1 Samuel 10:1 - Bible in Tzeltal de Oxchuc y Tenejapa

¹ Te Samuel la stsac jun ch'in oxom aceite, la smalbey ta sjol te Saule. Te c'alal yac ta smalbeyel ta sjol a, jich la yal: —Yo'tic la awich'ix aseña yu'un Cajwaltic, swenta yu'un ya me awich'ix awat'el ta ajwalil ta stojol te lum Israel yu'une. Ja'at me ya awentainotic, soc ya me acoltayotic ta sc'ab te jcontrotic te ay ta sjoylejal. Jich me ya ana' te la yalatix ta jamal te Cajwaltic te ya x'ochat ta ajwalil ta stojol te lum yu'une:

Bible in Tzeltal Bachajón

¹ Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Samuel 10:1 ပူးပေါင်းရင်းမြစ်များ

2 Samuel 1:14

La yal te David: —¿Bit'il ay a te ma ba la axi' te yal ac'ab ta smilel te muc' ajwalil te ja' tsabil yu'un te Cajwaltique? —xi'.

2 Samuel 19:39

Spisilic c'axic bael ta muc'ja' Jordán. Te c'alal c'ax bael te muc' ajwalil, la sbujts'i te Barzilai swenta spatjibal yo'tan jilel. Jich te Barzilai sujt' bael ta banti naineme.

2 Samuel 20:19

Te jlumaltic c'ax jich lamal co'tantic soc jun co'tantic a te bit'il spisil ta jpam lum israeletique. Te jlumaltic ma pajaluc soc te yantic lumetic, cajal sc'oplal stuquel. Pero yo'tic achapojix te ya x'och ajine. ¿Bi yu'un ya ac'an ya ajin te bila ja' ay ta swenta te Cajwaltique? —xi'.

2 Samuel 5:2

Manchuc me ja' muc' ajwalil cu'untic a te Saúl, pero ja'at ta mero melel te la awic' bael ta guerra te Israel. Soc ja' nix te Cajwaltic te yalojbat te ja'at te ya awentain soc te ya x'ochat ta ajwalil yu'un Israel —xiic c'oel.

1 Reyes 1:34

C'alal yac'ojbeyiquix yich' yat'el ta muc' ajwalil ta stojol Israel te Salomón te sacerdote Sadoc soc te j'alwanej yu'un Dios Natán, oq'uesinaic te xulub chije: “¡Viva muc' ajwalil Salomón!” xaex me ta aw.

1 Reyes 19:18

Ja'uc me to, ya calbat in to: ay to jucmil (7,000) ta jtul ta Israel te ma ba squejanej sbaic ta stojol Baal soc te ma'yuc sbujts'iyejique. Ja'ic ya me yich'ic canantayel cu'un —xi'.

2 Reyes 20:5

—Sujt'an bael, albeya te Ezequías te jwentainwanej yu'un te lum cu'une: “Te Cajwaltic te Dios yu'un te antiguo ame'-atat David, jich la yal: ‘Jo'on la caiybatix te ac'ope, soc la quilbatix te ya'lel asite, ja' yu'un ya me jch'aybat te achamele. Li' ta oxeb c'aal ya me xju'ix ya xbaat ta templo yu'un Cajwaltic a.

2 Reyes 9:1

Te j'alwanej yu'un Dios Eliseo la yic' tel jtul te jchajp j'alwanejetique, jich la yalbey: —Chajbana aba, yu'un ya me xbaat. Ila, ich'a bael jun frasco aceite, baan ta lum Ramot-yu'un-Galaad.

2 Reyes 9:12

—Ma xalo'layotic, ala caiytic spisil —xiic. Jich c'opoj te Jehú. —Jich la yalbon: “Jich yaloj te Cajwaltique: ‘Jo'on la jtsaatix yu'un ya x'ochat ta muc' ajwalil yu'un Israel’, xi'”, la yuton —xi' te Jehú.

Salmos 135:4

Melel la stsa Jacob, ja' te Israel, swenta yu'un ja' sc'ulejal c'ot stuquel.

Salmos 78:71

La yic' loq'uel te yac ta beel ta spat te chijetic, swenta yu'un ya xcanantaybot te lum yu'une; ja' me jcanan yu'un Israel c'ot.

Éxodo 30:23

—Lea atuquel ta bay mero lequic te bitic bujts'an yiq'ue: waqueb me kilo mero lequil mirra, oxeb kilo canela, oxeb kilo jalal yilel te ay yiq'ue,

Jeremías 10:16

Mero yan yilel stuquel a te Dios yu'un Jacob, jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Ezequiel 16:13

Jich ch'albilat jilel ta oro soc ta plata. Ta puro lino yich'oj pasel a te ac'u'-apaq'ue, buen t'ujbil jalbil, soc buen t'ujbilic sbonil. Ja' awe'el te mero lequil waj, soc chab soc aceite yu'un sit olivo. Mero buen t'ujbil c'oat, asta jich c'oat te bit'il antsil-ajwalil.

Oseas 13:2

Ja' nix jich yacalic ta spasel mulil. Ya yultesic ta c'ajc' te splataique, ya spas yajcananic a, chican bi yilel ya smulan spasel te mach'a ya sna'ic spasele. Ora ya yalic: —Ac'beyaic milbil smajt'an —xiic. Te ants-winiquetic ya sbujts'iyic te yajcananique, ja' te sloc'omba alal toro.

Hechos 13:21

Jich ora la sc'anic te ayuc muc' ajwalil yu'unic. Jich ac'botic yu'un Dios te ja' muc' ajwalil c'ot yu'unic cha'winic (40) ja'wil te Saúl te snich'an Cis te sts'umbal Benjamine.

