1 Juan 2:5 - Bible in Tzeltal de Oxchuc y Tenejapa

⁵ Yan teme ay mach'a xch'uunej te bila la yal te Diose, yu'un nanix ayix xc'uxul yo'tan ta melel. Jich ya jna'tic stojol te jun c'oemotiquix soc te Diose.

Nuevo Testamento Tzeltal de Amatenango

⁵ Yan te machꞌa ya yakꞌ ta jkuenta te skꞌope, yuꞌun nanix kꞌuxix ta yoꞌtan abi. Y teme jich aye, jnaꞌojtik te jun nax ayotik sok te Diose.

Bible in Tzeltal Bachajón

⁵ Yan te mach'a ya sch'uhumbe sc'op, ts'acal c'ohemix ta yo'tan te sc'uxul yo'tan te Dios ta mero melel. Hich ya jna'tic a te jun ayotic soque.

1 Juan 2:5 ပူးပေါင်းရင်းမြစ်များ

Salmos 105:45

teme ya yich'beyic ta muc' smandal soc teme ya xch'uunic spasel te bila ya yac' ta nopele. ¡Bin nax me yutsil te Cajwaltique!

Salmos 106:3

Bin nax yutsilic te mach'atic ya yat'elinic spasel te toj-o'tanil, soc te spisil ora ya spas te bila toj ta pasele.

Salmos 119:146

La' coltayawon, swenta yu'un ya jpas te mandaliletic awu'une.

Salmos 119:2

Bin nax me yutsil te mach'atic yat'elinejic xch'uunel te mandaliletic yu'une, soc te spisil yo'tanic yacalic ta sleel yutsil,

Salmos 119:4

Ja'at awaloj tulan mandal te ya yich' ch'uunel spisil te mandaliletic awu'une.

Proverbios 28:7

Te mach'a xch'uunej te mandalil yu'un Dios, ja' te nich'anil ya stsajtay sba; yan te mach'a ja' nax baem ta yo'tan sjoinel te mach'atic ma'yuc bi lec ya spas ta q'uinal, ya yac' ta q'uexlal te state.

Proverbios 8:32

“Yo'tic, cal-jnich'an, aiybon awaiyic jc'op; nopbonic co'tan, jich me bayal awutsil ya xc'oex a.

Eclesiastés 8:5

Te mach'a ya sc'otes ta pasel te mandalile, ma me ayuc bi amen ya xc'ot ta swenta stuquel. Te mach'a ay sp'ijile, ya sna' bi ora soc bi ya yut ya yac' c'otuc ta pasel stuquel.

Ezequiel 36:27

Ya me cac'beyex ta awo'tanic te espíritu cu'une, ya me cac' te ya apasic te bila ya yal spisil te mandaliletic cu'une.

San Lucas 11:28

La yal te Jesuse: —Ja' bin nax yutsil stuquelic te mach'atic ya yaiybeyic stojol sc'op te Diose soc te ya xch'uunic spasele —xi'.

San Juan 14:21

Te mach'a yich'ojbon te jmandale, soc teme ya xch'uune, ja' me te mach'a c'uxon ta yo'tane. Te mach'a c'ux ya yaiyon ta yo'tane, c'ux me ya x'aiyot yu'un uuc te Jtate. C'ux me ya caiy ta co'tan uuc, soc ya me cac' sna'bonic jba ta lec —xi' te Jesuse.

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

San Juan 15:5

“Jo'on mero smuc'ul yac'ulon. Te ja'exe sc'abc'abex. Te mach'a jc'axel ainem ta jtojole soc teme ainemon ta stojole, jich me ya yac' sit ta lec stuquel. Xujt' ma'yuc bi ya xju' awu'unic spasel teme q'uejel ya awac' abaique.

San Juan 6:56

Te mach'a ya swe'bon te jbaq'uetale soc te ya yuch'bon te jch'ich'ele, jc'axel ayix ta jtojol soc jc'axel ayonix ta yo'tan uuc.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Santiago 2:22

Na'ame te bit'il te xch'uunjel yo'tan te Abrahame snujp'inej sba soc te yat'ele. Jich ts'acal c'ot te xch'uunjel yo'tan ta swenta te yat'ele.

1 Juan 3:24

Spisil mach'a yat'elinej xch'uunel smandal te Diose, jich jc'axel ainemix ta yo'tan te Diose soc ainemix ta yo'tan uuc. Jna'ojtic stojol te jc'axel ainem ta co'tantic ta swenta te Espíritu te yac'ojbotique.

1 Juan 4:17

Ta swenta te xc'uxul yo'tan te Diose, ya stojobtesotic swenta yu'un ja' smuc'ul co'tantic te c'alal ya sta sc'aalelal te ich'el ta c'ope. Jichuc me cat'eltic ta q'uinal te bi yilel yat'el te Jesucristoe.

1 Juan 4:18

Teme ay xc'uxul co'tantique, jich ma'yucotic ta xiwel. Yu'un teme ay xc'uxul co'tantic ta melele, jich ma xiwotic. Melel te mach'a ay ta xiwele, ja' ya smaliy te ya x'ac'bot castigoe. Te mach'a ay ta xiwele, yu'un ma to tojobtesbiluc yu'un te c'uxul-o'tanile.

1 Juan 5:2

Teme c'ux ya caiytic ta co'tantic te Diose, soc teme ya cat'elintic spasel te bi la yal ta mandale, yu'un nanix c'ux ya caiytic ta co'tantic uuc te mach'a yal-snich'nab te Diose.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

2 Juan 1:6

Te bit'il ay te xc'uxul co'tantique, ja' teme ya jch'uuntic spasel te bila la yalbotic ta mandal te Diose. Te smandal yalojbotique, ja' te bit'il ya sc'an te c'ux ya caiy jbatic ta jpisiltique. Jich te bit'il awaiyojic stojol ta xjajch'ibale.

Apocalipsis 12:17

Jich te muc'ul chane c'axem to xan ilin yo'tan ta stojol te antse. Jich ba yaiy guerra soc te jich yipal te sts'umbal xane, ja' bi, ja' te mach'atic yat'elinejic xch'uunel smandal te Diose soc te jun yo'tan yich'ojic ta muc' te testigo-c'op yaloj te Jesucristoe.

Apocalipsis 14:12

Jich yu'un te mach'atic ch'ul lum yu'un Dios te yat'elinejic xch'uunel te smandale soc te ay xch'uunjel yo'tanic ta stojol te Jesuse, ts'ijq'uem yu'unic te swocolique.