1 Juan 3:1 - Bible in Tzeltal de Oxchuc y Tenejapa

¹ Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.

Nuevo Testamento Tzeltal de Amatenango

¹ Ila awilik te lom bayal a kꞌuxutayotik te Jtatik Diose te ya yalbotik te xnichꞌanotik te Diose, y yuꞌun nanix jich ayotik a. Jaꞌ yuꞌun te machꞌatik ayik ta skuenta balmilale ma snaꞌbotik jbajtik, yuꞌun ma snaꞌbeyik sba te Diose.

Bible in Tzeltal Bachajón

¹ Ilawil bin ut'il bayel c'uxotic ta yo'tan te Tatil, te ha yal-snich'anotic Dios ya jbihilintic. Ha scuentahil te ma sna'botic jbahtic te bahlumilale, como ma sna'beyic sba te Diose.

1 Juan 3:1 ပူးပေါင်းရင်းမြစ်များ

2 Samuel 7:19

Cajwal, mero bayal sc'oplal c'oem awu'un ya caiy, melel la atabonix ta alel te bila ya xc'ot ta pasel ta patil ta stojol cajalcaj te jts'umbal te awabatone. Ma'yuc mach'a jich ya spas te bit'il ja'ate, Cajwal.

Salmos 31:19

Mero muc' yutsil awo'tan ta swenta te mach'atic ya yich'at ta muq'ue. Te yutsil awo'tan ya aq'uej jichuc c'ulejalil, te ya apucbey ta comonsitil te mach'atic smuc'ulinejat yo'tanique.

Jeremías 3:19

“Israel, la jnop quic'belat jich bit'il jnich'an soc te ya cac'bat aq'uinalin te ay ta mulanele, ja' te lumq'uinal te mero c'ax bayal yutsil yu'un a ta spisil ta spamal balumilal. La cal te “Jtat”, ya awutone, soc te mero ma'yuc bay ya aq'uej aba bael ta jtojole.

Oseas 1:10

Ya me sta sc'aalelal te mach'atic israeletic te jichic te bit'il sji'al mar, te ma'yuc mach'a ya xju' yu'un sp'isel, ni yajtayel. Te bit'il la yich' albeyel: —Ma lumuquexix cu'un te ja'exe —te xi' sc'oplalique, Dios me ya yalbey: —Ja'ex me yal-snich'anex te cuxul Dios —xi' me sc'oplalic.

San Lucas 20:36

Soc ma xju' ya xlajiquix. Pajal c'oemiquix soc te ch'ul abatetique. Yal-snich'an Dios c'oemic te bit'il cha'cuxemiquixe.

San Juan 1:12

Yan te mach'atic la yiq'uic ta stojolique, soc te la xch'uun yo'tanic ta swenta sbiil, la yac'bey tulan yat'elic te bit'il ochic ta yal-snich'anic te Diose.

San Juan 11:52

Soc ma stuqueluc nax sc'oplal te judioetique, ja' sc'oplalic ta spisil uuc te alnich'anetic yu'un Dios te pujq'uemic te ya yich'ic tsobel ochel ta jun naxe.

San Juan 15:21

Spisil in to ya spasbeyex ta jo'on jwenta, melel ma sna'beyic sba te Mach'a la sticunon tele.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

San Juan 17:25

Jtat, te toj awo'tane, ma sna'bat aba te mach'atic ayic ta swenta te balumilale. Yan te jo'one ya jna'bat aba jtuquel. Te mach'atic xch'uunejonixe sna'ojiquix te ja'at la aticunon tele.

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

Romanos 5:8

Ja'uc me to, te Diose la yaq'uix ta ilel te bayal c'uxotic ta yo'tan te bit'il la yac' sba ta lajel cu'untic te Cristoe, manchuc teme mero jmulawilotique.

Romanos 8:19

Soc spisil te bitic pasbil yu'un te Diose, yo'tanuc ya xchicnantesot ta ora te mach'atic yal-snich'an te Diose.

Romanos 8:21

melel spisil te bitic pasbile, ya me sta yorail te ya xcol ta mosoil yu'un te bit'il bolobene soc te bit'il jineme, swenta yu'un jelawen yutsilal te libre ya xc'ot spisil te yal-snich'an te Diose.

Romanos 8:32

Melel ma la sna'bey yo'bolil sba te Snich'ane, spasemal yo'tan la yac' ta lajel ta jwentatic. ¿Ma bal spisiluc ya yac'botic ta majt'anil spisil te bit'il aye?

2 Corintios 6:18

Jo'on me Atatonic ya xc'oon, te ja'exe cal-jnich'nab ya xc'oex, xi' te Cajwaltic te Spisil ya xju' yu'une”, te xie.

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.

Gálatas 3:29

Teme yu'unex te Cristoe, jich sts'umbal c'oemex te Abrahame. Jich me ya awich'ic te bendición te la yalbey sc'oplal ta trato te Diose.

Deuteronomio 14:1

“Te ja'exe, te yal-snich'nabex te Cajwaltic te Dios cu'untique, ma me xawejch'entes abaq'uetalic, soc ma me xajox stsotsil ajolic ta ati'baic ta stojol teme ay mach'a ya xlaje.

Colosenses 3:3

Melel lajemex, soc muquen ay acuxlejalic yu'un Dios, ta swenta te Cristoe.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

1 Juan 4:17

Ta swenta te xc'uxul yo'tan te Diose, ya stojobtesotic swenta yu'un ja' smuc'ul co'tantic te c'alal ya sta sc'aalelal te ich'el ta c'ope. Jichuc me cat'eltic ta q'uinal te bi yilel yat'el te Jesucristoe.

Apocalipsis 21:7

Te mach'a ya xju' yu'un tsalawe, ya me cac'bey yu'unin spisil in to. Ja' Dios ya xc'oon yu'un, soc ja' jnich'an ya xc'ot stuquel.