1 Juan 5:10 - Bible in Tzeltal de Oxchuc y Tenejapa

¹⁰ Te mach'a ya xch'uun te Snich'an Diose, ay ta yo'tan te testigo-c'op yaloj te Diose. Yan te mach'a ma xch'uun te testigo-c'op yalojix te Diose, ja' la spas lot ta sc'op te Diose, melel ma ba xch'uunej te testigo-c'op yu'un Dios ta swenta te Snich'ane.

Nuevo Testamento Tzeltal de Amatenango

¹⁰ Te machꞌa ya xchꞌuun te Xnichꞌan Dios, ay ta yoꞌtan te testigo-kꞌope. Te machꞌa ma xchꞌuune, jaꞌ skuyoj ta jle-lot te Diose, porke ma xchꞌuun te testigo-kꞌop te Dios a yalbe ta skuenta te Xnichꞌane.

Bible in Tzeltal Bachajón

¹⁰ Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane.

1 Juan 5:10 ပူးပေါင်းရင်းမြစ်များ

Job 24:25

Teme ma jichuc te bit'il ya cale, ¿mach'a ya xju' ya yalbon ta jamal te jowejemon ta c'ope? —xi' te Zofar.

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Proverbios 3:32

Melel ilaybilic yu'un Cajwaltic stuquelic te mach'atic amen yo'tanique; pero te mach'atic lec yo'tane, ya yac'bey smuc'ul yo'tan stuquelic.

Isaías 53:1

¿Mach'a ya xch'uun te bi caiyojtic stojole? ¿Mach'a yac'ojbey sna' stojol Cajwaltic te yu'ele?

Jeremías 15:18

¿Bi yu'un te ma xcom te bila c'ux ya caiye? ¿Bi yu'un te ma'yuc ta poxtayel te quejch'ene, te ma xch'uun te jayebuc te poxtayele? Jich c'oemat ta jtojol te bit'il beja' te ya xlo'laywan, te ma staleluc ay ya'lele.

Números 23:19

Te Dios ma jichuc te bit'il mach'a ya xlaje: Ma spas lot, ma sujt'es sc'op. Teme ay bila ya yal, ya sc'otes ta pasel. Teme ay bila ya yal ta jamal te ya spase, ya sc'otes ta pasel te sc'ope.

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

San Juan 3:18

Te mach'a ya xch'uun te Snich'an Diose, ma x'ac'ot ta lajel yu'un te smulique. Yan te mach'a ma xch'uune, chapalix te ya x'ac'ot ta lajele, scaj te ma xch'uun te jip jtul Snich'an te Diose.

San Juan 3:33

Yan teme ay mach'a ya xch'uune, ya yac' ta na'el te bit'il melel te bila ya yal te Diose.

San Juan 5:38

ni jp'aluc sc'op te ainem ta awo'tanique. Ja' swentail te ma ba ya ach'uunic te mach'a ticunbil tel yu'une.

Hechos 8:37

Te Felipe la yalbey: —Teme spisil awo'tan ya ach'uune, ya nax xju' te ya cac'bat awich' ja'e —xi'.] Jich la yal: —Jch'uunej te ja' Snich'an Dios te Jesucristoe —xi'.

Romanos 8:16

Ja' nix te Espíritu te ya xc'opoj ta co'tantique, te ya yac' jna'tic te jo'otic yal-snich'anotic te Diose.

Gálatas 4:1

Te bila la calixe, ja' pajal soc in to: Teme peq'uel to ya'wilal a te alal te ya yich'bey jilel sbiluc te state, pajal sc'oplal soc te mosoe, manchuc teme ja' yu'un spisil te sbiluque.

Gálatas 4:6

Ta swenta te bit'il yal-snich'anex te Diose, la sticun tel ainuc ta awo'tanic uuc te Espíritu yu'un te Snich'ane. Ja' swentail te jich ya xc'opoje: “¡Abba, Jtat!”, xi' ta stojol te Diose.

Colosenses 3:3

Melel lajemex, soc muquen ay acuxlejalic yu'un Dios, ta swenta te Cristoe.

Hebreos 3:12

Quermanotac, tsajtaya me abaic, ma me ayuc jtuluquex te ma junuc awo'tanic ta stojol te cuxul Diose, te jich ya awijq'uitayic jilel soc te ma x'ac'an ach'uunique.

2 Pedro 1:19

Jich ya jna'tic te smelelil te bila yalojic jilel te namey q'uinal j'alwanejetique. Ja' lec te bit'il awich'ojic ta muc' te c'op yalojique, te melel pajal soc lámpara te tilem ta ijc' q'uinale, ja' to teme sacub q'uinale, soc ja' to teme loc' tel te muc'ul ec' swenta sacubel q'uinal te ya yac' sacub q'uinal ta awo'tanique.

1 Juan 1:10

Yan teme ya caltic te ma'yuc jmultic jpasojtique, ja' jpas-lot ta jc'optic te Diose, soc ma ba c'oem ta co'tantic ta melel te sc'ope.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

Apocalipsis 12:17

Jich te muc'ul chane c'axem to xan ilin yo'tan ta stojol te antse. Jich ba yaiy guerra soc te jich yipal te sts'umbal xane, ja' bi, ja' te mach'atic yat'elinejic xch'uunel smandal te Diose soc te jun yo'tan yich'ojic ta muc' te testigo-c'op yaloj te Jesucristoe.

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Apocalipsis 2:28

Soc ya cac'bey te muc'ul ec' te ya xloc' tel ta sacubel q'uinale.