1 Samuel 1:10 - Bible in Tzeltal de Oxchuc y Tenejapa

¹⁰ Te Ana jajch' ta buen oq'uel, mero xbiq'uit nax sti' ta oq'uel ta stojol te Cajwaltique.

Bible in Tzeltal Bachajón

¹⁰ Te Ana, soc bayel smel-o'tan la sc'opon te Jehová, soc bayel oc'.

1 Samuel 1:10 ပူးပေါင်းရင်းမြစ်များ

Génesis 30:1

Te Raquel la yil te bit'il ma'yuc yal-snich'an soc te Jacob, jajch' ta slab-o'tantayel yu'un te xwixe. Jich la yalbey te Jacob: —¿Bi yu'un ma xawac' alajucon uuc? Teme ma xawac' alajucone, ya me jmil jba —la yut.

Génesis 50:10

C'otic ta Goren-ha-atad, te ay ta swenta stojol sloq'uib c'aal yu'un te muc'ja' Jordán, tey jalajic xan ta yoq'uetayel a te anima Israel. Te José juqueb c'aal la yoq'uetay tey a te state.

2 Samuel 13:36

Yac to nax ta lajel yo'tan ta c'op a, c'otic te snich'nab te muc' ajwalil, jajch'ic ta buen oq'uel. Ja' nix jichic te muc' ajwalil soc spisil te abatetic yu'une, mero bayal oq'uic.

2 Samuel 17:8

Ja'at nix mero ana'oj te ma xiwic te atat soc te swinictaque. Yo'tic mero jajch'em slab yo'tanic, jich c'oemic te bit'il sme' ja'mal oso te yich'oj pojel yalataque. Soc xan, te atate mero c'aem ta guerra, ma ja'uc sjoinej ya xc'ax ajc'ubal te swinictaque.

2 Reyes 20:3

—Cajwal, jo'on ya calbat wocol, te yacuc ana' te bit'il jun co'tan la cac' jba ta abatinel awu'une, soc spisil co'tan la jpasbat te bi la sc'an awo'tane —xi'. Och ta buen oq'uel.

Job 10:1

“C'axix co'tan yu'un te jcuxlejale, ma jc'anix te cuxulone. Ya me xc'opojon ta yalel ta jamal te bitic ay jwocol yu'une, ya me cal ta jamal te bitic ch'aubenix co'tan yu'une.

Job 7:11

Ja' yu'un puersa me ya xc'opojon. Ya me cal ta jamal te jwocole, ja' te bila c'ux ya caiye, te ch'auben co'tan yu'une.

Job 9:18

ya yac' esmajuc xan jwocol, ma xyac'bon quich' lequil ic'.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

Proverbios 14:10

Te o'tanil ya sna' te swocole, soc teme ay yutsil q'uinal ya yaiy, ma ba ya yalbey yantic te ma sna'bey sbae.

Isaías 38:15

Ja'uc me to, ¿bi ya xju' ya cal ta stojol, teme jich la spase? Ma xtal te jwayele, scaj te ch'aubenix ya caiy te co'tane.

Isaías 54:6

Jichat te bit'il ach'ix te ay smamlale, te ijq'uitaybil soc te ay ta mel-o'tane; ja'uc me to, te Dios awu'une ya yic'at xan. Jich ya yalbat:

Jeremías 13:17

Teme ma x'awaiybeyic stojole, ya me x'oc'on ta muquen ta scaj te atoybailique; ya me x'oquin te ya'lel jsite, melel ya yiq'uic bael ta mosoil te jtsojp chijetic yu'un te Cajwaltique.

Jeremías 22:10

Ma x'oq'uex yu'un te muc' ajwalil Josías, ma x'oc'at yu'un te laje; ja' lec ja' xawoq'uetayic te snich'ane, ja' te Salum, te ya xbajt', te ma sujt'ix tel, ma ba ya yil xan te lum bay ayine. Melel jich la yal te Cajwaltic ta swenta Salum, snich'an Josías, te muc' ajwalil yu'un Judá, te ja' najc'aj ta smuc'ul nactijib ta patil yu'un te state, soc te loc' bael li' ta q'uinal to: —Ma me sujt'ix tel,

Lamentaciones 3:15

Te Cajwaltic la snojesbon ta co'tan te bila ay xch'aale; ch'a te uch'balil la yac'bone.

San Lucas 22:44

Te bit'il bayal ay ta woclajel te yo'tane, la yac' xan puersa ta sc'oponel te Diose. Te xchiq'ue ja' pajal soc ch'ich' te xt'ulajan coel ta lume.]

Hebreos 5:7

Te jayeb c'aal ay ta balumilal te Cristoe, ma la scom sba ta sc'oponel Dios. Bayal la yoq'uetay sba ta yalel wocol ta stojol, te yacuc xju' ya xcoltayot ta yu'el te manchuc ya x'ac'ot ta lajele. Dios aiybot stojol sc'op yu'un, melel jun nax yo'tan yich'oj ta muc'.

Jueces 21:2

Ja'uc me to, la stsob sbaic ta Betel ta stojol Dios ja' to c'alal och ajc'ubal, la yoc'tay sbaic, jich la yalic ta stojol:

Rut 1:20

Te Noemí la sjac': —Ma xawalboniquix Noemí, yu'un ma t'ujbiluquix q'uinal ya caiy. Ja' lec ac'boniquix jbiilin Mara, melel te Dios te Spisil ya xju' yu'une, la yac'bon ch'aubuc co'tan sujt'el tel yu'un mel-o'tan.

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

1 Samuel 1:9

Ay jun buelta te c'alal ay ta Silo a te Ana, c'alal lajix yo'tanic ta we'el, jajch' ta mesa. Te sacerdote Elí nacal ta muc'ul silla ta nopol sti' te templo yu'un te Cajwaltique.