1 Juan 5:9 - Bible in Tzeltal de Oxchuc y Tenejapa

⁹ Teme ya quich'tic ta muc' te testigo-c'op ya yalic te ants-winiquetique, c'axem to xan ya quich'tic ta muc' te testigo-c'op ya yal stuquel te Diose, te melel yalojbeyix sc'oplal ta testigo-c'op te Snich'ane.

Nuevo Testamento Tzeltal de Amatenango

⁹ Teme ya kichꞌtik te testigo-kꞌop yuꞌun te genteetike, mas to ya kichꞌtik te testigo-kꞌop yuꞌun te Diose te mas bale stukel. Porke te testigo-kꞌop yuꞌun te Diose, jaꞌ a yalbe skꞌoplal te Xnichꞌane.

Bible in Tzeltal Bachajón

⁹ Teme ya quich'tic ta cuenta te testigo-c'op yu'un te ants-winiquetique, c'ax to xan hich ay ta ich'el ta cuenta te testigo-c'op yu'un Dios, como ha te testigo yu'un Dios te yalbe sc'oblal te Snich'ane.

1 Juan 5:9 ပူးပေါင်းရင်းမြစ်များ

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Juan 5:39

Ya anopilayic ta sp'alap'al te bila ts'ibubil jilel ta Sjune, yu'un ya awalic te tey la ataiquix a te bit'il ya xcuxinex sbajt'el q'uinale, soc ja' ya yalbon jc'oplal,

Hechos 17:31

Te Diose, chapalix yu'un jun c'aal te ya yich' ta c'op spisil ants-winiquetic ta balumilal, ta swenta te jtul Winic te tsabil yu'une, ja' chican te bi yilel te yat'elique. Spisilic ya me yac' xch'uunjel yo'tanic ta stojol te Mach'a cha'cux tel ta bay animaetique —xi' te Pabloe.

Hechos 5:32

Jo'otic testigootic yu'un in to soc uuc te Ch'ul Espíritu te ac'botix yu'un Dios te jayeb mach'a yat'elinejic xch'uunel te smandale —xi' te Pedroe.

Hebreos 2:4

Soc Dios la snup'bey sc'opic ta swenta señailetic soc jchajp at'eliletic te la yac' ta ilel ta swenta te yu'ele. Soc ta swenta te Ch'ul Espíritu la spuctilaybotic jmajt'antic, chican bit'il la sc'an yo'tan stuquel.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

1 Juan 5:10

Te mach'a ya xch'uun te Snich'an Diose, ay ta yo'tan te testigo-c'op yaloj te Diose. Yan te mach'a ma xch'uun te testigo-c'op yalojix te Diose, ja' la spas lot ta sc'op te Diose, melel ma ba xch'uunej te testigo-c'op yu'un Dios ta swenta te Snich'ane.

1 Juan 5:8

Soc ay oxeb testigoetic yu'un ta balumilal: Ja' te Espiritue, soc te ja'e, soc te ch'ich'e. Jun nax te bila ya yalic ta yoxebalique.