1 Samuel 10:16 - Bible in Tzeltal de Oxchuc y Tenejapa

¹⁶ —Jamal la yalbotic te la staiquix te burraetique —la yut te stajune. Pero ma ba la yalbey stuquel te albot yu'un Samuel te ya x'och ta ajwalile.

Bible in Tzeltal Bachajón

¹⁶ Te Saúl la sjac'be sc'op te stajun: Jamal la yalbotcotic te tahotix te burrahetique, xchi. Pero ma ba la yalbe stuquel te halbot yu'un Samuel te ya x'och ta ajwalil.

1 Samuel 10:16 ပူးပေါင်းရင်းမြစ်များ

Éxodo 4:18

Moisés sujt' bael ta sna te snialmamale, ja' te Jetro. Jich la yal: —Ya sujt'on bael ta Egipto ta bay ayic te jlumale. Ya jc'an xba quil teme cuxulic toe —xi'. —Baan, jun me awo'tan ya xbaat —xi' te Jetro.

Proverbios 12:23

Te mach'a ay sp'ijil yo'tane, ma xyac' sba ta ich'el ta muc' yu'un te bila ya sna'e; yan te mach'a ma sna' q'uinale, bin nax yo'tan yu'un te sbolile.

Proverbios 29:11

Te mach'a ma sna' q'uinal, libre ay ya yaiy ta spasel te bitic ya sc'an yo'tane; yan te mach'a ay sp'ijile, ya scom sba stuquel.

Eclesiastés 3:7

Ay yorail ta jatsel, soc ay yorail ts'isel. Ay yorail ch'abal q'uinal, soc ay yorail aiyej.

Jueces 14:6

Te espíritu yu'un Cajwaltic wentainot ta jyalel yu'un te Sansón, ta sc'ab nax la smil, la sjecbey yoc sc'ab te león-choje, jich bit'il te mach'a ya sjecbey yoc sc'ab ch'in tentsun. Ja'uc me to, ma la yalbey sme'-stat te bi c'ot ta pasel yu'une.

Jueces 14:9

La sjots' loq'uel ta sc'ab te chabe, yac ta slo'el bael. C'alal la sta te sme'-state, la yac'bey chab slo'ic; ja'uc me to, ma la yalbey yaiyic teme loq'uem tel yu'un ta sbaq'uetal te león-choj smiloje.

1 Samuel 10:15

La sjojc'o te stajun: —¿Bi la yalbeyex te Samuele? Wocoluc albon caiy —xi'.

1 Samuel 9:20

Jich te burraetic awu'unic ch'ay cha'jeye, ma me xamel awo'tan yu'un stuquel, la staiquix. Soc xan, spisil te bitic mulantic sba ta Israel, ja'at awu'un soc yu'un spisil mach'atic ay awu'un —xi' te Samuele.

1 Samuel 9:27

C'alal yacalic ta coel bael ta stojol sloq'uibal ta sti'il te lume, te Samuel jich la yalbey te Saule: —Ticuna bael te awabate, ac'a neelajuc bael. Yan te ja'ate ya me amaliyon jtebuc, yu'un ya me calbat awaiy te bi yalojbon te Diose —xi'.