1 Juan 3:7 - Bible in Tzeltal de Oxchuc y Tenejapa

⁷ Cal-jnich'nab, ma me mach'a ya slo'layex. Spisil mach'a yat'elinej spasel te bila leque, chican te bit'il toj yo'tane, jich bit'il toj yo'tan stuquel te Jesucristoe.

Nuevo Testamento Tzeltal de Amatenango

⁷ Kuntikil, ma me ayuk machꞌa ya sloꞌlayex. Toj ay te machꞌa ya yaꞌtelin te tut leke, jich tutꞌil te Jesucristo te toj stukele.

Bible in Tzeltal Bachajón

⁷ Cal-jnich'nab, ma me ayuc mach'a ya slo'loyex; te mach'a ya spas te bin toj, ha toj yo'tan ta winiquil, hich te bin ut'il toj yo'tan stuquel te Jesucristo.

1 Juan 3:7 ပူးပေါင်းရင်းမြစ်များ

Salmos 106:3

Bin nax yutsilic te mach'atic ya yat'elinic spasel te toj-o'tanil, soc te spisil ora ya spas te bila toj ta pasele.

Salmos 45:7

Ja' ya smulan awo'tan te bila lec ta pasele; ja' ilaybil awu'un te bila ma lecuque. Ja' yu'un stsaojat Dios, ja' la stsaat te Dios awu'une; yac'ojbat bayal yutsil q'uinal awaiy, c'ax jich awich'oj a te bit'il yantic.

San Mateo 5:20

Jich yu'un ya me calbeyex te ja'exe, teme ma c'axemuc to xan toj awat'el te bit'il ya spasic te jts'ibojometic soc te fariseoetique, ma xju' ya x'ochex tey a ta banti ay ta ajwalinel te Dios ta ch'ulchane.

San Lucas 1:75

Ch'ulajem co'tantic soc toj co'tantic ta stojol te jayeb c'aal cuxulotique.

Hechos 10:35

Melel ta bay juju-jchajp nación lec ya yil spisil mach'a ya x'ich'ot ta muc' yu'un soc te ya yat'elinic spasel te bila leque.

Romanos 2:13

Melel ma ja'uc toj ya x'ilotic yu'un Dios te mach'atic ja' nax ya yaiyic stojol te mandalile, ja' toj ya x'ilotic yu'un Dios te mach'atic ya spasic te bila ya yal te mandalile.

1 Corintios 6:9

¿Yu'un bal ma x'ana'ic stojol te mach'atic ma tojuc yo'tanic ma xju' ya yajwalinic te Diose? Ma me slo'layex te awo'tanique, melel ma xju' ya xc'otic tey a te mach'atic ya xyalic ta mulile, te mach'atic ya xch'uunic loc'ombaetique, te mach'atic ya yaiyic mulweje, te mach'atic sc'atp'unej sbaic ta antse, te mach'atic sjoy sbaic ta winiquil te ay bi ya spasbey sbaic ta sbaq'uetalique, te j'eleq'uetique, te mach'atic biq'uit nax yo'tanic yu'un stsobel te sc'ulejale, te jyacubeletique, te j'ixta-c'opetique soc te mach'atic jlo'layej-taq'uinetique. Spisil in to, ma xju' ya xc'o ainuquic tey a ta banti ay ta ajwalinel te Diose.

Efesios 5:6

Ma me xawac' abaic ta lo'layel yu'un lotil c'op te ma'yuc swentaile. Melel ja' ta swenta in muliletic to te ya x'ac'bot yich'ic tulan castigo yu'un Dios te mach'atic yal-snich'an te jch'ay-mandale.

Efesios 5:9

Melel te sit ya yac' te Espiritue ja' te yutsil co'tantique, soc te bila toje soc te bila melele.

Filipenses 1:11

Ta swenta me te Jesucristoe, te nojel sit te awat'elique. Jich me ya x'albot wocol ta awentaic te Diose, soc jich me lec sc'oplal ya xc'ot awu'unic ta bayuc te Diose.

Hebreos 1:8

Yan te Snich'ane, jich la yalbey sc'oplal: “Ja'at te Diosate, nacalat ta amuc'ul nactijib ta ajwalil sbajt'el q'uinal. Toj ya awaiy chajbanwanej soc te awat'ele.

Hebreos 7:2

Jich te Abrahame la yac'bey jun ta slajunebal te biluc te la spoj tel te banti xc'otuc ta guerrae. Te Melquisedeque “muc' ajwalil te lec ya xchajbanwane”, xi' ta c'asesel te sbiile. Soc te bit'il ja' muc' ajwalil yu'un lum Salem, te “lamal q'uinal” xi' ta c'asesel sbiil te lume, jich “muc' ajwalil yu'un lamal q'uinal”, xi' sc'oplal.

Santiago 1:22

Ja'uc me to, pasaic me te bila ya yal te sc'op Diose. Ma me ja'uc nax te ya awaiyic stojole. Ma me xalo'lay abaic atuquelic a.

Santiago 2:19

Te ja'ate ach'uunej te jun nax Dios aye. Lec nax te bit'il jich ach'uuneje. Ja'uc me to, jich xch'uunejic uuc te pucujetique, soc ya xnijc' yo'tanic yu'un xi'el.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

1 Juan 2:26

La jts'ibubeyex in to, ta scaj te ay mach'atic ya slo'layexe.

1 Juan 2:29

Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.

1 Juan 3:18

Cal-jnich'nab, ma me sbauc nax jti'tic ya jmulantic yalel te c'ux ya caiy jbajtique. Ac'a me chicnajuc ta cat'eltic te bit'il c'ux ya caiy jbajtic ta melele.

1 Juan 3:3

Spisil mach'a yac ta smaliyel te jich ya xc'ote, ac'a me yutstes te yo'tane, jich te bit'il yo'tan te Jesucristoe.

1 Juan 4:17

Ta swenta te xc'uxul yo'tan te Diose, ya stojobtesotic swenta yu'un ja' smuc'ul co'tantic te c'alal ya sta sc'aalelal te ich'el ta c'ope. Jichuc me cat'eltic ta q'uinal te bi yilel yat'el te Jesucristoe.