1 Juan 2:12 - Bible in Tzeltal de Oxchuc y Tenejapa

¹² Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

Nuevo Testamento Tzeltal de Amatenango

¹² Kuntikil, la jtsibabeyex ta akuentaik to porke te Dios la spasbelexix perdon te amulike ta skuenta te Jesucristoe.

Bible in Tzeltal Bachajón

¹² Ha'ex cal-jnich'nabex, ya jts'ihbabeyex como pasbilexix perdón yu'un amulic ta scuenta sbihil te Jesucristo.

1 Juan 2:12 ပူးပေါင်းရင်းမြစ်များ

Salmos 106:8

Ja'uc me to, Dios la scoltay soc la yac'bey sna'bey sba yu'el, swenta yu'un ya x'ac'ot ta ich'el ta muc' yu'un a.

Salmos 25:11

Cajwal, muc' te jmule, pasbon perdón; ac'a ta ich'el ta muc' te abiile.

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

San Lucas 5:20

C'alal la yil te Jesús te bit'il ay xch'uunjel yo'tanique, jich la yalbey te jchamele: —Tatic, pasbilatix perdón yu'un te amule —xi'.

Hechos 10:43

Soc ja' te mach'a la yalbeyic sc'oplal ta neelal to te j'alwanejetic yu'un te Diose, te bit'il ja' ta swenta sbiil Jesús te ya spasbot perdón yu'un smulic spisil te mach'atic ya xch'uunique —xi' te Pedroe.

Hechos 13:38

Jich yu'un, quermanotac, na'aic me stojol te yaquix ta alel ta atojolic te ayix perdón yu'un jmultic ta swenta te Jesuse.

Hechos 4:12

Ma'yuc yan te mach'a ay colel ta swenta, melel ma'yuc yan ta spamal balumilal te yac'ojbotic sbiil te Diose te ya xju' ya xcolotic ta swentae —xi' te Pedroe.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Efesios 4:32

Ja' ya sc'an te talel c'axel ay yutsil awo'tan abaique, soc te pajal ya ac'uxtay abaique. Pasbeya abaic perdón jich te bit'il Dios la spasbeyex perdón ta swenta te Cristoe.

Colosenses 1:14

Ja' ta swenta xch'ich'el te la sman jcoleltique, jich la spasbotic perdón yu'un te jmultique.

1 Juan 1:4

Jich la jts'ibubeyex spisil in to swenta yu'un ts'acal ya xbujts'naj awo'tanic ta lec yu'un.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

1 Juan 1:9

Yan teme jamal ya caltic te jmultique, jna'ojtic stojol te jich ya spasbotic perdón te Diose, soc ya spocbotic loq'uel spisil ta jten te sbolil co'tantique. Yu'un toj yo'tan soc jun yo'tan stuquel te Diose.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

1 Juan 2:21

La jts'ibubeyex in to, ma yu'unuc ma to ba ana'ojic te smelelil c'ope, melel ana'ojiquix. Jich ana'ojic stojol ta lec te xujt' ma'yuc lotil c'op ya xchicnaj ta swenta te smelelil c'ope.

1 Juan 2:7

Quermanotac, ja'ex te bayal c'uxex ta co'tane, ma ach' mandaliluc te la jts'ibubeyexe. Ja' nix te namey mandalil te awaiyojic stojol ta xjajch'ibal toe. Soc ma yanuc, ja' nix te mandalil te la awaiyiquix stojole.