1 Juan 3:10 - Bible in Tzeltal de Oxchuc y Tenejapa

¹⁰ Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

Nuevo Testamento Tzeltal de Amatenango

¹⁰ Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.

Bible in Tzeltal Bachajón

¹⁰ Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

1 Juan 3:10 ပူးပေါင်းရင်းမြစ်များ

2 Samuel 13:22

Jich nix te Absalón ma'yuc bi la yalbey te Amnón, manchuc me xcupet slab yo'tan yu'un te la sjinbey sc'oplal te yijts'in Tamar.

San Mateo 13:38

In te q'uinale, ja' swolol te balumilale. Te lequil awalile, ja' te alnich'anetic yajwalinejic te Dios te ay ta ch'ulchane. Te cizaña-ac ja' te mach'atic yajwalinejic te pucuje.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

San Juan 1:12

Yan te mach'atic la yiq'uic ta stojolique, soc te la xch'uun yo'tanic ta swenta sbiil, la yac'bey tulan yat'elic te bit'il ochic ta yal-snich'anic te Diose.

San Juan 11:52

Soc ma stuqueluc nax sc'oplal te judioetique, ja' sc'oplalic ta spisil uuc te alnich'anetic yu'un Dios te pujq'uemic te ya yich'ic tsobel ochel ta jun naxe.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

San Juan 8:47

Te mach'atic yu'un te Diose, ya yaiybeyic stojol te sc'ope. Yan te bit'il ma yu'unuquex te Diose, jich ma x'ac'an awaiybeyic stojol te bila ya yale —xi' te Jesuse.

Hechos 13:10

Jich la yalbey: —Te ja'ate lo'laywanejat, nojel ta awo'tan spisil te bila amen ta pasele. Ja' snich'anat te pucuje, acontroinej spisil te bila lec ta pasele. ¿Jc'axel bal ma x'acom aba ta smacbel sbe te Cajwaltique?

Romanos 13:8

Ma me ayuc mach'a ay abet ta stojol. Ja' nax me quechel ta awentaic te talel c'axel c'ux ya awaiy abaique. Melel te mach'a c'ux ya yaiy ta yo'tan te spat-xujq'ue, jich ju'ix yu'un xch'uunel te bila ya yal te mandalile.

Efesios 5:1

Te bit'il yal-snich'anex Dios te bayal c'uxex ta yo'tane, nopbeyaic me te yo'tane.

Colosenses 3:14

Ja' bayal sc'oplal te ya awaq'uic ta ilel te bit'il ac'u'inejic te xc'uxul awo'tanique, yu'un ja' syomoj spisil te bila lec ta pasele.

1 Timoteo 1:5

Te bi swentailuc in mandal to, ja' te xc'uxul-o'tanil te ayinem ta bay lequil-o'tanil, soc te lequil nopjibale, soc te xch'uunjel-o'tanil ta melel.

1 Juan 2:29

Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.

1 Juan 3:1

Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

1 Juan 4:21

Melel jich la yalbotic mandal te Diose: “Te mach'a c'ux ya yaiy ta yo'tan te Diose, c'uxuc me ac'a yaiy ta yo'tan uuc te yermanoe”, te xie.

1 Juan 4:6

Yan te jo'otique, ja' yu'unotic te Diose. Jich te jayeb mach'a ya sna'beyic sba te Diose, ya yaiybotic stojol jc'optic. Yan te mach'a ma yu'unuc te Diose, ma xyaiybotic stojol jc'optic stuquelic. Tey ya jna'tic stojol a te mach'a yic'oj te Espíritu yu'un te smelelil c'ope, soc te espíritu yu'un te mach'a jlo'laywaneje.

1 Juan 4:8

Yan te mach'a ma'yuc xc'uxul yo'tane, yu'un nanix ma sna'bey sba te Diose, te melel ja' Jc'uxul-o'tanil stuquel te Diose.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

1 Juan 5:2

Teme c'ux ya caiytic ta co'tantic te Diose, soc teme ya cat'elintic spasel te bi la yal ta mandale, yu'un nanix c'ux ya caiytic ta co'tantic uuc te mach'a yal-snich'nab te Diose.

3 Juan 1:11

Te ja'at te c'uxat ta co'tane, ma me xac'ain te bila amene. Ja' me xapas a te bila leque. Te mach'a ya spas te bila leque, ja' me yu'un Dios abi. Yan te mach'a ya spas te bila amene, yu'un nanix ma yilojuc a te Diose.