1 Juan 3:8 - Bible in Tzeltal de Oxchuc y Tenejapa

⁸ Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.

Nuevo Testamento Tzeltal de Amatenango

⁸ Pero te machꞌa ya yaꞌtelin sleel smule, jaꞌ yuꞌun te pukuje. Porke te pukuje la sle smul desde ta slijkibal to tal. Jaꞌ yuꞌun te puersa a tal te Xnichꞌan Diose yuꞌun tal sjimbey te tut ya spas te pukuje.

Bible in Tzeltal Bachajón

⁸ Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

1 Juan 3:8 ပူးပေါင်းရင်းမြစ်များ

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Isaías 27:1

Te bi c'aalil ya cale, te Cajwaltic ya me yac'bey castigo te Leviatán, te chan te busul ta lume, ja' te Leviatán, te sbets'unaj ya xbeene; ya me smil ta spuñal te xiweltic nax sbae, te c'axem to xan smuc'ul te yu'ele, ya to sta ta milel a te muc'ul chan te ay ta mar.

Números 21:9

Te Moisés la spasbey sloc'omba chan ta bronce, la sjojc'an ta te'. C'alal ay mach'a ti'bilix yu'un a te chane, la stoy moel sit ta yilel te sloc'omba chan pasbil ta bronce, jich a col.

San Mateo 12:28

Ja'uc me to, te jo'one ya jloq'ues pucujetic ta swenta te Espíritu yu'un te Diose. Tey chicanix ta jamal te ayix ta ajwalinel ta awolilic te Diose.

San Mateo 13:38

In te q'uinale, ja' swolol te balumilale. Te lequil awalile, ja' te alnich'anetic yajwalinejic te Dios te ay ta ch'ulchane. Te cizaña-ac ja' te mach'atic yajwalinejic te pucuje.

San Mateo 4:3

Jich te pucuje tal yilbey yo'tan te Jesuse. Jich la yal: —Teme ja'at Snich'anat te Diose, albeya in tonetic to te ya xc'atp'uj ta waje —xi' te pucuje.

San Marcos 1:24

Jich la yal: —Jesús te Nazarete, ¿bi awentaotic? ¿Yu'un bal tal ajinotic? Ya jna'bat aba te ja'at te Xch'ul-nich'anat te Diose —xi' ta aw.

San Lucas 10:18

La yal te Jesuse: —Jich na'ax, melel yacon ta yilel te ch'ay coel tel ta ch'ulchan te Satanase. Jich la quil te bit'il xlememet ya xco tel te chawuque.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

San Juan 16:11

Te castigo yu'un mulil, ja' te ya yich' castigo te ajwalil yu'un te balumilale.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Romanos 16:20

Te Dios yu'un lamal q'uinal, nopolix te ya yac'beyex apech'ic ta teq'uel te Satanase. Te yutsil yo'tan cu'untic te Cajwaltic Jesucristoe, ac'a me sjoinex ta apisilic.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Colosenses 2:15

C'alal laj ta cruz te Cristoe, tey la slajinbey yat'elic a te mach'atic ich'bilic ta muq'ue soc te mach'atic ay yu'elique. Soc la yac' ta ilel ta comonsitil te bit'il peq'uel a jilic ta spisilic te c'alal la yaiy tsalaw te Cristoe.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

Hebreos 2:14

Te bit'il ch'ich'-baq'uet ayic te “alnich'anetic” te xie, jich nix ch'ich'-baq'uet c'ot uuc te Jesuse, swenta yu'un jich ju' yu'un tsalaw a te bit'il laje. Jich ju' yu'un te la slajinbey yip yu'el te lajele, ja' bi ja' te pucuje.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

2 Pedro 2:4

Melel te Diose ma la spasbey perdón te ch'ul abatetic te la sta smulic ta stojole. La xch'oj coel ta bay infierno. Tey la yac' ta chuquel ta cadena ta bay te ijc' q'uinale, q'uejbilic tey a, ja' to teme la sta sc'aalelal te ich'el ta c'ope.

1 Juan 1:2

Ac'ot ta ilel te cuxinele. Te jo'on soc te jo'taque la quiltic. Ja' testigo c'oemon yu'un soc te jo'taque. Ja' ya calbeyex awaiyic sc'oplal te cuxinel sbajt'el q'uinale, te sjoinej sba soc te Tatil te chicnajix ta jtojoltique.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

1 Juan 3:5

Te ja'exe ana'ojic stojol te ja' xtaluc ta balumilal Jesucristo yu'un te tal xch'aybotic te jmultique. Soc ana'ojic stojol te ma'yuc smul stuquele.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

Judas 1:6

Soc te ch'ul abatetic te ma la yich' ta muc' te yat'elique, la yijq'uitayic te banti ayique. Ayic ta chuquel ta ijc' q'uinal ta ora to, swenta yu'un ya me yich' ich'el ta c'op te c'alal ya sta sc'aalelale.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.