1 Juan 3:6 - Bible in Tzeltal de Oxchuc y Tenejapa

⁶ Spisil mach'a jc'axel jun ay soc te Jesucristoe, jich ma ba ya sleulay smul. Yan te mach'a ya sleulay smule, yu'un nanix ma yilojuc a soc ma sna'bey sba.

Nuevo Testamento Tzeltal de Amatenango

⁶ Jich yuꞌun, spisil te machꞌa jun nax ay sok te Jesucristoe, makꞌ sleix smul. Pero spisil te machꞌa ya sle smule, yuꞌun ma yilojuk y ni ma snaꞌojbeyuk sba.

Bible in Tzeltal Bachajón

⁶ Spisil te mach'a jc'axel ya x'ayin ta stojol ma ba ya slehulan smul. Spisil te mach'a ya slehulan smul, ma ba yiloj soc ma ba sna'beyej sba.

1 Juan 3:6 ပူးပေါင်းရင်းမြစ်များ

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

1 Juan 2:28

Jich yu'un, cal-jnich'nab, jc'axel ainanic soc te Cristoe, swenta yu'un jun nax co'tantic te c'alal ya quilbeytic site. Jich me ma jtatic q'uexlal ta stojol te c'alal ya xchicnaj tele.

1 Juan 2:3

Teme ya jch'uunbeytic smandal te Diose, tey ya jna'tic stojol a te jna'ojbeytic sbae.

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

1 Juan 3:9

Spisil mach'a ayinem ta stojol te Diose, ma ba ya yat'elin sleel smul, melel jc'axel ja' sts'umbalinej te Diose. Jich ma xju' ya sleulay smul, yu'un ayinemix ta swenta te Diose.

1 Juan 4:8

Yan te mach'a ma'yuc xc'uxul yo'tane, yu'un nanix ma sna'bey sba te Diose, te melel ja' Jc'uxul-o'tanil stuquel te Diose.

1 Juan 5:18

Jna'ojtic stojol te mach'a ayinemix ta swenta te Diose, ma ba ya sleulayix smul. Melel ja' canantaybil yu'un te Snich'an Diose. Jich ma xlo'layotix yu'un te pucuje.

3 Juan 1:11

Te ja'at te c'uxat ta co'tane, ma me xac'ain te bila amene. Ja' me xapas a te bila leque. Te mach'a ya spas te bila leque, ja' me yu'un Dios abi. Yan te mach'a ya spas te bila amene, yu'un nanix ma yilojuc a te Diose.