1 Samuel 1:6 - Bible in Tzeltal de Oxchuc y Tenejapa

⁶ Ja' yu'un te Penina, te ja' sjoy ta antsile, bayal la yuts'in soc la slaban. Jich la yac' ta mel-o'tan yu'un, te ma x'ac'ot ta alajel yu'un te Cajwaltique.

Bible in Tzeltal Bachajón

⁶ Te Penina, te smohlol ta antsil, bayel la yuts'in soc la ya'be smel yo'tan, yu'un ma ba ac'ot ta alajel yu'un te Jehová.

1 Samuel 1:6 ပူးပေါင်းရင်းမြစ်များ

Génesis 30:1

Te Raquel la yil te bit'il ma'yuc yal-snich'an soc te Jacob, jajch' ta slab-o'tantayel yu'un te xwixe. Jich la yalbey te Jacob: —¿Bi yu'un ma xawac' alajucon uuc? Teme ma xawac' alajucone, ya me jmil jba —la yut.

2 Samuel 6:23

Ja' yu'un te Mical ma'yuc la yac' yal te jayeb c'aal cuxule.

Job 24:21

Mero tulan la yac' sba ta stojol te antsetic ma'yuc yal, soc nix te me'ba antsetique ma'yuc bi ora la scoltay.

Job 6:14

Teme ay ta wocol te jo'taque, ya me yich' c'uxtayel, manchuc me ma junuc yo'tan ta stojol te Mach'a c'ax bayal yu'ele.

Levítico 18:18

“Ma me x'awic' awinamin te xwix o yijts'in te awiname, soc ma me xwayat soc teme cuxul to ta balumilal te awiname, swenta yu'un jich ma ba ya awac'bey scontroin sbaic a.

Jueces 11:37

Ja'uc me to, ya calbat wocol te yacuc awac'bon xan cheb u, te ya join xan ta beel ta witstiquil te jo'tac ta ach'ixile, melel ma ba nujbinemon a te ya xlajon baele —xi'.

1 Samuel 1:7

Te jujun ja'wil c'alal ya xbajt'ic ta templo yu'un te Cajwaltic, te Penina jich ya staulabey ta alel. Ja' yu'un te Ana ya x'oc' soc ma ba ya xwe' yu'un te mel-o'tane.

1 Samuel 2:1

Te Ana la sc'opon Dios, jich la yalbey: —Cajwal, mero bin nax co'tan ta atojol, melel ja'at ya awac'bon xan yip co'tan. Ya xju'ix ya xc'opojon ta stojol te controetic cu'une, melel ja'at la acoltayonix. Mero bin nax co'tan yu'un.