1 Juan 5:3 - Bible in Tzeltal de Oxchuc y Tenejapa

³ Ja' in to, ja' xc'uxul co'tantic ta stojol Dios teme cat'elinejtic spasel te bi la yal ta mandale. In te smandal yalojbotique, ma ba wocol ta pasel.

Nuevo Testamento Tzeltal de Amatenango

³ Te xkꞌuxutayel te Diose jaꞌ teme ya jchꞌuunbetik te mantaliletik yuꞌune. Y te mantaliletik yuꞌune ma aluk ta aꞌiyel.

Bible in Tzeltal Bachajón

³ yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une,

1 Juan 5:3 ပူးပေါင်းရင်းမြစ်များ

2 Reyes 18:6

Jun yo'tan la yac' sba ta stojol Cajwaltic, ma'yuc bi ora la spijt'es sba ta stojol, la yac' c'otuc ta pasel te mandaliletic yu'un Cajwaltic ac'bot ta swenta te Moisés.

Salmos 119:140

Te ac'op awaloj stalel ay yip stuquel; ja' swentail te c'ux ta co'tan te ac'ope, jo'on te awabatone.

Salmos 119:45

Jich me libre ya xcuxinon ta q'uinal a, melel ja' jt'unoj te bitic awaloj ta mandale.

Éxodo 20:6

Yan te mach'atic c'uxon ta yo'tanic te ya xch'uunbonic te jmandale, ya jc'uxtay jmil ta caj soc yal-snich'anic stuquelic.

Proverbios 3:17

Mero c'ax bujts'an ta t'unel te sbe; teme tey yacat ta beel a, ayat me ta swenta lamal-o'tanil.

Daniel 9:4

La jc'opon te Cajwaltic te Dios cu'une, jich la calbey ta jamal: —Cajwal, muc' Diosat te Spisil ya xju' awu'une, spisil ora ya awac' c'otuc ta pasel te bi ya achape, soc ya awac'bey yil xc'uxul awo'tan te mach'atic c'uxat ta yo'tanique soc te ya xch'uunic spasel te mandaliletic awu'une.

Miqueas 6:8

Te Cajwaltic la yalbatix, ja'at ants-winic, te bila lec ya sc'an pasel soc te bila a te ya smaliybat te ja'ate: Ja' te ya apas te bila toj ta pasele, te junajem awo'tan ta stojol; soc te peq'uel awac'oj aba ta xch'uunel sc'op spisil ora te Dios awu'une.

San Mateo 23:4

Ja' pajal c'oemic soc te mach'atic ya sts'alic ijc'atsil te c'ax al te ma xlijc' ta cuchele, te ja' ya yac'beyic xcuch te ants-winiquetique. Yan stuquelic ma xyac' jch'ixuc sbic'tal sc'abic ta sliquel.

San Juan 14:15

“Soc teme c'uxon ta awo'tanique, ya me ach'uunbonic spisil te jmandale.

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Juan 15:14

Te jo'otique jun co'tan jbajtic teme ja' ya apasic te bila la calbeyex ta mandale.

Romanos 7:12

Jich yu'un te mandalile, ch'ultesbil ta melel stuquel, toj ay soc buen lec stuquel.

Romanos 7:22

Ta mero yutil te co'tane, bin nax co'tan yu'un te mandalil yu'un te Diose.

Deuteronomio 5:10

Yan te mach'atic c'uxon ta yo'tanic te ya xch'uunbonic te jmandale, ya jc'uxtay mil ta caj soc yal-snich'anic stuquelic.

Deuteronomio 7:9

Ja' yu'un na'aic me ta lec te bit'il te Cajwaltic te Dios cu'untic ja' mero Dios stuquel. Jun yo'tan ya yac' c'otuc ta pasel ta stojol ta cajalcaj sts'umbal te mach'a ay trato chapal yu'un soque, ja'ic te mach'atic c'ux ya yaiy ta yo'tanic, soc te ya xch'uunic spasel bael te mandaliletic yu'une.

Hebreos 8:10

Soc la yal te Cajwaltique: “Jich ay te trato ya jpas soc te lum Israel te c'alal ya sta yoraile: Ya me cac'bey sna'ic ta yo'tanic te mandalil cu'une, ya me jts'ibubey ta yo'tanic c'oem. Jo'on Dioson yu'unic ya xc'oon, soc ja' lum cu'un ya xc'otic.

1 Juan 2:3

Teme ya jch'uunbeytic smandal te Diose, tey ya jna'tic stojol a te jna'ojbeytic sbae.

2 Juan 1:6

Te bit'il ay te xc'uxul co'tantique, ja' teme ya jch'uuntic spasel te bila la yalbotic ta mandal te Diose. Te smandal yalojbotique, ja' te bit'il ya sc'an te c'ux ya caiy jbatic ta jpisiltique. Jich te bit'il awaiyojic stojol ta xjajch'ibale.