1 Samuel 1:3 - Bible in Tzeltal de Oxchuc y Tenejapa

³ Te Elcana jujun ja'wil ya xloc' jajch'el ta slumal, ya xbajt' ta lum Silo ta xch'uunel soc ta yaq'uel milbil smajt'an te Cajwaltic te Spisil ya xju' yu'une. Tey ay a te cheb snich'nab sacerdote Elí: Ofni soc Finees sbiilic, ja' nix sacerdoteetic yu'un te Cajwaltique.

Bible in Tzeltal Bachajón

³ Te winic jujun ha'bil ya xloc' hahchel ta pueblo yu'un, ya xbaht ta Silo ta sch'uhuntayel soc ta ya'beyel milbil smahtan te Jehová te scuentahinej spisil, tey ta banti ay te cheb snich'nab Elí: ha te Ofni soc Finees, te sacerdotehetic yu'un Jehová.

1 Samuel 1:3 ပူးပေါင်းရင်းမြစ်များ

Salmos 78:60

soc la yijq'uitay te templo ta Silo, te ja' sna ta yolil te ants-winiquetique.

Éxodo 23:14

“Ya me apasic q'uin swenta quich'jibal ta muc' oxeb buelta te jujun ja'wile.

Éxodo 23:17

“Spisil winiquetic ya me stejc'an sbaic ta jtojol jo'on te Ajwalilon, oxeb buelta te jujun ja'wil.

Éxodo 34:23

“Spisil winiquetic ya me stejc'an sbaic ta jtojol jo'on Ajwalilon te Dioson yu'un Israel.

San Lucas 2:41

Te sme'-stat te Jesuse c'aemic ta jujun ja'wil te ya xbajt'ic ta spasel q'uin Pascua ta Jerusalén.

Deuteronomio 16:16

“Spisil te winiquetic puersa me ya xtal stejc'an sbaic oxeb buelta ta stojol Cajwaltic Dios ta jujun ja'wil, tey me ta yawil te banti tsabil yu'un te Cajwaltique, ta yorail te q'uinetique: te q'uin yu'un Waj te ma ba yich'oj levadura, te q'uin yu'un Semanaetic, soc te q'uin yu'un Nailwamal. Ma me ayuc jtuluc te jochol sc'ab ya xtal stejc'an sbaic ta stojol te Cajwaltique.

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

Jueces 18:31

Ay ta yolilic te loc'omba la spas Micaía ta spisil tel c'aal te ay ta Silo te Nailpac' Templo yu'un te Cajwaltique.

Jueces 21:19

Ja'uc me to, jujun ja'wil ay muc'ul q'uin yu'un Cajwaltic ya xc'ax ta Silo, te ay ta stojol norte yu'un Betel, soc ta stojol sloq'uib c'aal yu'un te be ya xjajch' ta Betel ya xbajt' c'alal ta Siquem, soc ta stojol sur yu'un Lebona.

1 Samuel 1:21

Te Elcana soc te mach'atic ay yu'un bajt' xan ta Silo. Ba yac' c'otuc ta pasel te bi yaloj ta stojol te Cajwaltic, soc ta yaq'uel milbil smajt'an ta swenta jujun ja'wil,

1 Samuel 1:9

Ay jun buelta te c'alal ay ta Silo a te Ana, c'alal lajix yo'tanic ta we'el, jajch' ta mesa. Te sacerdote Elí nacal ta muc'ul silla ta nopol sti' te templo yu'un te Cajwaltique.

1 Samuel 14:3

Te mach'a ay ta swenta slapel te efod, ja' te Ahías te snich'an Ahitob, snich'jun Icabod, snich'an Finees. Ja' smam te anima Elí te at'ej ta sacerdote yu'un Cajwaltic ta Silo. Ma'yuc mach'a sna'oj teme baem te Jonatán;

1 Samuel 2:19

Ta jujun ja'wil te sme' ya spasbey bael ch'in snajt'il c'u', te c'alal ya xbajt' ta templo soc smamlal ta yaq'uel milbil smajt'an Dios ta swenta te jujun ja'wile.

1 Samuel 2:34

Tey me ya ana' a te bila ya xc'ot ta pasel ta swenta anich'nab, ja' te Ofni soc Finees: ta xchebalic ya me xlajic ta jun nax c'aal.

1 Samuel 3:13

La calbeyix yaiy te ya cac'bey castigo sbajt'el q'uinal te mach'atic ay yu'une ta scaj te bitic amen spasojic, te sna'ojixe. Melel te snich'nabe la sboltesbonic jc'oplal. Te Elí ma ba la scom te snich'nabe.

1 Samuel 4:11

Soc la spojic bael te scajonil trato yu'un Dios, soc laj ta milel yu'unic xchebal te snich'nab Elí, ja' te Ofni soc Finees.

1 Samuel 4:4

Jich nix la spasic a te israeletique. La sticunic jchajp soldadoetic, bajt'ic ta Silo. La yich'ic tel te scajonil trato yu'un Cajwaltic te Spisil ya xju' yu'une, te nacal ta sba te sloc'ombail querubinetic. Te Ofni soc Finees, xchebal snich'nab Elí, sjoinejic te scajonil trato yu'un te Diose.