1 Juan 5:16 - Bible in Tzeltal de Oxchuc y Tenejapa

¹⁶ Teme ay mach'a la yil te yac ta sleel smul te yermanoe, teme ma ja'uc swenta lajel te smule, ac'a sc'oponbey Dios. Jich te Diose ya me yac' cuxinuc, teme yu'un nanix ma swentauc lajel te smule. Yu'un ay mulil te ya yac'otic ta lajele. In to, ma xcal te ya yich' c'oponel Dios yu'une.

Nuevo Testamento Tzeltal de Amatenango

¹⁶ Teme ay machꞌa ya yil te yermano te yipal ta sleel smule, teme ma jaꞌuk ta skuenta te lajele, kꞌoponbeya Dios. Jich Dios ya xꞌaꞌbot xkuxlejal yuꞌun te hermanoe, teme ma jaꞌuk te mulil skuenta te lajele. Ay mulil te ya xꞌakꞌawan bael ta lajele, y te mulil abi makꞌ ya kal te ya skꞌan kꞌoponbeyel Diose.

Bible in Tzeltal Bachajón

¹⁶ Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel.

1 Juan 5:16 ပူးပေါင်းရင်းမြစ်များ

Génesis 20:17

Jich yu'un te Abraham la sc'oponbey Dios, jich col te Abimelec, te yinam soc te criadaetique, alajic ta spisilic.

Génesis 20:7

Jich yu'un ticuna sujt'el ta stojol smamlal te antse, te melel j'alwanej cu'un te Abrahame. Ya me xc'opoj awu'un ta jtojol, jich me ya xcuxinat. Yan teme ma x'aticun sujt'ele, jc'axel ya xlajat soc spisil mach'a ay awu'un —xi' sc'oplal yu'un te Diose.

Salmos 106:23

Te Dios la yalbey sc'oplal ta lajinel ta jc'axel; ja'uc me to, te Moisés te tsabil yu'une, c'opoj yu'unic. Jich lamaj bael sc'ajc'al yo'tan te Diose; ma ba la slajin ta jc'axel te lume.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Jeremías 11:14

Ja' yu'un te ja'at Jeremías, ma me xc'opojat ta ac'anbelon xc'uxtayel te lume; ma me xc'opojat yu'un ta awalbelon wocol ta swentaic. Melel ma me ba ya caiy stojol c'alal ya ac'anbon coltayel loq'uel ta yolil te woclajele.

Jeremías 14:11

Te Cajwaltic la yalbon: —Ma me xawalbon wocol ta sc'anel yutsilal in lum to.

Jeremías 7:16

La yalbon te Cajwaltique: —Ja'at, Jeremías, ma me xac'oponon yu'un in lum to, ma xawalbon wocol yu'un, ma xc'opojat yu'unic. Ma me xasujon, melel ma me xcaiybat stojol.

Ezequiel 22:30

La jleix ta yolilic te mach'a ay bila lec ya spasbey ta stojol te lume, te yacuc stejc'an sba ta c'op cu'un ta stojol te lume, swenta yu'un jich ma ba ya jlajin a te jichuque. Pero ma'yuc banti jtaoj.

Números 12:13

Jich yu'un te Moisés la yalbey wocol te Cajwaltic: —Wocoluc, Dios cu'un, ya calbat wocol, ya me alamantesbey te xchamele —xi' te Moisese.

Números 15:30

“Yan teme ay mach'a spasemal yo'tan la spas te mulile, mach'auc a teme israel o teme jyanlum, tey la sboltesbon jc'oplal. Jich yu'un te mach'a jich la spas, ya me yich' loq'uesel ta yolil te slumale.

San Lucas 12:10

“Teme ay mach'a ya sbolc'optay te Nich'anile, ya xju' ya spasbot perdón yu'un. Yan te mach'a ya stoybac'optay te Ch'ul Espiritue, ma xju' ya spasbot perdón yu'un stuquel.

San Juan 17:9

“Ya calbat wocol yu'unic. Ma ja'uc ya calbat wocol yu'un te mach'atic yu'un te balumilale, ja' nax stuquel te mach'atic la awac'bon ta jc'abe, melel ja' awu'un stuquelic.

2 Timoteo 4:14

Te Alejandro te jpas-calderae, la yac'bonix bayal jwocol. Ya me x'ac'bot stoj yu'un Cajwaltic te bila la spasbone.

1 Juan 5:17

Ja' mulil spisil te bila ma stojiluc ta pasele, soc ay mulil te ma swentauc lajele.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.

1 Samuel 2:25

Teme ay mach'a ya sta smul ta stojol te sjoy ta ants-winiquil, ya xchajbanot yu'un Cajwaltic; pero teme ay mach'a ya sta smul ta stojol te Cajwaltique, ¿mach'a c'an coltayotuc yu'un stuquel? —xi' te Elí. Pero te nich'aniletic ma la yich'beyic ta muc' sc'op te statique, melel ja' ay ta yo'tan Cajwaltic te ya slajinbey xcuxlejalique.