Deuteronomio 32:9

melel te bila ay yu'un te Cajwaltique, ja' te lum yu'une, ja' me te sts'umbal Jacob.

1 Tesalonicenses 5:26

Patbeya aba awo'tanic soc te quermanotactic ta swenta te ch'ul bujts'iyele.

Hebreos 2:10

Spisil te bitic aye ja' yu'un te Diose, soc ja' ta swenta te la yich' pasele. Jich la sc'an yo'tan Dios te ya sjoin ta utsilal spisil te alnich'anetic yu'une. Ja' swentail te ja' lequil Jcoltaywanej c'ot yu'unic te Jesucristoe, ta swenta bit'il c'ax bayal swocol.

Apocalipsis 5:8

Te c'alal la stsac te balbil june, te chancojt' bitic cuxajtique soc uuc te chaneb xcha'winic (24) ta jtul mamaletique la squejan sbaic ta stojol te Alalchije. Spisilic yich'oj yarpaic soc copaetic te pasbilic ta oro te nojel ta pom, te ja' sc'opic ta sc'oponel Dios te mach'atic ch'ul lum yu'un te Diose.

1 Samuel 12:3

Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

1 Samuel 13:14

Pero yo'tic, te ochemat ta muc' ajwalile, ma ba ya xjalajat ta ajwalil soc ats'umbal bael. Te Cajwaltic ya me sle winic te lec yo'tan yu'une, ja' me ya yac'bey yich' yat'el ta jwentainwanej ta stojol te lum yu'une, scaj te ma ba la ach'uunbey te smandal la yalbate —xi' te Samuele.

1 Samuel 15:1

Te Samuel jich la yalbey te Saúl: —Te Cajwaltic namey la sticunon yu'un ya cac'bat aceite ta ajol swenta seña te tsabil ya xc'oat, yu'un ya awich' awat'el ta muc' ajwalil ta Israel, ja' te lum yu'une. Yo'tic aiya me awaiy te bi ya yalbat te Cajwaltique.

1 Samuel 15:17

Jich la yal jajch'el te Samuel: —¿Ma bal mero peq'ueluc la awaiy aba jiche te ja'ate? Pero ochat ta jwentainwanej yu'un spisil ta jchajp te sts'umbal israeletic, te Cajwaltic la stsaat yu'un ochat ta muc' ajwalil yu'un te israeletique.

1 Samuel 16:1

Te Cajwaltic jich la yalbey te Samuele: —¿Jayeb xan c'aal te yacat ta mel-o'tan yu'un te bi c'oem ta swenta te Saule? Ma jc'anix te ja' ochem ta muc' ajwalil ta Israel. Baan nojesa ta aceite te xulubil awu'une. Ya jc'an te yacuc xbaat ta sna Isaí ta Belén, yu'un la jtsabeyix jtul snich'an te ja' ya x'och ta muc' ajwalile —xi'.

1 Samuel 16:13

Jich ora la stsac te xulubil nojel ta aceite te Samuele. Q'uelel sitic a te sbanquiltac, la smalbey aceite ta sjol. Jich tsabil c'ot ta muc' ajwalil te querem David. Jich ora tal ta stojol yip yu'el te Cajwaltique. Te Samuel la sc'opon jilel te mach'atic tey ayic a, bajt' xan ta Ramá.

1 Samuel 2:10

Te Cajwaltic ya me swuy te scontro; c'alal ta ch'ulchan ya yac'bey coel tel chawuc ta stojolic. Te Cajwaltic ya me yalbey bi yilel yat'el te mach'atic ayic ta swolol te balumilale; ya me yac'bey xan yip te muc' ajwalil tsabil yu'une, ya me yac' muc'ubuc xan te yip yu'ele —xi' te Ana.

1 Samuel 24:6

Jich la yalbey te swinictac: —Ja' me ac'a scomon te Cajwaltic ta sjachel jc'ab ta stojol te cajwale, ja' te muc' ajwalile. Melel ja' ac'bot yich' yat'el yu'un te Cajwaltic, ja' yu'un ja' muc' ajwalil stuquel —xi'.

1 Samuel 26:11

Ja' me ac'a scomon te Cajwaltic te manchuc ya calbey smilel te muc' ajwalil te ja' stsaoj stuquele. Ja' yu'un tsaca te lanza te ay ta nopol sjol soc te sjarrail ya'al, la' me sujt'ucotic bael —xi' te David.

1 Samuel 26:9

Pero la sjac' te David: —Ma'uc, ma xamil. Te mach'a ya smil te muc' ajwalil tsabil yu'un te Cajwaltic, puersa me ya yich' castigo.

1 Samuel 8:19

Pero te lum ma ba la yich'ic ta wenta te bi ac'bot sna'ic yu'un Samuel, jich la yalbeyic: —A, jichuc. Pero puersa ya jc'antic muc' ajwalil

1 Samuel 8:9

Ja' yu'un jiche, ich'beya ta wenta te sc'opique. Pero neel me xacholbey yaiyic soc ac'beya sna'ic ta lec te bit'il ya x'at'ej ta stojolic soc bit'il ya xwentainotic yu'un te muc' ajwalil ya sc'anique —xi'.

1 Samuel 9:16

—Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.

1 Samuel 9:27

C'alal yacalic ta coel bael ta stojol sloq'uibal ta sti'il te lume, te Samuel jich la yalbey te Saule: —Ticuna bael te awabate, ac'a neelajuc bael. Yan te ja'ate ya me amaliyon jtebuc, yu'un ya me calbat awaiy te bi yalojbon te Diose —xi'.