1 Juan 2:9 - Bible in Tzeltal de Oxchuc y Tenejapa

⁹ Te mach'a ya yal te ayix ta bay te saquil q'uinale, teme yilintayej te yermanoe, yu'un nanix ay to ta ijc' q'uinal abi.

Nuevo Testamento Tzeltal de Amatenango

⁹ Teme ay machꞌa ya yal te ayix ta sakil kꞌinale, pero teme ya spꞌaj te yermanoe, yuꞌun nanix ay to ta ijkꞌal kꞌinal a.

Bible in Tzeltal Bachajón

⁹ Te mach'a ya yal te ay ta sacal q'uinal pero teme ya sp'aj te yermano, ay to ta yihc'al q'uinal abi.

1 Juan 2:9 ပူးပေါင်းရင်းမြစ်များ

2 Samuel 13:22

Jich nix te Absalón ma'yuc bi la yalbey te Amnón, manchuc me xcupet slab yo'tan yu'un te la sjinbey sc'oplal te yijts'in Tamar.

Salmos 82:5

“Pero te ja'exe ma x'ana'ic, ma xc'ot ta awo'tanic; melel yacalex ta beel ta ijc' q'uinal. Ac'a nijc'uc te yiptajib te lumq'uinale.

Levítico 19:17

“Ma me xcupetuc slab awo'tan ta stojol awermano. “Tojtesa me te alumal teme tojtesel ya sc'ane, ma me xamulinbey smul, ma me xapaj awo'tan soc.

San Juan 9:41

Jesús la yalbey yaiyic: —Te yu'unuc ma'situquexe, ma'yuc amulic te jichuque. Ja'uc me to, ya awalic te jamal asitique, ja' ma xch'ay amulic yu'un —xi' te Jesuse.

Hechos 1:15

Jich ora te la stejc'an sba jajch'el te Pedro ta yolil te quermanotactique. (Ay niwan wacwinic (120) ta jtul ta spisilic.) Jich caj yal ta stojolic:

2 Pedro 1:9

Yan te mach'a ma'yuc yu'une, pajal c'oem soc jtul ma'sit, soc pajal c'oem soc te mach'a ma'yuc yip te site. Melel ch'ayix ta yo'tan te bit'il la yich' poquel te smul sleoj ta neelal toe.

1 Juan 1:6

Teme ya caltic te jun ayotic soc te Diose, teme ja' yacotic ta spasel te bila swenta te ijc' q'uinale, yacotic nax ta lot abi. Yu'un ma ba yacotic ta spasel te bila melele.

1 Juan 2:11

Yan te mach'a yilintayej te yermanoe, yu'un nanix ainem ta ijc' q'uinal, tey yac ta beel a. Jich ma sna' te banti ya xbajt'e, melel ma'sit c'oem yu'un te ijc' q'uinale.

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?