1 Juan 4:12 - Bible in Tzeltal de Oxchuc y Tenejapa

¹² Jtul ma'yuc mach'a yilojbey sit te Diose. Teme talel c'axel c'ux ya caiy jbajtique, yu'un nanix jc'axel ainemix ta co'tantic a te Diose, soc jich me ya cac'tic ta ilel te xc'uxul yo'tan Dios cu'untic.

Nuevo Testamento Tzeltal de Amatenango

¹² Yuꞌun ni jtuluk machꞌa yiloj te Diose. Pero teme talel bael ya jkꞌuxutay jbajtike, Dios me jmel nax ay ta koꞌtantik, sok jich me ay xkꞌuxul koꞌtantik jich tutꞌil te xkꞌuxul yoꞌtane.

Bible in Tzeltal Bachajón

¹² Mayuc mach'a yiloj te Diose; pero teme talel c'axel c'ux ya ca'iy jbahtic, ay ta co'tantic te Diose soc ts'acal c'oht te sc'uxul yo'tan ta co'tantic.

1 Juan 4:12 ပူးပေါင်းရင်းမြစ်များ

Génesis 32:30

Te Jacob la slebey sbiil te banti jich c'ot ta pasele. Peniel sbiil c'ot yu'un, yu'un la yal: “Tey la quilbey sit a te Diose; ja'uc me to cuxulon, ma ba lajon yu'un”, xi'.

Éxodo 33:20

Ja'uc me to, jamal ya calbat, ma xju' ya awilbon te quelawe. Ma'yuc jtuluc winic ya xju' ya yilbon jsit te stalel cuxul ya xjile —xi'.

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

1 Corintios 13:13

Jich yu'un ay oxten te ma xlaj sc'oplale: Ja' te xch'uunjel-o'tanile, ja' te bila ay ta maliyele, soc te xc'uxul-o'tanile. Ja'uc me to, te bay cajal sc'oplal ta yoxebale, ja' te xc'uxul-o'tanile.

1 Timoteo 1:17

Jich yu'un, ac'a ich'otuc ta muc' te muc' Ajwalil sbajt'el q'uinal, te stalel cuxul stuquel, te ma chicanuc ta ilel, te ja' nax Dios stuquel, soc te ay yutsilal ta sbajt'el q'uinal stuquel. Jichuc.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Hebreos 11:27

Ta swenta xch'uunjel yo'tan la yijq'uitay jilel te sq'uinal Egiptoe. Ma ba xiw yo'tan yu'un te yilimba te muc' ajwalile, melel ja' smuc'ulinej yo'tan te Dios te yac ta yilel ta site, manchuc teme ma chicanuc ta ilele.

1 Juan 2:5

Yan teme ay mach'a xch'uunej te bila la yal te Diose, yu'un nanix ayix xc'uxul yo'tan ta melel. Jich ya jna'tic stojol te jun c'oemotiquix soc te Diose.

1 Juan 3:24

Spisil mach'a yat'elinej xch'uunel smandal te Diose, jich jc'axel ainemix ta yo'tan te Diose soc ainemix ta yo'tan uuc. Jna'ojtic stojol te jc'axel ainem ta co'tantic ta swenta te Espíritu te yac'ojbotique.

1 Juan 4:16

Jich jna'ojtic stojol, soc xch'uunej co'tantic te c'uxotic ta yo'tan te Diose. Ja' Jc'uxul-o'tanil te Diose. Jich yu'un te mach'a jc'axel ay ta bay te xc'uxul yo'tane, ja' jc'axel ainemix ta yo'tan te Diose, soc jc'axel ainemix ta yo'tan uuc.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?

1 Juan 4:6

Yan te jo'otique, ja' yu'unotic te Diose. Jich te jayeb mach'a ya sna'beyic sba te Diose, ya yaiybotic stojol jc'optic. Yan te mach'a ma yu'unuc te Diose, ma xyaiybotic stojol jc'optic stuquelic. Tey ya jna'tic stojol a te mach'a yic'oj te Espíritu yu'un te smelelil c'ope, soc te espíritu yu'un te mach'a jlo'laywaneje.