiquetic te yacalic ta mohel bahel ta Bet-el ta stojol Dios, te jtuhle yic'oj oxeb tentsunetic, te yane yich'oj oxeb pan, te yoxebal yich'oj yawil vino.

1 Samuel 10:3 ပူးပေါင်းရင်းမြစ်များ

Génesis 28:19

Betel sbiil c'ot yu'un te yawil te tone. “Sna Dios” xi' c'oem te c'asesbile; ja'uc me to, Luz sbiil ta neelal te lume.

Génesis 28:22

Soc te ton te la jtejc'anixe, ja' sna Dios ya xc'ot cu'un. Soc spisil te bila ya yac'bon te Diose, ya me cac'bey jun ta slajunebal smajt'anin”, xi'.

Génesis 35:1

C'oponot yan buelta yu'un Dios te Jacob: —Jajch'an, beenan, moan bael ta Betel, nainan tey a. Tey me ya xc'o apas scajtijib ta chiq'uel jmajt'an a ta bay la cac' jba ta ilel ta atojol te jo'on Dioson, te c'alal loc'at ta anel ta stojol te abanquil Esaú —xi' sc'oplal.

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

Salmos 89:12

Ja'at la apas te bitic ay ta norte soc te bitic ay ta sur; bin nax yo'tanic ya sc'ajintayat te wits Tabor soc te wits Hermón.

Jeremías 32:8

Jich nix te bit'il la yalbon te Cajwaltique, tal yilon te Hanameel ta bay amac' yu'un te soldadoetique. Jich la yalbon te yacuc jmanbey te sq'uinal te ay yu'un ta Anatot, te bay sq'uinal sts'umbal Benjamín, te melel yu'un ay ta jwenta smanel soc te ya cu'unin jilele, ta scaj te mero jun sme'-stat soc te jtate. C'alal la jna' te ja' smandal te Cajwaltique,

Levítico 1:10

“Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Levítico 23:13

Soc ya me awich'ic tel olil yo'eb kilo mero lequil harina yich'oj wots'el soc aceite, yu'un ya yac'bon ta jtojol jo'on te Ajwalilone, swenta chic'bil majt'anil te buen bujts'an yiq'ue. Te majt'anil te ya yich' malel, ya me awaq'uic jun litro vino.

Levítico 3:12

“Teme tentsun te chambalam ya yac'bon jmajt'anine, te c'alal ya yac'bon ta jtojole,

Levítico 3:6

“Teme ay mach'a ya yic'bon tel ta jtojol jcojt'uc xchij o stentsun swenta yu'un ya yac'bon ta milbil jmajt'an ta swenta te lamal-o'tanile, ya me sc'an te ja' ya yac'bon jmajt'anin te state, o te sme'e, pero ya sc'an te ma'yuc bila boloben ta sbaq'uetal.

Levítico 7:13

Ja' nix ya sjoin te pimil waj yich'oj levadura te milbil majt'anil swenta yalel wocol ta jtojole, soc swenta lamal-o'tanile.

Josué 19:12

Jajch' bael ta Sarid, bajt' ta stojol sloq'uib c'aal, c'alal ta Quislot-tabor, c'ax bael ta Daberat, soc mo bael c'alal Jafía.

Josué 19:22

Te smojonil c'ot ta Tabor, Sahazima soc Bet-semes, tey c'ot ta comel ta muc'ja' Jordán. Ay waclajuneb lumetic soc ch'in lumetic yu'unic.

Jueces 20:18

Te israeletic bajt'ic ta lum Betel, tey la sjojc'obeyic Dios swenta sna'el te mach'a neel ta chajbalchajp sts'umbal Israel te ya xba yac'bey guerra te sts'umbal Benjamín. Te Cajwaltic la sjac' te ja' neel ya xbajt' te sts'umbal Judá.

Jueces 20:27

Ja' yorail ay ta Betel a te scajonil trato yu'un Dios, soc te sacerdote yu'un, ja' te Finees, te snich'an Eleazar soc ja' smam te Aarón. Te israeletic la sjojc'obeyic te Cajwaltic: —¿Ya to bal xju' ya cac'beytic guerra te quermanotactic sts'umbal Benjamín, o ja' bal lec jichuc jiluc te bit'il la stsalotique? —xiic. Te Cajwaltic la yal: —Baan ac'beyaic guerra, pajel ya cac'beyex ta ac'abic —xi'.

Jueces 4:12

C'alal la yaiy stojol Sísara te moemix bael ta wits Tabor te Barac,

Jueces 4:6

Ay jun c'aal te Débora la sticun ta iq'uel jtul winic Barac sbiil, snich'an Abinoam. Te winic ainem ta Cedes, jpam lum te ay ta sq'uinal sts'umbal Neftalí. Te Débora jich la yalbey: —Te Cajwaltic te Dios cu'untic te israelotic, ay smandal ya yalbat: “Baan ta bay wits Tabor, tsoba lajunmil (10,000) ta jtul winiquetic tey a te sts'umbal Neftalí soc sts'umbal Zabulón.

Jueces 8:18

La sjojc'obey te Zeba soc Zalmuna: —¿Bi yilelic te winiquetic la amilic ta Tabor ja'ex? —la yut. La sjaq'uic: —Jich yilelic te bit'ilat. Ta juju-jtul pajal soc yilel te snich'nab ajwalile —xiic.

1 Samuel 10:4

Ya me spatbat awo'tan, soc ya me yac'bat cheb pan. Tsacbeya me.