1 Juan 2:13 - Bible in Tzeltal de Oxchuc y Tenejapa

¹³ Ja'ex te me'il-tatilexe, jich la jts'ibubeyex in to, yu'un na'bilix sba awu'unic te mach'a stalel ay ta xjajch'ibale. Ja'ex te jch'iel ants-winiquexe, jich la jts'ibubeyex in to, yu'un tsalbilix awu'unic te pucuje. Ja'ex alaletic, jich la jts'ibubeyex in to, yu'un la ana'beyiquix sba te Tatile.

Nuevo Testamento Tzeltal de Amatenango

¹³ Meꞌil-tatiletik, la jtsꞌibabeyex ta akuentaik porke la anaꞌbeyikix sba te Machꞌa ayix a desde ta slijkibale. Bikꞌtal kermetik, la jtsꞌibabeyex ta akuentaik porke la atsalikix te pukuje. La jtsꞌibabeyex ta akuentaik, kuntikil, porke la anaꞌbeyikix sba te Tatile.

Bible in Tzeltal Bachajón

¹³ Ha'ex tatiletic, ya jts'ihbabeyex como yac ana'beyic sba te Mach'a stalel ay ta shahchibal. Ha'ex ach'ix queremetic, ya jts'ihbabeyex como atsalojiquix te mach'a chopole. Ha'ex alaletic, ya jts'ihbabeyex como ana'beyejiquix sba te Tatile.

1 Juan 2:13 ပူးပေါင်းရင်းမြစ်များ

Salmos 148:12

winiquetic soc antsetic, spisil muc'-biq'uitetic.

Salmos 90:2

Te c'alal ma to ayuc a te witstiquil, te c'alal ma to ayuc a te lumq'uinal soc spisil bitic ay, c'alal to ta mero namey soc ja' to c'alal ta patil bael, ja'at atalel Diosat atuquel.

Salmos 91:14

Ya yal te Cajwaltic: “Jo'on ya jcoltay loq'uel spisil a, ma'yuc bi ya xtaot yu'un, melel c'uxon ta yo'tan soc ya sna'bon jba.

Proverbios 20:29

Te bila toyol nax q'uinal ya yaiyic yu'un te jch'ieletique, ja' te yipique; te yutsilalic te mamaletic, ja' te saquix sjolique.

Joel 2:28

Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

Zacarías 9:17

Bayal me yutsil, soc buen t'ujbil me te slumalique. Ya me x'esmaj xan te trigo yu'unic; ya me x'esmaj xan te vino yu'unic. Buen t'ujbil me ya xmuc'ubic te queremetic yu'unique; buen t'ujbil me ya xmuc'ubic te ach'ixetic yu'unique.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

San Mateo 13:19

Te mach'a ya yaiy stojol te bit'il ay ta ajwalinel te Diose, soc te ma xc'ot ta yo'tane, jich c'oem te bit'il awalil te c'ot ta bee. Ya xtal te pucuje, ya sloq'uesbey ta yo'tan te bila la yaiy stojole.

San Mateo 13:38

In te q'uinale, ja' swolol te balumilale. Te lequil awalile, ja' te alnich'anetic yajwalinejic te Dios te ay ta ch'ulchane. Te cizaña-ac ja' te mach'atic yajwalinejic te pucuje.

San Mateo 5:37

Te c'alal ya awalic: “Yac”, teme xaexe, yu'unix jich abi. “Ju'u”, teme xaexe, yu'unix jich abi. Yan teme c'ax jich te bila ya awalique, ja' me mulil abi.

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

San Juan 14:7

Teme ana'ojbonic jbae, ja' ana'ojbeyic sba uuc te Jtate. Ta ora bael to ana'ojbeyiquix sba soc awilojiquix —xi' te Jesuse.

San Juan 14:9

Jesús la yalbey: —Felipe, bayalix c'aal te joinejexe. ¿Ma to bal x'ana'bon jba? Te mach'a yilojonixe, ja' yilojix uuc te Jtate. ¿Bistuc te jich la awale: “Ac'botic quiltic te Tatile”, te xaate?

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Juan 17:21

Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 8:19

Jich yu'un la yalbeyic: —¿Banti ay te atate? —xiic. La yal te Jesuse: —Te ja'exe ma x'ana'bonic jba soc ja' nanix jich ma x'ana'beyic sba uuc te Jtate. Teme ya ana'bonic jbae, ja' nix jich ya ana'beyic sba uuc te Jtate —xi'.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

1 Timoteo 5:1

Ya calbat te ma me uteluc ya acom te mamaletique. Lamaluc me xatac'uy jichuc atat. Soc te jch'iel queremetique jich me xac'opon te bit'il awijts'inabe.

Tito 2:6

Ja' nanix jich ya sc'an ya atac'uy uuc te muc'ul queremetic te ma xjelawic uuque.

1 Juan 1:1

Ya calbeyex sc'oplal te mach'a stalel ay ta xjajch'ibale. La caiybeytic stojol te sc'ope soc la quiltic ta jsitique, melel la jna'beytic sba te bi yilele soc la jpictic ta jc'abtic te C'opil te ay cuxinel ta swentae.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

1 Juan 2:12

Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

1 Juan 2:14

Ja'ex te me'il-tatilexe, jich la jts'ibubeyex in to, yu'un na'bilix sba awu'unic te Mach'a stalel ay ta xjajch'ibale. Ja'ex te jch'iel ants-winiquexe, jich la jts'ibubeyex in to, yu'un ay yip awo'tanic soc jc'axel ay ta awo'tanic te sc'op Diose. Jich tsalbilix awu'unic te pucuje.

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

1 Juan 5:18

Jna'ojtic stojol te mach'a ayinemix ta swenta te Diose, ma ba ya sleulayix smul. Melel ja' canantaybil yu'un te Snich'an Diose. Jich ma xlo'layotix yu'un te pucuje.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

Apocalipsis 12:11

Te quermanotactique la stsaliquix ta swenta xch'ich'el te Alalchije soc ta swenta te sc'op Dios te la stejc'an sbaic ta testigo yu'une. Melel ma la xc'uxtay sbaic soc te xcuxlejalique. Jun nax yo'tanic la yac' sbaic ta lajel yu'un.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.