1 Samuel 1:12 - Bible in Tzeltal de Oxchuc y Tenejapa

¹² Te bit'il jalaj ta sc'oponel Dios te Ana, te Elí la st'ojan sit ta yilel ye,

Bible in Tzeltal Bachajón

¹² C'alal halaj ta sc'oponel te Jehová, te Elí yac yilbebel sti'il ye.

1 Samuel 1:12 ပူးပေါင်းရင်းမြစ်များ

San Lucas 18:1

Te Jesús la yalbey yaiyic yan seña-c'op, swenta yu'un jich me ya snopic te ma ba ya yijq'uitayic sc'oponel Dios spisil ora soc te ma xchebaj yo'tanic ta stojole.

Efesios 6:18

C'oponaic Dios spisil ora. Albeyaic wocol soc c'anbeyaic Dios te ya scoltayex ta spisil orae. Albeyaic wocol ta swenta te Espiritue. Wiq'uiluc me asitic, ma me xch'ajubex ta sc'oponel Dios ta stojolic te mach'atic ch'ul lum yu'un te Diose.

Colosenses 4:2

Ma me x'acom abaic ta sc'oponel te Diose. Wiq'uiluc me asitic. Spisil ora albeyaic wocol yu'un spisil te bila yac'ojbeyexe.

1 Tesalonicenses 5:17

C'oponaic Dios spisil ora.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

1 Samuel 1:13

melel yac ta sc'oponel Dios ta yo'tan. Ma ba chican ta aiyel te bi yac ta yalele, ja' nax chican te ya stij sba te sti'il ye. Te Elí la scuy ta yu'un yacuben.