1 Juan 5:11 - Bible in Tzeltal de Oxchuc y Tenejapa

¹¹ La yalbotiquix ta testigo-c'op te Diose te ya yac'botic jcuxlejaltic sbajt'el q'uinal, te cuxlejale ja' ta swenta te Snich'ane.

Nuevo Testamento Tzeltal de Amatenango

¹¹ Jaꞌ te testigo-kꞌop yuꞌun te Diose: Jaꞌ te la yaꞌbotikix te kuxlejaltik sbajtel kꞌinal, y te kuxlejal to ay ta skuenta te Xnichꞌane.

Bible in Tzeltal Bachajón

¹¹ Ha te testigo-c'op ini: Dios ya'beyejotic jcuxlejaltic sbahtel q'uinal, soc te cuxlejal ini ay ta scuenta te Snich'ane.

1 Juan 5:11 ပူးပေါင်းရင်းမြစ်များ

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 1:4

Ja' ya yac' cuxlejal stuquel. In te cuxlejale, ja' te ay saquil q'uinal ta stojolic te ants-winiquetique.

San Juan 10:28

Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Juan 12:50

Jna'oj stojol te ya yac' cuxinel sbajt'el q'uinal te smandal te Jtate. Jich yu'un te bila ya cale, ja' ya cal te bila yalojbon te Jtate —xi' te Jesuse.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 19:35

Te mach'a la yil te bila c'ot ta pasele ja' testigo yu'un. Ma slotuc te bila ya yale. Soc sna'oj te melel te bi ya yale, swenta yu'un ya me ach'uunic te ja'exe.

San Juan 3:36

Te mach'a ya xch'uun te Nich'anile, ya me xcuxin sbajt'el q'uinal. Te mach'a ma sc'an xch'uun te Nich'anile, ma xyil te cuxinele. Ja' nax quechel yilimba Dios ta stojolic.

San Juan 4:36

Te mach'atic ya sc'ajique, ya me x'ac'bot stojol sc'ab yu'un. Soc te sit c'ajoj te ya stsobique, sbajt'el q'uinal ya xcuxin, swenta yu'un pajal me ya xbujts'naj yo'tanic soc te mach'atic la yaiyic awale soc te mach'atic la yaiyic c'ajoje.

San Juan 4:4

Te bit'il bajt'e, puersa c'ax ta sq'uinal Samaria.

San Juan 5:21

Melel te Jtatic Diose ya me xcuxes te animaetique, soc ya yac'bey xcuxlejal. Ja' nanix jich uuc te Nich'anile ya me yac' cuxinuc uuc te mach'atic ya sc'an yo'tan te ya yac' cuxinuque.

San Juan 5:26

Melel te Tatil cuxul ta stuquel, soc ja' nix jich yac'ojbey ta swenta te Snich'anile, jich nix cuxul ta stuquel uuc.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

San Juan 6:47

Jamal ya calbeyex, te mach'atic ya xch'uunonique ya me xcuxinic sbajt'el q'uinal.

San Juan 6:68

Te Simón Pedro la yal: —Cajwal, ¿mach'a yan ya xbootic ta stojol? Melel ja'at nax atuquel te ay cuxinel sbajt'el q'uinal ta swenta te ac'ope.

Romanos 5:21

Jich bit'il ay yu'el ta yaq'uel lajel te mulile, ja' nanix jich te yutsil yo'tan te Diose ay yu'el ta yaq'uel ta libre yu'un mulil soc ta yaq'uel cuxinel sbajt'el q'uinal ta swenta te Cajwaltic Jesucristoe.

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

1 Timoteo 1:16

Ja'uc me to, la xc'uxtayon te Diose, swenta yu'un jich me ya yac' ta ilel ta jwenta te bit'il bayal perdón ay ta yo'tan te Jesucristoe. Ja' ejemplo ya yilic a te mach'atic patil ya xch'uunic te Jesucristoe, swenta yu'un jich me ya staic xcuxlejalic sbajt'el q'uinal yu'un.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

1 Juan 2:25

Soc yalojix te Jesucristo te ya yac' cuxinucotic sbajt'el q'uinale.

1 Juan 4:10

Tey ya jna'tic stojol a te bit'il ay te xc'uxul yo'tan te Diose. Ma jo'ocotic te c'ux la caiytic ta co'tantic te Diose. Ja' c'ux la yaiyotic ta yo'tan stuquel. Jich la sticun tel te Snich'ane, la jelolintic ta stojel te jmultique.

1 Juan 4:9

La yac' ta ilel te bit'il c'uxotic ta yo'tan ta swenta bit'il la sticun tel ta balumilal te jip jtul Snich'ane, swenta yu'un jich me ya xcuxinotic ta swenta stuquel.

1 Juan 5:10

Te mach'a ya xch'uun te Snich'an Diose, ay ta yo'tan te testigo-c'op yaloj te Diose. Yan te mach'a ma xch'uun te testigo-c'op yalojix te Diose, ja' la spas lot ta sc'op te Diose, melel ma ba xch'uunej te testigo-c'op yu'un Dios ta swenta te Snich'ane.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

1 Juan 5:7

Ay oxeb testigoetic yu'un ta bay ch'ulchan: Ja' te Tatile, soc te C'opile, soc te Ch'ul Espiritue. Jun nax ay ta yoxebalic.

3 Juan 1:12

Yan te Demetrioe, lec ay sc'oplal yu'unic ta spisilic stuquel, soc jich ya yal uuc te smelelil c'ope. Soc jo'on testigoon yu'un uuc in to. Ja'ex ya ana'ic stojol te bit'il smelelil te bi ya cale.

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.

Apocalipsis 1:2

Ja' la yal ta testigo te Sc'op Diose. Ja' testigo yu'un uuc te Jesucristo ta swenta te bila ac'bot yile.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,