1 Juan 4:3 - Bible in Tzeltal de Oxchuc y Tenejapa

³ Spisil mach'a ya yal te ma la yich' sbaq'uetal te Jesucristo te xtaluque, tey me ya ana'ic a te ma ja'uc Espíritu yu'un Dios te yic'ojique. Yu'un ja' yic'ojic te espíritu yu'un te anticristoe. Te ja'exe awaiyojiquix stojol te ay mach'a jich ya xtale. Melel nix a, ayix ta balumilal ta ora to.

Nuevo Testamento Tzeltal de Amatenango

³ Yan te machꞌa ma jichuk ya yal ta jamal te Jesuse, ma jaꞌuk yikꞌoj te Espíritu yuꞌun Diose, yuꞌun jaꞌ yikꞌoj te espíritu te skontrainej te Cristoe. Te jaꞌexe awaꞌiyejik te ya xtal te espíritu to, y te ora to ayix ta balmilal.

Bible in Tzeltal Bachajón

³ Pero spisil te mach'atic te ma ba jamal ya yalic te xtaluc soc sbaq'uetal te Jesucristo, ma me yu'unuc Dios stuquel; ha me yu'un te espíritu yu'un te anticristo te awa'iyejic te ya xtale, te li' ayix ta bahlumilal ta ora ini.

1 Juan 4:3 ပူးပေါင်းရင်းမြစ်များ

San Mateo 24:5

melel ay me tsobolic ya xtalic te yich'ojbon jbiil ta sc'opique, jich me ya yalic: “Jo'on Cristoon”, xiic me. Ay me tsobol ta jtul te ya xlajic ta lo'layel yu'une.

1 Juan 2:18

Cal-jnich'nab, slajibalix c'aal ayotic. Jich bit'il awaiyojic stojol te ya xtal te anticristoe, jich ay chicanajemix tsobol anticristoetic. Jich ya jna'tic stojol a te slajibalix c'aal ayotique.

1 Juan 2:22

¿Mach'a a te jpas-lote? Ja' me te mach'a ya yal te ma ja'uc Cristo te Jesuse. Ja' me anticristo te mach'a ma xyich' ta muc' te Tatile soc te Nich'anile.

2 Juan 1:7

Yu'un ay tsobol jlo'laywanejetic te yacalic ta beel ta spamal te balumilale, ya yalic te ma la yich' sbaq'uetal te Jesucristo te xtaluque. Te mach'a jich ya yale ja' me jlo'laywanej abi, soc ja' me te anticristo abi.