1 Juan 4:11 - Bible in Tzeltal de Oxchuc y Tenejapa

¹¹ Quermanotac te c'uxex ta co'tane, te bit'il jich c'ux la yaiyotic ta yo'tan stuquel te Diose, jich yu'un ya sc'an te talel c'axel c'ux ya caiy jbajtique.

Nuevo Testamento Tzeltal de Amatenango

¹¹ Kermanotak te kꞌuxex ta koꞌtane, teme jich a xkꞌuxutayotik te Diose, jich ya skꞌan te talel bael ya jkꞌuxutay jbajtik te joꞌotike.

Bible in Tzeltal Bachajón

¹¹ Ha'ex te c'uxex ta co'tan, teme hich la sc'uxultayotic te Diose, ya sc'an te ha nix hich talel c'axel c'ux ya ca'iy jbahtique.

1 Juan 4:11 ပူးပေါင်းရင်းမြစ်များ

San Lucas 10:37

Te maestro yu'un te mandalile jich la yal: —Ja' te mach'a la xc'uxtaye —xi'. Te Jesús la yalbey te maestroe: —Jich me xba apas uuc te ja'ate —xi'.

San Juan 13:34

Ta ora to ya calbeyex yach'il mandalil: C'ux me x'awaiy abaic ta awo'tanic, jich te bit'il c'ux la caiyex ta co'tane.

Efesios 4:31

Ijq'uitayaic spisil te lab-o'tanile, te c'ajc'ubele, te ilimbae, te utawe, te bol c'ope, soc spisil ta jchajp te ixtajele.

Colosenses 3:13

Talel c'axel ts'icbeya abaic, soc pasbeya abaic perdón teme ay ma lecuc te bila ya apasbey abaique. Jich nix te bit'il la spasbeyex perdón te Cristoe, ja' nanix me jich ya sc'an te ya apasbey abaic perdón uuc te ja'exe.

1 Juan 2:7

Quermanotac, ja'ex te bayal c'uxex ta co'tane, ma ach' mandaliluc te la jts'ibubeyexe. Ja' nix te namey mandalil te awaiyojic stojol ta xjajch'ibal toe. Soc ma yanuc, ja' nix te mandalil te la awaiyiquix stojole.

1 Juan 3:11

Melel ja' sc'op Dios in to, te awaiyojic stojol ta xjajch'ibal to tele, ja' te bit'il talel c'axel c'ux me ya caiy jbajtique.

1 Juan 3:23

Te smandal yaloje, ja' in to: Ja' te ya jch'uunbeytic sbiil te Snich'ane, ja' te Jesucristoe, soc te talel c'axel c'ux ya caiy jbajtique, jich bit'il yalojbotic mandal te Cristoe.

1 Juan 4:7

Quermanotac te c'uxex ta co'tane, ya sc'an te talel c'axel c'ux ya caiy jbajtique, melel ta swenta Dios ya xtal te c'uxul-o'tanile. Spisil mach'a ay xc'uxul yo'tan, ayinemix ta swenta Dios abi, soc sna'ojbey sba te Diose.

2 Juan 1:5

Ta ora to, me'tic, ya calbat wocol te c'ux me ac'a caiy jbajtic ta co'tantic ta jpisiltic. Te bit'il la jts'ibubat in to, ma ach' mandaliluc te la calbate. Ja' nix te caiyojtic stojol ta xjajch'ibal toe.