1 Juan 5:18 - Bible in Tzeltal de Oxchuc y Tenejapa

¹⁸ Jna'ojtic stojol te mach'a ayinemix ta swenta te Diose, ma ba ya sleulayix smul. Melel ja' canantaybil yu'un te Snich'an Diose. Jich ma xlo'layotix yu'un te pucuje.

Nuevo Testamento Tzeltal de Amatenango

¹⁸ Jnaꞌojtik te machꞌa yal-xnichꞌan te Diose, makꞌ ya sleix smul. Porke ya me xkanantayot yuꞌun te Xnichꞌan Diose, y te pukuje ma xjuꞌ ya xpikot yuꞌun.

Bible in Tzeltal Bachajón

¹⁸ Jna'ojtic te spisil mach'a ayinem ta scuenta Dios ma ba ya slehulan smul, como canantaybil yu'un te Snich'an Dios, ma ba ya xtahot yu'un te pucuje.

1 Juan 5:18 ပူးပေါင်းရင်းမြစ်များ

Salmos 119:101

C'ubul la quijq'uitayix jilel sbelal te bitic ma lecuc swenta yu'un jich me ya xc'ot ta pasel cu'un a te ac'ope.

Salmos 119:3

ja' te mach'atic ma'yuc bila amen ya spasic, yu'un ja' st'unojbeyic sbe te Cajwaltique.

Salmos 17:4

jich bit'il ya spasic te yantique. Jilem cu'un sbelal te c'ajc'ubele, jich bit'il ya yal te mandaliletic awu'une.

Salmos 18:23

Toj ayon ta beel ta stojol, ma'yuc jtaoj jmul; jilem cu'un te bitic amene.

Salmos 39:1

Caloj te ya jtsajtay jbae, caloj te ma jta jmul soc te jc'ope, soc te ya jcom te quee te c'alal ay ta jts'eel te mach'atic amen yo'tanique.

Proverbios 4:23

Ja'uc me tulan sc'oplal ta awo'tan te ya acanantay ta balumilal te ajol soc te awo'tane, melel tey me ya xtal a te acuxlejale.

Levítico 11:37

“Teme ay ya xch'ay coel te lajem chambalametic ta sba sbac' ts'unubil te quechel ya yich' ts'unele, te sbac' ts'unubile, lec me sc'oplal ya xjil;

San Mateo 5:37

Te c'alal ya awalic: “Yac”, teme xaexe, yu'unix jich abi. “Ju'u”, teme xaexe, yu'unix jich abi. Yan teme c'ax jich te bila ya awalique, ja' me mulil abi.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

San Juan 1:13

Ma ta swentauc sc'anjel yo'tan ch'ich'-baq'uet te ayinique, soc ma ta swentauc sc'anjel yo'tan winic; ja' ta swenta sc'anjel yo'tan Dios te ayinique.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 15:4

Jc'axel ainanic me ta jtojol. Ja' nix jich te jo'one jc'axel me ya x'ainon ta atojol. Jich te bit'il sc'abc'ab ts'usub te ma xju' ya yac' sit ta stuquel teme ma snitojuc sba soc te mero smuc'ul yac'ule, ja' nanix jich te ja'exe, ma xju' ya sitinex teme ma jc'axeluc ya x'ainex ta jtojole.

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Juan 15:9

Te bit'il c'uxon ta yo'tan te Jtate, ja' nanix jich c'uxex ta co'tan uuc te ja'exe. Jich yu'un jc'axel ainanic tey a ta bay te xc'uxul co'tane.

Hechos 11:23

Te c'alal c'ot tey a, la yilbey yutsilal te Diose. Bin nax yo'tan yu'un, soc la stac'uy te ayuc me swentail ta yo'tanic soc te jc'axel ac'a junajuc yo'tanic ta stojol te Cajwaltique.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.

1 Pedro 1:23

Melel cha'ayinemexix, ma ja'uc ta swenta bila ya xlaje, ja' ta swenta te sc'op Dios te cuxul soc te ma xlaj sbajt'el q'uinale.

1 Juan 2:29

Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

1 Juan 3:3

Spisil mach'a yac ta smaliyel te jich ya xc'ote, ac'a me yutstes te yo'tane, jich te bit'il yo'tan te Jesucristoe.

1 Juan 3:9

Spisil mach'a ayinem ta stojol te Diose, ma ba ya yat'elin sleel smul, melel jc'axel ja' sts'umbalinej te Diose. Jich ma xju' ya sleulay smul, yu'un ayinemix ta swenta te Diose.

1 Juan 4:6

Yan te jo'otique, ja' yu'unotic te Diose. Jich te jayeb mach'a ya sna'beyic sba te Diose, ya yaiybotic stojol jc'optic. Yan te mach'a ma yu'unuc te Diose, ma xyaiybotic stojol jc'optic stuquelic. Tey ya jna'tic stojol a te mach'a yic'oj te Espíritu yu'un te smelelil c'ope, soc te espíritu yu'un te mach'a jlo'laywaneje.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

1 Juan 5:15

Teme jna'ojtic stojol te yaiyojbotic stojol te bila la jc'anbeytique, jich la jna'tic stojol te ja' la yac'botiquix te bila c'anbil cu'untique.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

1 Juan 5:21

Cal-jnich'nab, tsajtaya me abaic yu'un te loc'ombaetique. Jichuc.

1 Juan 5:4

Melel spisil mach'a ayinem ta swenta te Diose, ya stsal te balumilale. Ja' ya yaiy tsalaw ta swenta te xch'uunjel yo'tane.

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.

Judas 1:24

Te jip jtul Dios te bayal sp'ijile, te Jcoltaywanej cu'untic, ay yu'el ta scanantaybelex te manchuc ya xyalex ta mulile, swenta yu'un ma me ayuc amulic te ya atejc'an abaic ta stojol ta bay te yutsilale. Jich me bayal ya xbujts'naj awo'tanic yu'un. Ay yutsilal stuquel, soc ay ta ich'el ta muc', soc ay yu'el, soc ya xmandalaj spisil ora ta swenta te Cajwaltic Jesucristo, ja' to ta xjajch'ibal, soc ta ora to, soc ta sbajt'el q'uinal. Jichuc.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.