1 Juan 3:18 - Bible in Tzeltal de Oxchuc y Tenejapa

¹⁸ Cal-jnich'nab, ma me sbauc nax jti'tic ya jmulantic yalel te c'ux ya caiy jbajtique. Ac'a me chicnajuc ta cat'eltic te bit'il c'ux ya caiy jbajtic ta melele.

Nuevo Testamento Tzeltal de Amatenango

¹⁸ Kuntikil, ma me jaꞌuk nax te ya kaltik te ay skꞌuxul koꞌtantike, sinoke ya skꞌan ya xchiknaj ta skuenta te tut ya jpastike.

Bible in Tzeltal Bachajón

¹⁸ Cal-jnich'nab, ma me ta c'opuc nax o ta sbahuc nax quetic ya caltic te c'ux ya ca'iy jbahtic, smeleliluc me te c'ux ya ca'iy jbahtic soc ac'a me chicnajuc ta ca'teltic.

1 Juan 3:18 ပူးပေါင်းရင်းမြစ်များ

Éxodo 33:21

La yal te Cajwaltique: —Ya calbat awaiy, ay jochol ta jts'eel. Tejc'ana aba ta sba te p'ijom tone.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

San Lucas 7:5

Melel c'ux ta yo'tan te jlumaltique, soc ja' nix la yac' ta pasel te sinagoga cu'untique —xiic.

San Juan 17:19

Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

Romanos 12:9

C'ux me x'awaiy abaic ta melel. Ilayaic te bila amene; ja' me x'at'unic te bila leque.

Gálatas 5:13

Melel te ja'ex quermanotac, Dios la yiq'uex ta stojol swenta yu'un jich me jc'axel libre ya x'ainex yu'un. In te bit'il libre ayexe, ¿yu'un bal lec teme ya xjajch' apasic spisil te bila stalel ya smulan spasel te jmulawil jbaq'uetaltique? Ja' lec teme talel c'axel ya awac' abaic ta abatinel ta swenta bit'il c'ux ya awaiy abaic ta awo'tanic.

Efesios 4:15

Ja' ya sc'an te ya jt'untic bael te smelelil c'op ta swenta xc'uxul co'tantic, ya sc'an ya xch'iotic jpisiltic ta stojol te mach'a jolol cu'untique, ja' bi ja' te Cristoe.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

1 Juan 3:7

Cal-jnich'nab, ma me mach'a ya slo'layex. Spisil mach'a yat'elinej spasel te bila leque, chican te bit'il toj yo'tane, jich bit'il toj yo'tan stuquel te Jesucristoe.

2 Juan 1:1

Jo'on te ancianoone, ya jpatbat awo'tan, me'tic, te tsabilat yu'un Dios soc te awalataque. Bayal c'uxex ta co'tan ta melel. Soc ma jo'ocon nax jtuquel te c'ux ya caiyex ta co'tane. Ja' c'uxex ta yo'tanic uuc spisil te mach'atic yaiyojic stojol te smelelil c'ope.

3 Juan 1:1

Jo'on, te ancianoone, ya jpatbat awo'tan, ja'at quermano Gayo, te c'uxat ta co'tan ta melele.